गन्‍ती 19:21 - नेवाः बाइबल

²¹ इमिगु निंतिं थ्‍व लिपा थ्‍यंकया नियम जुइमाः। “शुद्ध यायेगु लः छ्वाकूम्‍हय्‌सिनं नं थःगु वसः हीमाः। शुद्ध यायेगु लः थ्‍यूम्‍ह मनू नं सन्‍ध्‍याकाः इलय् तक अशुद्ध जुइ।

गन्‍ती 19:21 ပူးပေါင်းရင်းမြစ်များ

प्रस्‍थान 27:21

पवित्र पालय् बाचा चिनातःगु सनूया न्‍ह्यःने च्‍वंगु पर्दाया पिने हारून व वया काय्‌पिन्‍सं सन्‍ध्‍याकाः ई निसें सुथय् तक परमप्रभुया न्‍ह्यःने पाल्‍चा मदिक्‍क च्‍याकेमाः। थ्‍व उजं इस्राएली व वया सन्‍तानयात न्‍ह्याबलेंया निंतिं जुइमाः।”

लेवी 11:25

सुनां थुमिगु सीम्‍ह क्‍वबिइ वं थःगु वसः हीमाः, अले सन्‍ध्‍याः ईतक व अशुद्ध जुइ।

लेवी 11:40

सीम्‍ह पशुया ला नइम्‍ह व सीम्‍ह क्‍वब्यूम्‍हं थःगु वसः हीमाः, अले व सन्‍ध्‍या ईतक अशुद्ध जुइ।

गन्‍ती 18:23

नापलायेगु पालया ज्‍या धाःसा लेवीतय्‌सं यायेमाः। उकिया विरोधय् जूगु अपराधया जिम्‍मा इमिसं हे कायेमाः। थ्‍व न्‍ह्याबलें इमिगु सन्‍तानया जिम्‍मा खः। इस्राएलीतय्‌गु दथुइ धाःसा इमिगु छुं नं सर्बय दइ मखु।

गन्‍ती 19:10

साचाया नउ मुंम्‍हय्‌सिनं थःगु वसः हीमाः अले सन्‍ध्‍याकाः इलय् तक व नं अशुद्ध जुइ। इस्राएलीत व इपिं नापं च्‍वंपिं परदेशीतय्‌गु निंतिं थ्‍व सदांया विधि जुइ।

गन्‍ती 19:7

अनंलि पुजाहारीं थःगु वसः हियाः लखं म्‍वःल्‍हुइमाः। अनंलि व छाउनीइ दुहां वयेफु। अय्‌नं व सन्‍ध्‍याकाः इलय् तक अशुद्ध जुइ।

गन्‍ती 19:8

साचित छ्वय्‌कुम्‍हय्‌सिनं नं थःगु वसः हीमाः अले लखं म्‍वःल्‍हुइमाः। सन्‍ध्‍याकाः इलय् तक व नं अशुद्ध जुइ।

हिब्रू 10:4

द्वहंत व दुगुचातय्‌गु हिं गुब्‍सं पाप हुयाछ्वये फइ मखु।

हिब्रू 7:19

छाय्‌धाःसा व्‍यवस्‍थां झीत छुं हे याये मफुत। आः धाःसा झीत वया सिबय् भिंगु आशा बियादीगु दु। गुकिं झीत परमेश्‍वरया न्‍ह्यःने थ्‍यंकी।

हिब्रू 9:10

थथे नयेत्‍वनेगु व थीथी कथं म्‍वःल्‍हुइगु ला पिने क्‍यनेत जक खः। थज्‍याःगु थितिकुति न्‍हूगु बाचा चिना मदीतलेयात जक खः।