गन्‍ती 21:28 - नेवाः बाइबल

²⁸ हेश्‍बोनं मि पिहां वल, सीहोनयागु शहरं छगू मिप्‍वाःला पिहां वल। उकिं मोआब देशयागु आर शहरयात अर्नोन खुसि च्‍वय्‌या ततःजाःगु थासय्‌यापिन्‍त भस्‍म यात।

गन्‍ती 21:28 ပူးပေါင်းရင်းမြစ်များ

भजनसंग्रहया सफू 78:63

मिं इमि ल्‍याय्‌म्‍हतय्‌त भस्‍म यात। ल्‍यासेतय्‌त ब्‍याहा यायेत मिजंत तकं मन्‍त।

यशैया 10:16

अथे जुयाः प्रभु, परमप्रभु दक्‍व शक्ति दुम्‍ह परमप्रभुं वया तसकं बल्‍लाःपिं सिपाइँतय् दथुइ नाश यायेत ल्‍वय् छ्वयाहयादी, अले वयागु गौरवयात तसकं च्‍याःगु मिं छ्वय्‌कादी।

यशैया 15:4

हेश्‍बोन व एला तःसलं ख्‍वइ। इपिं ख्‍वःगु सः यहसा तक हे ताये दु। अथे जुयाः मोआबया ल्‍वाभः ज्‍वनातःपिं मनूत तःसलं हालाः ख्‍वइ अले इमिगु नुगः भाराभारा मिनाः ग्‍याइ।

यशैया 16:12

मोआबया मनूत प्रार्थना यायेत च्‍वय् पुजा यायेगुथाय् वनाः ज्‍यालगय् मजूगु प्रार्थना यायां इपिं थाकय् जुइ तर उकिं इमित छुं भिं जुइ मखु।

आमोस 1:10

जिं टुरोसया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ।”

आमोस 1:12

जिं तेमान शहरय् मि तयाः छ्वय्‌काबी, उकिं बोज्राया किल्‍लात भज्‍यंक नाश याइ।”

आमोस 1:14

जिं रब्‍बाया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ। व लडाइँया दिनय् तसकं हल्‍ला जुइ, अले तसकं तःच्‍वगु वाफय् वःगु दिनय् थें लडाइँ जुइ।

आमोस 1:4

जिं जुजु हजाएलया दरबारय् मि तयाः छ्वय्‌काबी, अले उकिं बेन-हददया किल्‍लात भज्‍यंक नाश याइ।

आमोस 1:7

जिं गाजाया पखालय् मि तयाः छ्वय्‌काबी, उकिं वया फुक्‍क किल्‍लात भज्‍यंक नाश याइ।

आमोस 2:2

जिं मोआबय् मि तयाबी, अले उकिं किर्योतया किल्‍लात भज्‍यंक नाश याइ। लडाइँया हो हल्‍ला, तःच्‍वगु लडाइँया सः व तुरहीया सःया दथुइ मोआबया मनूत नाश जुइ।

आमोस 2:5

अथे जुयाः जिं यहूदाय् मि तयाबी, उकिं यरूशलेमया किल्‍लात भज्‍यंक नाश याइ।”

गन्‍ती 21:15

अले तःगाःयागु पाचा, गुगु आर नांयागु शहरपाखे जुयाः मोआबयागु सिमानाय् तक वंगु दु।”

गन्‍ती 21:27

अथे जुयाः चिनाखँमितय्‌सं थथे धाइगु, “हेश्‍बोनय् वा अले थ्‍व हानं दय्‌केमा, सीहोनया शहरयात हानं बांलाक दय्‌केमा।

गन्‍ती 22:41

कन्‍हय् सुथय् बालाकं बालामयात बमोत-बालया च्‍वकाय् ब्‍वना यंकल। अनं बालामं इस्राएलीतय् छाउनीया छुं ब्‍व खन।

व्‍यवस्‍था 2:18

“थौं छिपिं मोआबया लागा जुयाः आर पुलाः उखे वनेमाः।

व्‍यवस्‍था 2:9

अले परमप्रभुं जितः धयादिल, “मोआबीतय्‌त दुःख बी मते, इमित ल्‍वायेत ग्‍वाके नं मते। जिं इमिगु देशया छुं नं अंश छिमित बी मखु, छाय्‌धाःसा जिं आरया फुक्‍क लागा लोतया सन्‍तानतय्‌गु अधिकारय् बियागु दु।”

न्‍यायकर्ता 9:15

“कंमां सिमातय्‌त धाल, ‘छिमिसं जितः धात्‍थें हे जुजु दय्‌के मास्‍ति वःसा जिगु किचलय् वा। मखुसा जिगु कचा-कचां मि पिहां वयाः लेबनानया देवदारुयात भस्‍म यानाबीमा।’

न्‍यायकर्ता 9:20

अथे मखुसा अबीमेलेकपाखें मि पिहां वयाः शकेम व बेथ-मिल्‍लो शहरयापिं मनूतय्‌त भस्‍म यानाबीमा। अले छिपिं शकेम व बेथ-मिल्‍लोयापिं मनूतपाखें मि पिहां वयाः अबीमेलेकयात भस्‍म यानाबीमा।”