गन्‍ती 20:1 - नेवाः बाइबल

¹ इस्राएलीतय्‌ फुक्‍क खलः न्‍हापांगु लाय् जीनयागु मरुभूमिइ थ्‍यंकः वयाः कादेशय् बाय् च्‍वन। मिरियम अन हे सित अले वयात अन थुनाबिल।

गन्‍ती 20:1 ပူးပေါင်းရင်းမြစ်များ

उत्‍पत्ति 14:7

अनंलि इपिं लिहां वल। अले एन-मिशपातय् (लिपा कादेश) वनाः अमालेकीतय्‌गु फुक्‍क देश व हासेसोन-तामारया फुक्‍क एमोरीतय्‌त नं थःगु अधीनय् काल।

भजनसंग्रहया सफू 29:8

परमप्रभुया सलं मरुभूमियात क्‍वारा क्‍वारा संकाबी फु, परमप्रभुं कादेशया मरुभूमियात संकाबी फु।

प्रस्‍थान 15:20

अले हारूनया तता मिरियम अगमवादिनीनं दम्‍फु काल। फुक्‍क मिसात नं दम्‍फु ज्‍वनाः प्‍याखं हुहुं वया ल्‍यूल्‍यू वल।

प्रस्‍थान 2:4

अले मचायात छुं जुइ ला धकाः स्‍वयेत वया तता तापाक्‍क दनाच्‍वन।

प्रस्‍थान 2:7

उबले व मचाया ततां फारोया म्‍ह्याय्‌यात न्‍यन, “जिं वनाः सुं छम्‍ह हिब्रू मिसायात छिगु निंतिं मचायात दुरु त्‍वंकेत ब्‍वना हये ला?”

इजकिएल 47:19

“दच्‍छिन पाखेयागु सिमाना तामारंनिसें मेरीबा कादेशया बुंगाःचा तक अले मिश्रया बगःया लिक्‍क लिक्‍क जुयाः भूमध्‍यसागर तक थ्‍यनी। थ्‍व दच्‍छिनया सिमाना जुइ।

मीका 6:4

जिं ला छिमित मिश्र देशं पित हया, छिमित दासत्‍वया देशं लिफ्‍याना हया। अले मोशा, हारून व मरियमयात छिमिगु नायः जुइत छ्वयाहया।

गन्‍ती 12:1

मोशां छम्‍ह कूशी मिसानापं ब्‍याहा यात। व मिसाया हुनिं मिरियम व हारूनं वयात कुंखिनाहल।

गन्‍ती 12:10

पालया च्‍वं सुपाँय् चिलावनेवं मिरियम कोह्रि जुयाः च्‍वापु थें तुइसे च्‍वन। हारूनं मिरियमपाखे स्‍वःबलय् व कोह्रि जुइ धुंकूगु खन।

गन्‍ती 12:15

अथे जुयाः मिरियमयात न्‍हय्‌न्‍हु तक छाउनीं पिने कुनातल। वयात लित महतले मनूत अनं न्‍ह्यमज्‍याः।

गन्‍ती 13:21

अथे जुयाः इपिं अनं थहां वन, जीन धयागु मरुभूमिंनिसें लेबो-हमातया न्‍ह्यःने रहोब तक देशया चिवा काल।

गन्‍ती 13:26

इपिं पारानया मरुभूमि दुगु कादेशय् मोशा, हारून इस्राएलीया फुक्‍क खलःयाथाय् लिहां वल। अले इमिसं थःपिन्‍सं खंगु फुक्‍क खँ इमित व फुक्‍क खलःयात कन। अले थःपिन्‍सं ज्‍वनावःगु व देशया फलफुल नं क्‍यन।

गन्‍ती 20:16

अले परमप्रभुयात ग्‍वाहालिया निंतिं बिन्‍ति याना, वय्‌कलं जिमिगु बिन्‍ति न्‍यनादिल, अले छम्‍ह स्‍वर्गदूत छ्वयाहयाः जिमित मिश्र देशं लिगना हयादिल। “थुबलय् जिपिं छिगु देशया सिमाना लिक्‍क लाःगु कादेश शहरय् दु।

गन्‍ती 20:22

इस्राएलया फुक्‍क खलः कादेशं न्‍ह्यानाः होर पर्वतय् थ्‍यंकः वल।

गन्‍ती 20:28

मोशां हारूनयागु पुजाहारीया वसः त्‍वय्‌काः वया काय् एलाजारयात फीकाबिल। अन हे पर्वतया च्‍वकाय् हारून सित। अले मोशा व एलाजार पर्वतं क्‍वय् कुहां वल।

गन्‍ती 26:59

अम्रामया कलाःया नां लेवीया सन्‍तान योकेबेद खः। व लेवी कुलपाखें मिश्र देशय् बूम्‍ह खः। वं अम्रामपाखें हारून, मोशा व छम्‍ह म्‍ह्याय् मरियमयात बुइकल।

गन्‍ती 27:14

छाय्‌धाःसा छिपिं निम्‍हय्‌सिनं जीनया मरुभूमिइ जिगु आज्ञाया विरोधय् विद्रोह यात। सकल इस्राएलया मनूतय्‌सं लःया निंतिं विद्रोह याःबलय् छिमिसं इमित जिगु पवित्रता क्‍यने मफुत।” (थ्‍व जीनया मरुभूमिइ मेरीबा कादेशया लखय् जूगु खः।)

गन्‍ती 33:36

इपिं एस्‍योन-गेबेरं वनाः जीनयागु मरुभूमिइ दुगु कादेशय् बाय् च्‍वन।

व्‍यवस्‍था 1:46

अथे जुयाः छिपिं कादेशय् यक्‍व दिं तक च्‍वनाच्‍वने माल।

व्‍यवस्‍था 2:14

कादेश-बर्ने त्‍वःता वयाः जेरेद खुसि छिनाबलय् तक झीत स्‍विच्‍यादँ बित। थ्‍व इलय् परमप्रभुं पाफयादीगु थें झीगु छाउनीं व पुस्‍तायापिं सकलें लडाइँ याइपिं मनूत नाश जुल।

व्‍यवस्‍था 32:51

थ्‍व छिपिं निम्‍हय्‌सिनं जीनयागु मरुभूमिइ दुगु कादेश लिक्‍कया मरीबाया लखय् इस्राएलीतय्‌गु न्‍ह्यःने जिगु विश्‍वासयात त्‍वाथूगुलिं अले छिमिसं इस्राएलीतय्‌गु दथुइ जिगु पवित्रतायात हनाबना मतःगुलिं खः।

न्‍यायकर्ता 11:16

तर इस्राएलीत मिश्र देशं थाहां वःबलय् इपिं मरुभूमि जुयाः लाल समुद्रय् वन अले कादेशय् थ्‍यन।