गन्‍ती 20:14 - नेवाः बाइबल

¹⁴ मोशां कादेशं एदोमया जुजुयाथाय् थथे धकाः दूतत छ्वल, “छिमि इस्राएली थःथितिपिन्‍सं थथे धयाच्‍वन, जिमित जूगु दुःख छिं सी हे स्‍यू।

गन्‍ती 20:14 ပူးပေါင်းရင်းမြစ်များ

उत्‍पत्ति 25:23

परमप्रभुं वयात लिसः बियादिल, “छंगु प्‍वाथय् निगू जाति दु। इपिं बूसांनिसें हे अलग जुयाः बुइ। चीधीम्‍ह तःधीम्‍ह स्‍वयाः बल्‍लाइ। तःधीम्‍हय्‌स्‍यां चीधीम्‍हय्‌सिगु सेवा याइ।”

उत्‍पत्ति 25:25

न्‍हापांम्‍ह मचा ह्याउँसे च्‍वंम्‍ह बुल। वयागु म्‍ह छम्‍हं सँया सं भुनातःगु दु। उकिं वयागु नां एसाव तल।

उत्‍पत्ति 25:26

वयां लिपा बूम्‍ह मचा थः दाजु एसावयागु ग्‍वालि ज्‍वनाः बुल। उकिं इमिसं वयागु नां याकूब तल। इपिं बूबलय् इसहाक खुइदँ दये धुंकल।

उत्‍पत्ति 32:29

याकूबं धाल, “छिगु नां छु?” वं धाल, “जिगु नां छाय् न्‍यने माल?” अले वं वयात आशिष बिल।

प्रस्‍थान 18:8

मोशां थः ससःबौयात परमप्रभुं इस्राएलीतय्‌गु निंतिं फारो व मिश्रीतय्‌त यानादीगु फुक्‍क खँ, लँय् थःपिन्‍त जूगु दुःख व परमप्रभुं गथे यानाः इमित बचय् यानादीगु खः व फुक्‍क खँ कन।

आमोस 1:11

परमप्रभुं थथे धयादी, “एदोमया मनूतय्‌सं तःक्‍व हे पाप यात, जिं इमित सजाँय मब्‍यूसे त्‍वःते मखु! इमिसं थः दाजु, इस्राएलीतय्‌त भतिचा नं दया माया मयासें तरवार ज्‍वनाः लिनाछ्वल, इमिगु तच्‍वःगु तंया कारणं याना, इमित झन अप्‍वः तं पिहां वल।

मलाकी 1:2

परमप्रभुं धयादी, “जिं छिमित माया यानागु दु।” “तर छिमिसं धाइगु, ‘छिं जिमित गय् यानाः माया यानादियागु दु लय्?’ “परमप्रभुं धयादी, ‘एसाव याकूबया दाजु, मखु ला?’ अय्‌नं जिं छिमि पुर्खा याकूबयात ल्‍यया।

गन्‍ती 13:26

इपिं पारानया मरुभूमि दुगु कादेशय् मोशा, हारून इस्राएलीया फुक्‍क खलःयाथाय् लिहां वल। अले इमिसं थःपिन्‍सं खंगु फुक्‍क खँ इमित व फुक्‍क खलःयात कन। अले थःपिन्‍सं ज्‍वनावःगु व देशया फलफुल नं क्‍यन।

गन्‍ती 20:15

जिमि पुर्खात मिश्र देशय् वंगु खः। अले जिपिं ताःई तक मिश्र देशय् च्‍वना। मिश्रीतय्‌सं जिपिं व जिमि पुर्खालिसें बांमलाःगु व्‍यवहार यात।

गन्‍ती 20:22

इस्राएलया फुक्‍क खलः कादेशं न्‍ह्यानाः होर पर्वतय् थ्‍यंकः वल।

व्‍यवस्‍था 23:7

एदोमीतय्‌त धाःसा क्‍वह्यंके मते। इपिं छिमि दाजुकिजा खः। सुं मिश्रीयात नं क्‍वह्यंके मते। छाय्‌धाःसा छिपिं परदेशी जुयाः इमिगु देशय् न्‍हापा च्‍वनाच्‍वंगु खः।

यहोशू 2:10

छिकपिं मिश्र देशं पिहां झाःबलय् छिकपिनिगु न्‍ह्यःने परमेश्‍वरं लाल समुद्रया लः सुकादीगु अले यर्दन पुर्बयापिं एमोरीतय् निम्‍हं जुजु सीहोन व ओगयात छिकपिन्‍सं भज्‍यंक नाश यानादीगु नं जिमिसं न्‍यनागु दु।

यहोशू 2:9

अले वं इमित धाल, “परमप्रभुं थ्‍व देश छिकपिन्‍त बियादीगु दु धकाः जिं स्‍यू। छिपिं खनाः थ्‍व देशयापिं सकलें मनूत तसकं ग्‍यानाच्‍वंगु दु, छिकपिन्‍सं यानाः इपिं ग्‍यानाः थुरथुर खानाच्‍वंगु दु।

यहोशू 9:10

यर्दनया पुर्बय् एमोरीतय् निम्‍हं जुजु, हेश्‍बोनया जुजु सीहोनयात व अस्‍तारोतय् च्‍वंम्‍ह बाशानया जुजु ओगयात छु छु यानादीगु खः व नं न्‍यनागु दु।

यहोशू 9:9

इमिसं लिसः बिल, “जिपिं छिम्‍ह दासत यक्‍व तापाःगु देशं परमप्रभु छिमि परमेश्‍वरयागु नां न्‍यनाः वयागु खः, छाय्‌धाःसा जिमिसं वय्‌कलं मिश्र देशय् यानादीगु फुक्‍क ज्‍याया बारे न्‍यनागु दु।