गन्‍ती 20:15 - नेवाः बाइबल

¹⁵ जिमि पुर्खात मिश्र देशय् वंगु खः। अले जिपिं ताःई तक मिश्र देशय् च्‍वना। मिश्रीतय्‌सं जिपिं व जिमि पुर्खालिसें बांमलाःगु व्‍यवहार यात।

गन्‍ती 20:15 ပူးပေါင်းရင်းမြစ်များ

उत्‍पत्ति 15:13

अले परमप्रभुं अब्रामयात धयादिल, “थ्‍व खँ थुइकाति, छिमि सन्‍तान कर्पिनिगु देशय् परदेशी जुयाः च्‍वंवने माली, अले इपिं अन प्‍यसः दँ तक दास दासी जुयाः क्‍वत्‍यय्‌काः च्‍वनेमाली।

उत्‍पत्ति 46:6

इपिं थःपिनिगु फुक्‍क वस्‍तु, कनानय् मुंकातःगु फुक्‍क सामान व फुक्‍क सन्‍तान ज्‍वनाः मिश्र देशय् वन।

उत्‍पत्ति 46:7

थुकथं याकूब थःकाय्‌पिं, म्‍ह्याय्‌पिं, छय्‌पिं, फुक्‍क सन्‍तान ज्‍वनाः मिश्रय् वन।

२ शमूएल 12:18

न्‍हय्‌न्‍हु दुखुन्‍हु मचा सित। दाऊदया च्‍यःतय्‌सं वयात मचा सीगु खँ कने ग्‍यात। इमिसं धाल, “मचा मसीनिबलय् जिमिसं वयात धयाः अय्‌नं वं जिमिगु खँ हे मन्‍यं। आः झीसं वय्‌कःयात गुकथं मचा सीगु खँ धायेगु? वय्‌कलं थःत छुं हानि यानादी ला?”

प्रस्‍थान 1:16

“हिब्रू मिसातय् मचा बुइबलय् मचातइगु थलय् छिमिसं सुसाःकुसाः याःवनेबलय् काय् बूसा स्‍यानाछ्व, म्‍ह्याय् बूसा स्‍याये मते।”

प्रस्‍थान 1:22

अले फारोनं थः फुक्‍क प्रजायात थथे धकाः उजं बिल, “हिब्रूतय् ग्‍वःम्‍ह काय्‌मस्‍त बुइ इपिं फुक्‍कसित नील खुसिइ यंकाः वांछ्व। म्‍ह्याय् मस्‍तय्‌त जक ल्‍यंका ति।”

प्रस्‍थान 12:40

इस्राएलीत मिश्रय् च्‍वनाच्‍वंगु प्‍यसः व स्‍विदँ दये धुंकल।

प्रस्‍थान 5:14

फारोया ज्‍या याकीपिं मनूतय्‌सं ज्‍या स्‍वइपिं इस्राएली ज्‍यामि नायःतय्‌त थथे धयाः दाइगु, “छिमिसं छाय् न्‍हापालिपा स्‍वयाः थौंकन्‍हय् कम अप्‍पा दय्‌कागु?”

गन्‍ती 11:5

मिश्रय् जिमिसं न्‍याया ला धिबा पुले म्‍वाय्‌क नयागु लुमंनि। तुसि, खर्बुजा, छाः, प्‍याज, लाभा नयागु जिमि लुमं।

गन्‍ती 16:13

जिमित दुरु व कस्‍ति बाः वयाच्‍वंगु देशं मरुभूमिइ सीत हयादिया नं छितः मगात ला? अले आः छितः जिमि मालिक नं जुइ मास्‍ति वः ला?

गन्‍ती 20:14

मोशां कादेशं एदोमया जुजुयाथाय् थथे धकाः दूतत छ्वल, “छिमि इस्राएली थःथितिपिन्‍सं थथे धयाच्‍वन, जिमित जूगु दुःख छिं सी हे स्‍यू।

गन्‍ती 20:16

अले परमप्रभुयात ग्‍वाहालिया निंतिं बिन्‍ति याना, वय्‌कलं जिमिगु बिन्‍ति न्‍यनादिल, अले छम्‍ह स्‍वर्गदूत छ्वयाहयाः जिमित मिश्र देशं लिगना हयादिल। “थुबलय् जिपिं छिगु देशया सिमाना लिक्‍क लाःगु कादेश शहरय् दु।

प्रेरित 7:15

याकूब फुक्‍कसित ब्‍वनाः मिश्र देशय् च्‍वंवन। याकूब व झी तापाःबाज्‍यापिं नं अन हे सित।

प्रेरित 7:19

व हे जुजुं झी इस्राएलीतय्‌त स्‍वये मफयाः तसकं सास्‍ती याना तल। अले इमि ह्याउँ मस्‍तय्‌त नं स्‍यायेत वांछ्वय्‌के बीगु।

व्‍यवस्‍था 26:6

अय्‌नं मिश्रीतय्‌सं जिमित क्‍वत्‍यलातयाः दुःखकष्‍ट बिल। अले जिमित थाकुगु ज्‍या याकल।