गन्‍ती 21:27 - नेवाः बाइबल

²⁷ अथे जुयाः चिनाखँमितय्‌सं थथे धाइगु, “हेश्‍बोनय् वा अले थ्‍व हानं दय्‌केमा, सीहोनया शहरयात हानं बांलाक दय्‌केमा।

गन्‍ती 21:27 ပူးပေါင်းရင်းမြစ်များ

नहेम्‍याह 7:1

पखाः दय्‌केगु ज्‍या सिधये धुंकाः जिं थाय् थासय् लुखा तया। अले देगलय् पिवाः च्‍वनीपिं मनूत, म्‍ये हालीपिं मनूत व लेवीत ल्‍यया।

यशैया 14:4

छिमिसं बेबिलोनया जुजुयात थथे धकाः गिजय् याइ– स्‍व, अत्‍याचार यानाः सकसित क्‍वत्‍यलातःम्‍ह जुजुया अन्‍त जुल! वयागु तंया नाश गुकथं जूवल!

हबकूक 2:6

“छु इपिं दक्‍वसिनं थथे धयाः वयागु विरोधय् हिमस्‍याइ ला अले लाय्‌मबूइ ला, “‘खुँयागु मालताल मुंकीम्‍ह व लाकाहःगु मालतालं धनी जुइम्‍हय्‌सित धिक्‍कार! वं गुबलय् तक अथे याइ?’

गन्‍ती 21:14

अथे जुयाः परमप्रभुया युद्धयागु सफुलिइ थथे च्‍वयातःगु दु, “सूपाया वाहेब, न्‍हसिकापत व अर्नोन खुसि,

गन्‍ती 21:26

हेश्‍बोन धाःसा एमोरीतय् जुजु सीहोनयागु शहर खः। छुं ई न्‍ह्यः वं मोआबया जुजुनापं ल्‍वानाः अर्नोन तक वयागु फुक्‍क देश वयागु ल्‍हातं लाकाकाःगु खः।

गन्‍ती 21:28

हेश्‍बोनं मि पिहां वल, सीहोनयागु शहरं छगू मिप्‍वाःला पिहां वल। उकिं मोआब देशयागु आर शहरयात अर्नोन खुसि च्‍वय्‌या ततःजाःगु थासय्‌यापिन्‍त भस्‍म यात।