गन्‍ती 22:4 - नेवाः बाइबल

⁴ मोआबीतय्‌सं मिद्यानया थकालितय्‌त धाल, “थ्‍व हुलं झीगु प्‍यखेरं च्‍वंपिं फुक्‍क मनूतय्‌त द्वहं नं ख्‍यलय् च्‍वंगु वाउँगु घाँय् क्‍वाप्‍प नःगु थें क्‍वाप्‍प नयाबी।” उबलय् सिप्‍पोरया काय् बालाक मोआबया जुजु खः।

गन्‍ती 22:4 ပူးပေါင်းရင်းမြစ်များ

१ राजा 11:18

इपिं मिद्यान जुयाः पारानय् वन। अले पारानं छुं मनूत ब्‍वनाः इपिं मिश्रया जुजु फारोयाथाय् वन। मिश्रयाम्‍ह जुजुं हददयात जमिन व छखा छेँ बिल, वयात नयेगु व त्‍वनेगु व्‍यवस्‍था यानाबिल।

प्रस्‍थान 15:15

एदोमयापिं नायःत तसकं ग्‍याइ, मोआबयापिं थकालित थुरथुर खाइ। कनानयापिं फुक्‍क मनूतय् नुगलय् ध्‍यांग्रा थाइ,

यर्मिया 48:38

मोआबया छेँया फुक्‍क कःसि कःसिइ व चुक चुकय् ख्‍वःसः बाहेक मेगु छुं नं मदु, छाय्‌धाःसा सुयातं मयःगु थल थें जिं मोआबयात तछ्यानाबियागु दु,” परमप्रभुं धयादी।

गन्‍ती 22:2

इस्राएलीतय्‌सं एमोरीतय्‌त छु छु याःगु खः, व फुक्‍क मोआबया जुजु सिप्‍पोरया काय् बालाकं खन।

गन्‍ती 22:7

मोआब व मिद्यानयापिं थकालितय्‌सं जुजुया ल्‍हातं भुलां ज्‍याला कयाः बालामयाथाय् वनाः जुजुयागु खँ न्‍यंकल।

गन्‍ती 24:17

जिं वय्‌कःयात स्‍वये, तर आः थत्‍थें ला मखु। जिं वय्‌कःयात खंके, तर लिक्‍क हे ला मखु। याकूबं छगः नगु त्‍वइ, इस्राएलं छगू राजदण्‍ड पिहां वइ। वय्‌कलं मोआबया छ्यं तछ्यानादी। शेथया सन्‍तानयात नाश यानाबी।

गन्‍ती 25:6

इस्राएलीत नापलायेगु पालया ध्‍वाखाय् ख्‍वयाच्‍वंबलय् हे छम्‍ह मनुखं मोशा व इस्राएलया फुक्‍क खलःया न्‍ह्यःने छम्‍ह मिद्यानी मिसायात थःगु छेँजःपिन्‍थाय् हल।

गन्‍ती 31:1

परमप्रभुं मोशायात धयादिल,

गन्‍ती 31:8

स्‍यूपिं मनूत मध्‍ये मिद्यानया न्‍याम्‍ह जुजुपिं एवी, रेकेम, सूर, हूर व रेबा नं दुगु जुयाच्‍वन। इमिसं बओरया काय् बालामयात नं तरवारं स्‍यात।

न्‍यायकर्ता 11:25

हानं छ छु मोआबयाम्‍ह जुजु सिप्‍पोरया काय् बालाक स्‍वयाः भिं ला? छु वं गुबलें इस्राएलयात हमला यात ला?

न्‍यायकर्ता 6:1

हाकनं इस्राएलीतय्‌सं परमप्रभुया मिखाय् मभिंगु ज्‍या यात। उकिं वय्‌कलं इमित न्‍हय्‌दँ तक मिद्यानीतय्‌गु ल्‍हातय् लःल्‍हानादिल।