गन्‍ती 21:33 - नेवाः बाइबल

³³ अनंलि इपिं लिहां वयाः बाशान पाखेयागु लँ जुयाः थहां वन। बाशानयाम्‍ह जुजु ओग धाःसा इपिं नापं लडाइँ यायेत एद्रईलय् थः फुक्‍क सेनानापं पिहां वल।

गन्‍ती 21:33 ပူးပေါင်းရင်းမြစ်များ

भजनसंग्रहया सफू 135:11

वय्‌कलं एमोरीतय् जुजु सीहोन, बाशानया जुजु ओग व कनानयापिं सकलें जुजुपिन्‍त स्‍यानादिल।

भजनसंग्रहया सफू 136:20

बाशानयाम्‍ह जुजु ओगयात स्‍यानादिल, वय्‌कःया दया माया सदां दयाच्‍वनी।

भजनसंग्रहया सफू 22:12

द्वहंतय्‌सं थें जितः शत्रुतय्‌सं घेरय् यानातःगु दु। बाशान देशया ग्‍यानापुपिं द्वहंतय्‌सं थें जितः घेरय् यानातःगु दु।

भजनसंग्रहया सफू 68:15

बाशान पहाड गुलि तःधं, थ्‍व पहाडय् यक्‍व च्‍वकात दु।

भजनसंग्रहया सफू 68:22

परमप्रभुं धयादी, “जिं इमित बाशानं लित हये। जिं इमित समुद्रया दुनें नं लित हये।

यशैया 33:9

देशं विलाप याइ अले झिजांमिजां दनि। लेबनान लाजय् लाइ अले सुकूगनावनी। शारोन अराबा थें जुइ। बाशान व कर्मेलं थःगु हःत कुर्का हइ।

इजकिएल 27:6

इमिसं बाशानया स्‍वसिमां छंगु चतंत दय्‌कल। साइप्रसया समुद्रया सिथं हःगु धूपीया सिँ जहाजया बँ दय्‌कल, अले उकियात किसिया दंनं बांलाकल।

इजकिएल 39:18

छिमिसं बल्‍लाःपिं मनूतय्‌गु ला नइ, अले पृथ्‍वीयापिं शासकतय्‌गु हि त्‍वनी। थुपिं सकलें बाशानयापिं ल्‍ह्वंपिं भ्‍याःचात, चीधिकःपिं भ्‍याःचात, दुगुचात व द्वहंत थें खः।

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

गन्‍ती 32:33

अले मोशां गादीत, रूबेनीतय्‌त व योसेफया काय् मनश्‍शेया बच्‍छि कुलयात एमोरीतय् जुजु सीहोनयागु देश व बाशानया जुजु ओगयागु देश इमिगु सिमाना दुने लाःगु शहर नापं फुक्‍क देश बिल।

व्‍यवस्‍था 1:4

वं हेश्‍बोनय् राज्‍य याइम्‍ह एमोरीतय् जुजु सीहोन अले अस्‍तारोत व एद्रईलय् राज्‍य याइम्‍ह बाशानया जुजु ओगयात बूकेधुंकाः थ्‍व जूगु खः।

व्‍यवस्‍था 2:30

अय्‌नं हेश्‍बोनया जुजु सीहोनं झीत थःगु देश जुयाः वने मब्‍यू छाय्‌धाःसा परमप्रभु छिमि परमेश्‍वरं वयात छिमिगु ल्‍हातय् बीत वयागु मनयात जिराहा व अतेरि यानादिल। अले थौं तक व छिमिगु ल्‍हातय् दु।

व्‍यवस्‍था 29:7

छिपिं थन थ्‍यंबलय् हेश्‍बोनया जुजु सीहोन व बाशानया जुजु ओग झीनापं ल्‍वायेत पिहां वल तर झीसं इमित त्‍याका।

व्‍यवस्‍था 32:14

वय्‌कलं इमित सा-द्वहंया बथां व फैच्‍वलय्‌या पुचःपाखें धौ, दुरु बियादिल। स्‍वयेज्यूपिं चिधिकःपिं भ्‍याःचा व च्‍वलय्‌, दुगु व बाशानया भिंभिंपिं फैत अले भिंगु छुचुं इमित नकेत बियादिल। भिंगु दाखमद्य नं त्‍वनेत इमित बियादिल।

व्‍यवस्‍था 4:47

इमिसं वया देशयात त्‍याका काल अले बाशानया जुजु ओगया देशयात त्‍याका काल। थुपिं निम्‍ह एमोरी जुजुपिं यर्दनया पुर्बपाखे च्‍वनिपिं खः।

यहोशू 12:4

मेम्‍ह अस्‍तारोत व एद्रईलय् राज्‍य यानाच्‍वम्‍ह बाशानया जुजु ओग। व रपाइँ धाःगु ततःधिकःपिं मनूतय् पुचःयाम्‍ह लिपांम्‍ह मनू खः।

यहोशू 13:12

अथे धयागु अस्‍तारोत व एद्रईलय् शासन याइम्‍ह बाशानयाम्‍ह जुजु ओगया फुक्‍क देश, व रपाइँ धाःगु ततःधिकःपिं मनूतय् पुचःयाम्‍ह लिपांम्‍ह मनू खः। मोशां इमित बुकाबिल अले इमिगु जमिनयात कब्‍जा यात।

यहोशू 13:30

इमिगु सिमाना थथे दु – महनोमंनिसें बाशान तक, बाशानया जुजु ओगं न्‍हापा राज्‍य याःगु फुक्‍क देश, बाशानय् दुगु फुक्‍क याईरया बस्‍ती व खुइगू शहर,

यहोशू 9:10

यर्दनया पुर्बय् एमोरीतय् निम्‍हं जुजु, हेश्‍बोनया जुजु सीहोनयात व अस्‍तारोतय् च्‍वंम्‍ह बाशानया जुजु ओगयात छु छु यानादीगु खः व नं न्‍यनागु दु।