गन्‍ती 22:36 - नेवाः बाइबल

³⁶ बालाकं बालाम वःगु खँ न्‍यनाः थःगु देशया यक्‍व पुर्बय् च्‍वंगु सिमानाय् लाःगु अर्नोन खुसि सिथय् च्‍वंगु मोआबया शहरय् वयात नापलाः वन।

गन्‍ती 22:36 ပူးပေါင်းရင်းမြစ်များ

उत्‍पत्ति 14:17

अब्राम कदोर्लाओमेर व व नाप दुपिं जुजुपिन्‍त त्‍याकाः वये धुंकाः सदोमया जुजु वयात नापलायेत शावेया ब्‍यासिइ वल। थ्‍व थाय्‌यात “जुजु बेसी” नं धाः।

उत्‍पत्ति 18:2

अब्राहामं थस्‍वःबलय् स्‍वम्‍ह मनू थःगु न्‍ह्यःने दनाच्‍वंगु खन। वं काचा काचां दनाः इमित नापलाः वन। अले बँय् थ्‍यंक क्‍वछुनाः भ्‍वपुल।

उत्‍पत्ति 46:29

योसेफ थःगु रथ तयार यानाः थः बौ इस्राएलयात गोशेनय् नापलायेत पिहां वल। वं थः बौयात नापलायेवं घय्‌पुयाः ताःईतक ख्‍वयाच्‍वन।

प्रस्‍थान 18:7

मोशा थः ससःबौयात नापलायेत पिहां वल। वयात नाप लानाः भागि यानाः घय्‌पुल। इमिसं थःथवय् म्‍हंफु मफु न्‍यन। अले पालय् दुहां वन।

यशैया 16:2

स्‍वँपाखें लिना छ्वया थुखे उखे ब्‍वयाजुयाच्‍वंपिं झंगःत थें मोआबया शहर शहरयापिं मिसात अर्नोन खुसि सिथय् थुखे उखे जुयाः पियाच्‍वंगु दु।

यर्मिया 48:20

मोआबया बेइज्‍जत जूगु दु, छाय्‌धाःसा वयात चुंचुं याःगु दु। ‘नुगः मछिंकि, ख्‍व, मोआबयात नाश यात’ धकाः अर्नोन खुसि सिथय् वनाः धा।

गन्‍ती 22:35

परमप्रभुया दूतं बालामयात धाल, “छ थुपिं मनूतनापं हुँ। अय्‌नं जिं छु छु धाये व हे जक छं धा।” अथे जुयाः बालाम बालाकया नायःत नापं वन।

गन्‍ती 22:37

बालाकं बालामयात धाल, “जिं छितः सःतेत मनूत छ्वया, अय्‌नं छि छाय् याकनं जिथाय् झायामदीयागु? छु धात्‍थें जि छितः इज्‍जत याये बहःम्‍ह मजू ला?”

प्रेरित 28:15

रोमय् च्‍वंपिं विश्‍वासी दाजुकिजापिन्‍सं जिपिं वइगु खँ न्‍यनाः गुलिं “स्‍वंगू सतः” धाःथाय् तक, अले गुलिं “अप्‍पियस” धाःगु बजारय् थ्‍यंक लँ स्‍वः वल। इमित खनाः पावलं लय्‌तायाः परमेश्‍वरयात सुभाय् बिल।

व्‍यवस्‍था 2:24

“आः न्‍ह्यज्‍या हुँ, अर्नोन खुसिया न्‍हसिकाप पुलाहुँ। जिं हेश्‍बोनया जुजु एमोरी, सीहोन व वयागु देश छिमिगु ल्‍हातय् बियागु दु। अथे जुयाः व देश थःगु अधिकारय् हयेगु शुरु या अले व जुजुलिसें लडाइँ या।

व्‍यवस्‍था 3:8

उबलय् झीसं थुपिं निम्‍ह एमोरी जुजुतय्‌गु ल्‍हातिं अर्नोन खुसिया न्‍हसिकापंनिसें हेर्मोन पर्वत तक यर्दनया पुर्बपाखेया देश कया।

न्‍यायकर्ता 11:18

“अनं लिपा इपिं मरुभूमि जुयाः वन अले एदोम व मोआबया सिथं सिथं जुयाः मोआबया पुर्ब वनाः अर्नोनया मेखेपाखे छाउनी तल। अर्नोन खुसि मोआबया सिमाना जूगुलिं इपिं मोआब देशय्‌ दुहां मवं।”

१ शमूएल 13:10

शाऊलं होमबलि नकतिनि छाये सिधय्‌कूबलय् शमूएल वल अले शाऊल वयात नाप लानाः लसकुस यायेत वन।