गन्‍ती 20:28 - नेवाः बाइबल

²⁸ मोशां हारूनयागु पुजाहारीया वसः त्‍वय्‌काः वया काय् एलाजारयात फीकाबिल। अन हे पर्वतया च्‍वकाय् हारून सित। अले मोशा व एलाजार पर्वतं क्‍वय् कुहां वल।

गन्‍ती 20:28 ပူးပေါင်းရင်းမြစ်များ

१ इतिहास 22:17

दाऊदं इस्राएलयापिं सकल नायःतय्‌त थःकाय् सोलोमनयात ग्‍वाहालि बीगु आज्ञा बिल।

प्रस्‍थान 29:28

अले इस्राएलयापिं मनूतय्‌सं थ्‍व ब्‍वःयात हारून व वया काय्‌पिन्‍त बी। इस्राएलयापिं मनूतय्‌सं परमप्रभुयात मेलबलि छाइबलय् थ्‍व ब्‍व न्‍ह्याबलें पुजाहारीतय्‌गु जुइ। थ्‍व ब्‍व पुजाहारीतय्‌त बीबलय् परमप्रभुयात ब्‍यूगु थें हे जुइ।

प्रस्‍थान 6:23

हारूनं अम्‍मीनादाबया म्‍ह्याय्, नहशोनया केहेँ एलीशेबानापं ब्‍याहा यात। वं वयापाखें नादाब, अबीहू, एलाजार व ईतामारयात बुइकल।

गन्‍ती 20:1

इस्राएलीतय्‌ फुक्‍क खलः न्‍हापांगु लाय् जीनयागु मरुभूमिइ थ्‍यंकः वयाः कादेशय् बाय् च्‍वन। मिरियम अन हे सित अले वयात अन थुनाबिल।

गन्‍ती 20:26

अन हारूनयागु पुजाहारीया वसः त्‍वयेकाः वया काय् एलाजारयात फिकाब्‍यु। अनंलि हारून सिनाः थः पुर्खानापं मिलय् जू वनी, व अन हे सी।”

गन्‍ती 20:27

परमप्रभुं उजं बियादीगु थें मोशां यात। फुक्‍क खलःया मिखाया न्‍ह्यःने हे इपिं होर पर्वतय् थहां वन।

गन्‍ती 27:13

छं व स्‍वये धुंकाः छ नं छिमि दाजु हारून थें सिनाः थः पुर्खानापं मिलय् जू वनी।

गन्‍ती 33:30

इपिं हशमोनां वनाः मसेरोतय् बाय् च्‍वन।

व्‍यवस्‍था 10:6

(इस्राएलीत याकानीतय्‌गु तुंनिसें मोसेरा तक यात्रा यात। अन हारून सित, अले वयात अन हे थुनाबिल। वया काय् एलाजारं वयागु थासय् पुजाहारीया ज्‍या यात।

व्‍यवस्‍था 34:5

अले परमप्रभुं धयादीगु थें परमप्रभुया दास मोशा मोआब देशय् सित।

व्‍यवस्‍था 34:9

नूनया काय् यहोशू बुद्धिया आत्‍मां जाःम्‍ह खः, छाय्‌धाःसा मोशां वया छेनय् थःगु ल्‍हाः तःगु खः। अथे जुयाः इस्राएलीतय्‌सं वयागु खँ न्‍यन, अले परमप्रभुं मोशायात बियादीगु आज्ञा मानय् यात।

यहोशू 24:33

हारूनया काय् एलाजार नं सित। व शहर एफ्राइमया पहाडी देशय् वया काय् पीनहासयात ब्‍यूगु खः। अले वयात गिबाय् थुनाबिल।

२ पत्रुस 1:15

जि सिनावने धुंकाः नं छिमिसं थ्‍व फुक्‍क खँ न्‍ह्याबलें लुमंकातये फयेमा धयागु जिगु आशा खः।