गन्‍ती 19:9 - नेवाः बाइबल

⁹ “सुं छम्‍ह शुद्धम्‍ह मनुखं व साचायागु नउ मुंकेमाः, अले उकियात छाउनीं पिने छगू शुद्ध जूगु थासय् तयेमाः। थ्‍व नउ इस्राएली खलकं शुद्ध याइगु लखय् छ्यलेत तया तयेमाः। थ्‍व लः पाप चीकाछ्वयेगु ज्‍याझ्‍वलय् छ्यली।

गन्‍ती 19:9 ပူးပေါင်းရင်းမြစ်များ

लेवी 15:20

“‘व द्यंगु थाय् व फ्‍यतूगु फुक्‍क थाय् अशुद्ध जुइ।

जकरिया 13:1

“उखुन्‍हु दाऊदया घराना व यरूशलेमया मनूतय्‌गु पाप व दोष चीकाछ्वयेत लःयागु छगू मुहान न्‍ह्याइ।

गन्‍ती 19:13

सुनां सीम्‍ह थियाः थःत शुद्ध याइ मखु वं परमप्रभुया पवित्र पालयात अशुद्ध याइ। व मनूयात इस्राएलीतपाखें नाश याना छ्वयेमाः। शुद्ध यायेगु लखं वयात मछ्वाकूगुलिं व अशुद्धम्‍ह हे खः। वयागु अशुद्धता वयाके दया हे च्‍वनी।

गन्‍ती 19:17

“व अशुद्धम्‍ह मनूयात शुद्ध यायेत शुद्ध जुइगु बलिकथं छ्वयेकूम्‍ह साया नउ कयाः थलय् तयाः उकी नीलः तयेमाः।

गन्‍ती 19:18

अले छम्‍ह शुद्धम्‍ह मनुखं हिसपमा कयाः व लखय् थुनाः पाल, पालय् दुगु थलबल व अन दुपिं मनूतय्‌त छ्वाकेमाः। सीम्‍हया क्‍वँय्, स्‍याःम्‍ह मनूया सीम्‍ह, थःगु कालगतिं सीम्‍ह मनूयात वा सीगाःयात थ्‍यूम्‍ह मनूयात नं अथे हे छ्वाकेमाः।

गन्‍ती 19:3

छं एलाजार पुजाहारीयात व साचा ब्‍यु। वयात छाउनीं पिने यंकाः वयागु न्‍ह्यःने वयात स्‍यायेमाः।

गन्‍ती 19:8

साचित छ्वय्‌कुम्‍हय्‌सिनं नं थःगु वसः हीमाः अले लखं म्‍वःल्‍हुइमाः। सन्‍ध्‍याकाः इलय् तक व नं अशुद्ध जुइ।

गन्‍ती 6:12

नाजिरीया लागि थः अलग जुइगु ई दतले वं परमप्रभुया निंतिं थःत छायेमाः, अले दोषबलिया निंतिं वं दच्‍छि दुम्‍ह चिधिकःम्‍ह भ्‍याःचा छम्‍ह नं छाये हयेमाः। न्‍हापायागु दिं अशुद्ध जूगुलिं उकियागु ल्‍याः तइ मखु।

गन्‍ती 8:7

इमित शुद्ध यायेत छं थथे या – इमित च्‍वख याइगु लखं छ्वाकि, अले इमिसं थःपिनिगु म्‍हय् च्‍वंगु सँ खानाः थथःगु वसः हियाः थःपिन्‍त विधिकथं शुद्ध यायेमाः।

गन्‍ती 9:13

अय्‌नं शुद्धम्‍ह व यात्राय् मवंम्‍ह मनुखं छुत्‍काराया नखः महंसा वयात थः मनूत मध्‍ये नाश याना छ्वयेमाः। छाय्‌धाःसा वं क्‍वःछीगु इलय् देछा मछाः। व मनुखं थःगु पापयागु सजाँय भोगे यायेमाः।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

हिब्रू 9:13

दुगुचा व द्वहंयागु हि, अले होमबलिइ छाःम्‍ह छसु हे मब्‍यानिम्‍ह सायागु नौ ह्वलाः ला शुद्ध मजूम्‍ह मनूयात शुद्ध याइ धाःसा