गन्‍ती 20:16 - नेवाः बाइबल

¹⁶ अले परमप्रभुयात ग्‍वाहालिया निंतिं बिन्‍ति याना, वय्‌कलं जिमिगु बिन्‍ति न्‍यनादिल, अले छम्‍ह स्‍वर्गदूत छ्वयाहयाः जिमित मिश्र देशं लिगना हयादिल। “थुबलय् जिपिं छिगु देशया सिमाना लिक्‍क लाःगु कादेश शहरय् दु।

गन्‍ती 20:16 ပူးပေါင်းရင်းမြစ်များ

प्रस्‍थान 14:10

इस्राएलीतय्‌सं फारो व वया सेनायात थःपिंपाखे वयाच्‍वंगु खनाः ग्‍यानाः परमप्रभुयात ग्‍वाहालि फ्‍वन।

प्रस्‍थान 14:19

इस्राएलीतय्‌गु न्‍ह्यः न्‍ह्यः वनाच्‍वंम्‍ह परमेश्‍वरया दूत चिलाः इमिगु ल्‍युने वन। अले सुपाँय्‌या थां नं इमिगु न्‍ह्यःनं चिलावनाः इमिगु ल्‍युने दंवन।

प्रस्‍थान 23:20

परमप्रभुं धयादिल, “स्‍व, लँय् छिमिगु बिचाः यायेत अले जिं तयार यानागु थासय् छिमित हयेत जिं छम्‍ह दूत छिमि न्‍ह्यः न्‍ह्यः छ्वयाबी।

प्रस्‍थान 33:2

जिं छम्‍ह दूतयात छिमिगु न्‍ह्यः न्‍ह्यः छ्वयाबी अले कनानी, एमोरी, हित्ती, परिज्‍जी, हिव्‍वी व यबूसीतय्‌त लिनाछ्वये।

प्रस्‍थान 6:5

अज्‍ज ला, जिं मिश्रीतय्‌सं दास यानातःपिं इस्राएलीत ख्‍वःगु सः न्‍यनागु दु, अले जिं थःगु बाचा लुमंकागु दु।

दानिएल 6:22

जिं द्वंकागु मदु धकाः परमेश्‍वरं स्‍यूगुलिं वय्‌कलं थः दूत छ्वयाहयाः सिंहतय्‌गु म्‍हुतु तिनादिल। सिंहतय्‌सं जितः घाःपाः याःगु मदु। महाराज, जिं छःपिनिगु नं छुं स्‍यंकागु मदु।”

गन्‍ती 20:15

जिमि पुर्खात मिश्र देशय् वंगु खः। अले जिपिं ताःई तक मिश्र देशय् च्‍वना। मिश्रीतय्‌सं जिपिं व जिमि पुर्खालिसें बांमलाःगु व्‍यवहार यात।

गन्‍ती 21:22

“जिमित छिगु देश जुयावने बियादिसँ। जिपिं बुँ व दाखक्‍यबपाखे वने मखु। जिमिसं छिगु छगू नं तुंयागु लः त्‍वने मखु। छिगु देशं पिहां मवंतले जुजुया मू लँ जुयाः जक वने।”

गन्‍ती 33:37

इपिं कादेशं वनाः एदोम देशया लागाय् दुगु होर पर्वतय् पाल ग्‍वयाः च्‍वन।

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

व्‍यवस्‍था 4:37

वय्‌कलं छिमि पुर्खातय्‌त माया यानादीगुलिं इमि सन्‍तानतय्‌त नं ल्‍ययादिल। वय्‌कः थम्‍हं हे थःगु तःधंगु शक्तिं छिमित मिश्रं पितहयादिल।

यहोशू 15:1

वंश वंश यानाः चिट्ठा तयाः यहूदाया कुलया जमिनयागु भाग एदोमया सिमाना तक, व दच्‍छिनपाखे जीन मरुभूमि तक क्‍वःछित।