गन्‍ती 21:24 - नेवाः बाइबल

²⁴ अय्‌सां इस्राएलीतय्‌सं वयात तरवारं स्‍यात, अले अर्नोन खुसिंनिसें यब्‍बोक खुसि तक इमिगु देश त्‍याका काल। अम्‍मोनीतय्‌गु सिमाना तक जक त्‍याका काल, छाय्‌धाःसा इमिगु सिमाना बल्‍लाःगु खः।

गन्‍ती 21:24 ပူးပေါင်းရင်းမြစ်များ

उत्‍पत्ति 32:22

उखुन्‍हु हे चान्‍हय् याकूबं दनाः थः निम्‍हं कलाः, निम्‍ह दासी व झिंछम्‍ह काय्‌पिन्‍त यंकाः यब्‍बोक खुसि छिकल।

नहेम्‍याह 9:22

“छिं राज्‍यत व जातित बियाः तातापाःगु थाय् नं इनाबियादिल। सीहोन जुजुया देश हेश्‍बोन व ओग जुजुयागु देश बाशान इमिसं त्‍याका काल।

भजनसंग्रहया सफू 136:19

एमोरीतय् जुजु सीहोनयात स्‍यनादिल, वय्‌कःया दया माया सदां दयाच्‍वनी।

आमोस 2:9

“जिं थःम्‍हं हे इमिगु न्‍ह्यःने एमोरीतय्‌त भज्‍यंक नाश यानाबिया, इपिं खयः सिमा ति तःजाः अले स्‍वसिमा थें बल्‍लाः जूसां नं, जिं इमिगु च्‍वय्‌च्‍वंगु फल व इमिगु क्‍वय् च्‍वंगु हा नाश यानाबिया।

गन्‍ती 21:13

अनं न्‍ह्याः वनाः इमिसं एमोरीतय्‌गु देशं पिहां वःगु मरुभूमिइ दुगु अर्नोन खुसियागु उखेपाखे पाल ग्‍वल। अर्नोन खुसि मोआब व एमोरीतय् दथुइच्‍वंगु सिमाना खः।

व्‍यवस्‍था 1:4

वं हेश्‍बोनय् राज्‍य याइम्‍ह एमोरीतय् जुजु सीहोन अले अस्‍तारोत व एद्रईलय् राज्‍य याइम्‍ह बाशानया जुजु ओगयात बूकेधुंकाः थ्‍व जूगु खः।

व्‍यवस्‍था 29:7

छिपिं थन थ्‍यंबलय् हेश्‍बोनया जुजु सीहोन व बाशानया जुजु ओग झीनापं ल्‍वायेत पिहां वल तर झीसं इमित त्‍याका।

व्‍यवस्‍था 3:16

जिं रूबेनी व गादीतय्‌त गिलादंनिसें अर्नोन खुसि तक (खुसिया दथु अम्‍मोनीतय् दच्‍छिन सिमाना खः) अले उत्तरय् अम्‍मोनीतय्‌गु सिमाना यब्‍बोक खुसि तक बिया।

व्‍यवस्‍था 31:4

एमोरीतय् जुजुत सीहोन व ओग अले इमिगु देशयात नाश यानादीगु थें परमप्रभुं इमित नं नाश यानादी।

व्‍यवस्‍था 4:46

यर्दनया पुर्बय् बेथ-पोर न्‍ह्यःनेया ब्‍यासिइ मोशा व इस्राएलीतय्‌सं मिश्रं पिहां वये धुंकाः स्‍यानाब्‍यूम्‍ह हेश्‍बोनय् च्‍वनीम्‍ह एमोरीतय् जुजु सीहोनयागु देशय् थुपिं विधि, आज्ञा व नियम ब्‍यूगु खः।

यहोशू 13:12

अथे धयागु अस्‍तारोत व एद्रईलय् शासन याइम्‍ह बाशानयाम्‍ह जुजु ओगया फुक्‍क देश, व रपाइँ धाःगु ततःधिकःपिं मनूतय् पुचःयाम्‍ह लिपांम्‍ह मनू खः। मोशां इमित बुकाबिल अले इमिगु जमिनयात कब्‍जा यात।

यहोशू 24:8

“‘जिं छिमित यर्दनया पुर्बय् च्‍वनिपिं एमोरीतय्‌गु देशय् हया। इमिसं छिपिंलिसे लडाइँ यात तर जिं इमित छिमिगु ल्‍हातय् बिया। जिं इमित छिमिगु न्‍ह्यःनें नाश यानाबिया अले छिमिसं इमिगु देशय् अधिकार यात।

यहोशू 9:10

यर्दनया पुर्बय् एमोरीतय् निम्‍हं जुजु, हेश्‍बोनया जुजु सीहोनयात व अस्‍तारोतय् च्‍वंम्‍ह बाशानया जुजु ओगयात छु छु यानादीगु खः व नं न्‍यनागु दु।

न्‍यायकर्ता 10:11

परमप्रभुं इस्राएलीतय्‌त धयादिल, “न्‍हापा मिश्रीत, एमोरीत, अम्‍मोनीत, पलिश्‍तीत,

न्‍यायकर्ता 11:13

अम्‍मोनी जुजुं यिप्‍ताया दूतय्‌त थ्‍व लिसः बिल, “इस्राएलीत मिश्र देशं वःबलय् इमिसं अर्नोनं यब्‍बोक व यर्दन तक जिमिगु देशया जमिन काःगु खः। अथे जूगुलिं आः व याउँक लितब्‍यु।”

न्‍यायकर्ता 21:8

अले इमिसं हानं न्‍यन, “इस्राएलया कुल मध्‍ये गुगु कुल मिस्‍पाय् परमप्रभुयाथाय् मवः?” इमिसं याबेश-गिलादं सुं नं सभाया निंतिं छाउनीइ मवःगु धइगु खँ सीकल।