गन्‍ती 20:4 - नेवाः बाइबल

⁴ आः ला जिमि पशुत नापं जिपिं सीगु जुल। छाय् परमप्रभुया खलःयात छिं थ्‍व मरुभूमिइ हयादियागु?

गन्‍ती 20:4 ပူးပေါင်းရင်းမြစ်များ

भजनसंग्रहया सफू 106:21

मिश्र देशय् ततःधंगु ज्‍या यानाः इमित बचय् यानादीम्‍ह परमेश्‍वरयात इमिसं ल्‍वःमंकल,

प्रस्‍थान 16:3

इमिसं थथे धाल, “जिमित परमप्रभुं मिश्रय् हे स्‍यानादीगु जूसा ला ज्‍यूगु नि। मिश्रय् दुबलय् जिमिसं ला व मरि प्‍वाः जाय्‌क नये दु। जिपिं फुक्‍कसित नये मखंक स्‍यायेत छिकपिन्‍सं जिमित थ्‍व हे मरुभूमिइ छाय् हयादियागु?”

प्रस्‍थान 17:3

मनूतय्‌सं प्‍याः चाःगुलिं मोशालिसे कचकच याना तुं च्‍वन। इमिसं धाल, “छिं जिमित छाय् मिश्रं पित हयादियागु? जिमित जिमि मचाखाचा व पशुनापं लः त्‍वने मखंकाः स्‍यायेत ला?”

प्रस्‍थान 5:21

अले इमिसं धाल, “परमप्रभुं छिकपिनिगु न्‍याय यानादीमा, छाय्‌धाःसा छिकपिन्‍सं यानाः जुजु व वया भारदारत जिपिंलिसें तंचाःगु दु, अले जिमित स्‍यायेत तरवार नं बियादीगु दु।”

गन्‍ती 11:20

अले छिमिगु न्‍हासं पिहां मवतले व छिपिं वाक्‍क मजुतले लच्‍छि यंकं नइ। छाय्‌धाःसा छिमिसं थःपिनि दथुइ दुम्‍ह परमप्रभुयात त्‍वःताः वय्‌कःया न्‍ह्यःने “जिपिं मिश्र त्‍वःताः मवःसां ज्‍यूगु” धकाः ख्‍वयाजुल।’”

गन्‍ती 11:5

मिश्रय् जिमिसं न्‍याया ला धिबा पुले म्‍वाय्‌क नयागु लुमंनि। तुसि, खर्बुजा, छाः, प्‍याज, लाभा नयागु जिमि लुमं।

गन्‍ती 14:2

सकलें इस्राएलीतय्‌सं मोशा व हारूनया विरोधय् कचकच यात। फुक्‍क खलकं इमित धाल, “जिपिं मिश्रय् वा थ्‍व मरुभूमिइ हे स्‍यूगु जूसा बांलाःगु।

गन्‍ती 16:41

कन्‍हय् खुन्‍हु इस्राएलया फुक्‍क खलकं मोशा व हारूनया विरोधय् थथे धकाः कचकच यात, “छिकपिन्‍सं हे परमप्रभुया मनूतय्‌त स्‍यानादीगु खः।”

प्रेरित 7:35

“व हे मोशायात, गुम्‍हय्‌सित ‘छन्‍त सुनां जिमि हाकिम व न्‍यायाधीश यानाः छ्वयाहल?’ धकाः मयय्‌कूगु खः, वयात हे इस्राएलीतय्‌थाय् परमेश्‍वरं च्‍यानाच्‍वंगु झालय् खने दुम्‍ह स्‍वर्गदूतपाखें हाकिम व छुत्‍कारा बीम्‍ह याना छ्वयाहयादिल।

न्‍यायकर्ता 11:16

तर इस्राएलीत मिश्र देशं थाहां वःबलय् इपिं मरुभूमि जुयाः लाल समुद्रय् वन अले कादेशय् थ्‍यन।