गन्‍ती 21:13 - नेवाः बाइबल

¹³ अनं न्‍ह्याः वनाः इमिसं एमोरीतय्‌गु देशं पिहां वःगु मरुभूमिइ दुगु अर्नोन खुसियागु उखेपाखे पाल ग्‍वल। अर्नोन खुसि मोआब व एमोरीतय् दथुइच्‍वंगु सिमाना खः।

गन्‍ती 21:13 ပူးပေါင်းရင်းမြစ်များ

यशैया 16:2

स्‍वँपाखें लिना छ्वया थुखे उखे ब्‍वयाजुयाच्‍वंपिं झंगःत थें मोआबया शहर शहरयापिं मिसात अर्नोन खुसि सिथय् थुखे उखे जुयाः पियाच्‍वंगु दु।

यर्मिया 48:20

मोआबया बेइज्‍जत जूगु दु, छाय्‌धाःसा वयात चुंचुं याःगु दु। ‘नुगः मछिंकि, ख्‍व, मोआबयात नाश यात’ धकाः अर्नोन खुसि सिथय् वनाः धा।

गन्‍ती 21:14

अथे जुयाः परमप्रभुया युद्धयागु सफुलिइ थथे च्‍वयातःगु दु, “सूपाया वाहेब, न्‍हसिकापत व अर्नोन खुसि,

गन्‍ती 22:36

बालाकं बालाम वःगु खँ न्‍यनाः थःगु देशया यक्‍व पुर्बय् च्‍वंगु सिमानाय् लाःगु अर्नोन खुसि सिथय् च्‍वंगु मोआबया शहरय् वयात नापलाः वन।

व्‍यवस्‍था 2:13

अले परमप्रभुं धयादिल, “आः दनाः जेरेद खुसि छिना हुँ।” अथे जुयाः झीपिं जेरेद खुसियागु खोँच पुलाः उखे वना।

व्‍यवस्‍था 2:18

“थौं छिपिं मोआबया लागा जुयाः आर पुलाः उखे वनेमाः।

व्‍यवस्‍था 2:24

“आः न्‍ह्यज्‍या हुँ, अर्नोन खुसिया न्‍हसिकाप पुलाहुँ। जिं हेश्‍बोनया जुजु एमोरी, सीहोन व वयागु देश छिमिगु ल्‍हातय् बियागु दु। अथे जुयाः व देश थःगु अधिकारय् हयेगु शुरु या अले व जुजुलिसें लडाइँ या।

न्‍यायकर्ता 11:18

“अनं लिपा इपिं मरुभूमि जुयाः वन अले एदोम व मोआबया सिथं सिथं जुयाः मोआबया पुर्ब वनाः अर्नोनया मेखेपाखे छाउनी तल। अर्नोन खुसि मोआबया सिमाना जूगुलिं इपिं मोआब देशय्‌ दुहां मवं।”