गन्‍ती 20:20 - नेवाः बाइबल

²⁰ हानं इमिसं लिसः बिल, “छिपिं वये दइ मखु।” अले एदोमं छगू तःधंगु व बल्‍लाःगु सेना ज्‍वनाः इपिं लिसे ल्‍वायेत वल।

गन्‍ती 20:20 ပူးပေါင်းရင်းမြစ်များ

उत्‍पत्ति 27:41

थः बौनं याकूबयात आशिष ब्‍यूगुलिं एसाव व खनाः तंम्‍वल। अले मनमनं धाल, “जिमि बौ सीवं जिं वयात स्‍यानाबी।”

उत्‍पत्ति 32:6

वं छ्वःपिं मनूतय्‌सं लिहां वयाः वयात धाल, “जिपिं छिकपिनि दाजु एसावयाथाय् वनाः वया। वय्‌कः आः छितः नापलायेत प्‍यसः मनू ज्‍वनाः वयाच्‍वंगु दु।”

भजनसंग्रहया सफू 120:7

जितः ला शान्‍ति यः, तर जिं शान्‍तिया खँ ल्‍हाइबलय् इपिं लडाइँ यायेत तयार जुइगु।

आमोस 1:11

परमप्रभुं थथे धयादी, “एदोमया मनूतय्‌सं तःक्‍व हे पाप यात, जिं इमित सजाँय मब्‍यूसे त्‍वःते मखु! इमिसं थः दाजु, इस्राएलीतय्‌त भतिचा नं दया माया मयासें तरवार ज्‍वनाः लिनाछ्वल, इमिगु तच्‍वःगु तंया कारणं याना, इमित झन अप्‍वः तं पिहां वल।

गन्‍ती 20:18

अय्‌नं एदोमं इमित धाल, “छिपिं जिमिगु देश जुयावने दइ मखु, मखुसा तरवार ज्‍वनाः जिमिसं छिमित हमला याः वये।”

गन्‍ती 20:21

थुकथं एदोमं इमिगु देश दुने जुयाः वने मब्‍यूगुलिं इस्राएलीत अनं लिहां वल।

न्‍यायकर्ता 11:17

इमिसं वयागु देश जुयाः वनेब्‍यु धकाः इनाप यायेत एदोमया जुजुयाथाय् दूतत छ्वल। तर व मानय् मजू। थुकथं मोआबया जुजुयाथाय् नं दूतत छ्वल तर व नं मानय् मजुल। उकिं इस्राएल कादेशय् हे च्‍वन।”

न्‍यायकर्ता 11:20

अय्‌जूसां सीहोनं इस्राएलयात वयागु देश जुयाः वने बीत पत्‍याः मयात। वं थः सकल सिपाइँतय्‌त मुंकल, अले यहसाय् छाउनी तयाः इस्राएललिसें लडाइँ यात।