गन्‍ती 20:6 - नेवाः बाइबल

⁶ मोशा व हारून मूंपिं मनूतय्‌गु न्‍ह्यःनं नापलायेगु पालया ध्‍वाखाय् वनाः बँय् थ्‍यंक क्‍वछुनाः भ्‍वपुल। अन परमप्रभुया महिमा इमिथाय् खनेदत।

गन्‍ती 20:6 ပူးပေါင်းရင်းမြစ်များ

१ इतिहास 21:16

च्‍वय् स्‍वःबलय् दाऊदं परमप्रभुया स्‍वर्गदूतयात स्‍वर्ग व पृथ्‍वीया दथुइ थःगु नांगा तरवार ज्‍वनाः यरूशलेमयात नाश यायेत तयार जुयाच्‍वंगु खन। अले दाऊद व थकालित भांग्रा फिनाः बँय् भ्‍वसुल।

प्रस्‍थान 16:10

हारूनं इस्राएलया फुक्‍क खलःयात थथे धयाच्‍वंबलय् इमिसं मरुभूमिपाखे स्‍वल। अन सुपाँचय् परमप्रभुया महिमा खने दयाच्‍वन।

प्रस्‍थान 17:4

अले मोशां परमप्रभुयात थथे धकाः इनाप यात, “जिं थुपिं मनूतय्‌त छु यायेगु? थुमिसं ला जितः ल्‍वहँतं कय्‌के त्‍यंगु दु।”

गन्‍ती 12:5

अले परमप्रभु सुपाँय्‌या थामय् कुहां झाल, अले नापलायेगु पालया ध्‍वाखाय् दनाः हारून व मिरियमयात सःतादिल। इपिं निम्‍हं न्‍ह्यःने वन।

गन्‍ती 14:10

अय्‌नं थ्‍व न्‍यनाः फुक्‍क खलः इमित ल्‍वहँतं कय्‌कि धकाः हाला हल। अबलय् हे परमप्रभुया महिमा पवित्र पालय् फुक्‍क इस्राएलीतय्‌थाय् खनेदत।

गन्‍ती 14:5

मोशा व हारून इस्राएलया फुक्‍क खलःया न्‍ह्यःने क्‍वपुसां पुल।

गन्‍ती 16:19

कोरहं फुक्‍क खलःयात इमिगु विरोधय् नापलायेगु पालया ध्‍वाखाय् मुंकल। उबलय् परमप्रभुया महिमा फुक्‍क खलःयाथाय् खनेदत।

गन्‍ती 16:22

अले मोशा व हारूनं बँय् भ्‍वपुयाः धाल, “हे परमेश्‍वर, फुक्‍क प्राणीतय्‌त सासः बियादीम्‍ह परमेश्‍वर, छम्‍ह मनुखं पाप याःगुलिं छु छि फुक्‍क खलःलिसें तं चायादियागु ला?”

गन्‍ती 16:4

थ्‍व खँ न्‍यनेवं मोशा बँय् भ्‍वपुल।

गन्‍ती 16:42

खलकं मोशा व हारूनया विरोधय् मुनाः नापलायेगु पालपाखे स्‍वःबलय् आकाझाकां उकियात सुपाचं त्‍वपुल, अले परमप्रभुयागु महिमा खनेदत।

गन्‍ती 16:45

“छिपिं थ्‍व खलःपाखें चिला हुँ, अले जिं थुमित पलखं हे भस्‍म याये।” अले मोशा व हारून बँय् भ्‍वपुल।

गन्‍ती 20:7

परमप्रभुं मोशायात धयादिल,

मत्ती 26:39

अले भचा उखे झायाः बँय् क्‍वपुसां पुयाः थथे धकाः प्रार्थना यानादिल – “बाः, ज्‍यूसा थ्‍व दुःखयागु ख्‍वला जिथासं चीकादिसँ। अय्‌नं जितः यःथें यानादी मते, छितः यःथें हे यानादिसँ।”

यहोशू 7:6

अथे जूगुलिं यहोशू व इस्राएलीया नायःपिन्‍सं थथःगु वसः खुनाः छेनय् धू ह्वलाः परमप्रभुया सनूया न्‍ह्यःने बँय् भ्‍वसुलाः सन्‍ध्‍याकाः ई तक हे च्‍वनाच्‍वन।