गन्‍ती 22:20 - नेवाः बाइबल

²⁰ परमेश्‍वर व चान्‍हय् बालामयाथाय् झायाः वयात धयादिल, “थुपिं मनूत छन्‍त सःतेत वःगुलिं इपिं नापं हुँ, अय्‌नं जिं छन्‍त छु छु धाये व हे जक छं या।”

गन्‍ती 22:20 ပူးပေါင်းရင်းမြစ်များ

भजनसंग्रहया सफू 81:12

उकिं जिं इमित इमि यत्‍थे जुइमा धकाः त्‍वःताबिया। जिं इमित इमि जिराहा इच्‍छा कथं याकेबिया।

यशैया 37:29

छंगु तं व घमण्‍डया बारे जिं न्‍यनागु दु। अथे जुयाः जिं छंगु न्‍हासय् काकःचा व छंगु म्‍हुतुइ लगाम तयाबी। छ गुगु लँ जुयाः वःगु खः व हे लं जिं छन्‍त लित छ्वयाबी।

यर्मिया 1:7

तर परमप्रभुं जितः धयादिल, “‘जि ला मचा हे तिनि’ धकाः धाये मते, तर जिं छन्‍त सुयाथाय् छ्वये अन छ वने हे माः। जिं छन्‍त छु छु उजं बी, छं व इमित कने हे माः।

होशे 13:11

जिं जिगु तमं छिमित छम्‍ह जुजु बिया, अले जिगु तःच्‍वगु तमं वयात लिकया।

गन्‍ती 22:19

अथे जुयाः न्‍हापायापिं थें छिकपिं नं थौं चान्‍हय् थन हेबाय् च्‍वनादिसँ, अले परमप्रभुं अज्‍ज मेगु छु धयादी व जिं सीके फइ।”

गन्‍ती 22:35

परमप्रभुया दूतं बालामयात धाल, “छ थुपिं मनूतनापं हुँ। अय्‌नं जिं छु छु धाये व हे जक छं धा।” अथे जुयाः बालाम बालाकया नायःत नापं वन।

गन्‍ती 23:12

वं लिसः बिल, “परमप्रभुं जिगु म्‍हुतुइ छु तयादिल व हे नवाये म्‍वाः ला?”

गन्‍ती 23:16

परमप्रभुं बाला मयात नापलानादिल। अले वयागु म्‍हुतुइ वचन तयाः थथे धयादिल, “बालाकयाथाय् लिहां हुँ अले वयात थथे धा।”

गन्‍ती 23:26

बालामं बालाकयात धाल, “परमप्रभुं जितः छु धयादीगु खः जिं व हे यायेमाः धकाः धयागु मखु ला?”

गन्‍ती 23:5

परमप्रभुं बालामया म्‍हुतुइ वचन तयादिल, अले धयादिल, “बालामयाथाय् लिहां वनाः छं धायेमाःगु खँ थ्‍व हे खः।”

गन्‍ती 24:13

‘बालाकं जितः लुँ व वहलं जाःगु थःगु लाय्‌कू ब्‍यूसां परमप्रभुया उजं त्‍वःताः जिं थःयसें भिं मभिं छुं नं याये मफु। परमप्रभुं छु धयादिल व हे जक जिं धाये फइ।’

गन्‍ती 24:4

परमेश्‍वरं धाःगु वचन न्‍यने फुम्‍ह दक्‍वसिबय् बल्‍लाःम्‍हपाखें दर्शन काये फुम्‍ह, अले मिखा चाय्‌काः बँय् भ्‍वपुइम्‍ह मनूया अगमवाणी।