गन्‍ती 22:12 - नेवाः बाइबल

¹² परमेश्‍वरं बालामयात धयादिल, “छ इपिं नापं वने मते। छं इमित सराः बी मते, छाय्‌धाःसा इपिं आशिष लाःपिं खः।”

गन्‍ती 22:12 ပူးပေါင်းရင်းမြစ်များ

उत्‍पत्ति 12:2

“जिं छंगुपाखें तःधंगु जाति दय्‌के बी, जिं छन्‍त आशिष बी। जिं छन्‍त नांजाःम्‍ह मनू दय्‌के, अले छंगुपाखें मेपिन्‍त आशिष बीके।

२ इतिहास 31:10

सादोकया परिवारयाम्‍ह तःधंम्‍ह पुजाहारी अजर्याहं लिसः बिल, “मनूतय्‌सं थःगु देछा देगलय् छाये हःबलय् निसें जिमित नयेत गाक्‍क दत अले ल्‍यंगु नं दु। परमप्रभु थः प्रजायात सुवाः बियादीगुलिं थुलिमछि ल्‍यंगु नं दु।”

भजनसंग्रहया सफू 144:15

धन्‍य खः थुकथं आशिष काइपिं मनूत, धन्‍य खः परमप्रभु परमेश्‍वरयात आराधना याइपिं मनूत।

भजनसंग्रहया सफू 146:5

धन्‍य खः व मनू, गुम्‍हय्‌सिया ग्‍वाहालि याकूबया परमेश्‍वर खः, गुम्‍हय्‌सिनं परमप्रभु परमेश्‍वरयागु भलसा काइ।

यशैया 61:9

इमि सन्‍तानत जाति जातिया दथुइ, अले इमि मचाखाचातय्‌त मनूतय्‌गु दथुइ म्‍हसिइगु जुइ। इमित खंपिं सकसिनं ‘इपिं ला परमप्रभुपाखें सुवाः दुपिनि सन्‍तान खः’ धकाः स्‍वीकार याइ।”

मीका 6:5

हे जि प्रजा, मोआबया जुजु बालाकं छु सल्‍लाह याःगु खः? अले बओरया काय् बालामं वयात छु लिसः बिल व लुमंकी। शित्तिमंनिसें गिलगाल तकयागु यात्रायात लुमंकी। अले छिमिसं परमप्रभुया धार्मिकताया ज्‍या सीके फयेमा।”

गन्‍ती 22:11

‘मिश्रं वःपिं मनूत वयाः देशया फुक्‍क थाय् त्‍वपुइ धुंकल। छि झायाः जिगु निंतिं इमित सराः बियादिसँ। थथे यानादिल धाःसा सके जिं इपिं नापं ल्‍वानाः इमित लिनाछ्वये फइ ला।’”

गन्‍ती 22:13

कन्‍हय् खुन्‍हु सुथ न्‍हापां बालाम दनाः बालाकया मू मनूतय्‌त धाल, “छिपिं थःगु देशय् लिहांझासँ छाय्‌धाःसा परमप्रभुं जितः छिकपिं नापं वने मते धकाः उजं बियादीगु दु।”

गन्‍ती 22:6

थुकथं झासँ, थुमित सराः बियादिसँ छाय्‌धाःसा इपिं जि स्‍वयाः बल्‍लाः। अथे यानादिल धाःसा सके जिं इमित त्‍याकाः देशं लिनाछ्वये फइ ला। छिं सुयात आशिष बियादी वयात आशिष लाइ, अले सुयात सराः बियादी वयात सराः लाइ धकाः जिं बांलाक स्‍यू।”

गन्‍ती 23:23

याकूबयात छुं सरापं नं थी फइ मखु, छुं जादुं नं इस्राएलयात छुं याये फइ मखु। आः याकूब व इस्राएलया बारे थथे धाइ, ‘परमेश्‍वरं छु यानादिल व स्‍व!’

गन्‍ती 23:3

अले बालामं बालाकयात धाल, “छि थःगु होमबलिया न्‍ह्यःने दनादिसँ। जि भचा उखे वने। जितः नापलायेत परमप्रभु झायादी ला! वय्‌कलं जितः छु क्‍यनादी व जिं छितः धाये।” उकिं व याकःचा हे बाझःगु डाँडाय् थहां वन।

गन्‍ती 23:8

परमेश्‍वरं सराः बियामदीपिन्‍त जिं गथे यानाः सराः बीगु? परमप्रभुं ब्‍वःबियामदीपिन्‍त जिं गथे यानाः ब्‍वःबियेगु?

गन्‍ती 24:9

इपिं सिंहं थें फ्‍यतुनाच्‍वनी, मिसाम्‍ह सिंहयात थें इमित सुनां थने फइ? इमित आशिष ब्‍यूपिन्‍त आशिष लाइ, इमित सराः ब्‍यूपिन्‍त सराः लाइ।”

मत्ती 27:19

थथे इन्‍साफ यानाच्‍वंबलय् हे पिलातसया कलातं वयात थथे धाय्‌के छ्वयाहल – “व धर्मी मनूयात छुं हे यानादी मते, छाय्‌धाःसा व मनूयागु खँय् जिं थौं म्‍हगसय् तसकं सास्‍ती फये माल।”

रोमी 11:29

छाय्‌धाःसा वय्‌कलं ल्‍यय् धुंकूपिन्‍त त्‍वःतादी मखु, अले बियादी धुंकूगु वरदान लित कयादी मखु।

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

व्‍यवस्‍था 2:7

परमप्रभु परमेश्‍वरं छिमित ल्‍हातं यायेगु फुक्‍क ज्‍याय् सुवाः बियादीगु दु। वय्‌कलं छिमित थ्‍व तःधंगु मरुभूमिया यात्रा दुच्‍छि बिचाः यानादीगु दु। थुपिं पिइदँया इलय् परमप्रभु परमेश्‍वर छिपिंनापं च्‍वनादीगु दु। अले छिमित छुं नं मगाःमचाः जूगु मदु।

व्‍यवस्‍था 23:5

अथे जूसां परमप्रभु छिमि परमेश्‍वरं बालामयागु खँ मन्‍यं। वय्‌कलं व सराःयात सुवालय् हिलादिल, छाय्‌धाःसा परमप्रभु छिमि परमेश्‍वरं छिमित माया यानादी।

व्‍यवस्‍था 28:6

दुने दुहां वइबलय् अले पिने पिहां वनीबलय् छिमित सुवाः लाइ।

व्‍यवस्‍था 33:29

इस्राएल, छिपिं धन्‍यपिं खः! छिमित थें मेपिं सुयात बचय् यानादीगु दु, छिपिं थें ज्‍याःपिं धन्‍य जाति मेपिं सु दु? परमप्रभु थः हे छिमित ग्‍वाहालि याइगु ढाल व त्‍याकीगु तरवार खः। छिमि शत्रुत छिमिगु न्‍ह्यःने ग्‍यानाः कय्‌कुनाच्‍वनी, अले छिमिसं इमित न्‍हुइ।”

व्‍यवस्‍था 7:14

छिमित मेपिं मनूत स्‍वयाः अप्‍वः सुवाः दइ। छिमि सुं मिजं वा मिसामचा मदुम्‍ह जुइ मखु। छिमि छम्‍ह नं पशु मचा मदुम्‍ह जुइ मखु।