गन्‍ती 19:2 - नेवाः बाइबल

² “परमप्रभुं बियादीगु व्‍यवस्‍थाया छगू नियम थ्‍व हे खः। ककुइ जुवा मलानिम्‍ह, खू मदुम्‍ह ह्याउँम्‍ह साचा छन्‍थाय् हजि धकाः इस्राएलीतय्‌त धा।

गन्‍ती 19:2 ပူးပေါင်းရင်းမြစ်များ

प्रस्‍थान 12:5

चिधिकःम्‍ह भ्‍याःचा ल्‍ययेबलय् छिमिसं खू मदुम्‍ह, दच्‍छि दुम्‍ह चिधिकःम्‍ह भ्‍याःचा ल्‍ययेमाः। च्‍वलेचा व फैया दथुं ल्‍ययेमाः।

यशैया 1:18

परमप्रभुं थथे धयादी, “थन वा, झीपिंनापं च्‍वनाः थःथवय् खँल्‍हाबल्‍हा याये। छिमिगु पाप ह्याउँसे च्‍वंसां उपिं च्‍वापु थें तुयुसे च्‍वंकाबी। उपिं तच्‍वकं ह्याउँसे च्‍वंसां ऊन थें तुयुसे च्‍वनी।

विलाप 1:14

“जिगु ब्‍वहलय् ककुसिँ थें हे वय्‌कलं थःगु हे ल्‍हातं जिं यानागु मभिंगु ज्‍या जिके तयादिल इपिं नितुनिला जिगु गःपतय् यग्‍गात। वय्‌कलं जिगु शक्तियात ताःमलाकादिल। परमप्रभुं जितः थः शत्रुतय्‌गु ल्‍हातय् लःल्‍हानादिल, तर जि इपिंनापं ल्‍वाये हे मफुत।

लेवी 1:10

“‘सुनानं परमप्रभुया निंतिं बथांपाखें फै वा दुगुचा बलि हल धाःसा वं खू मदुम्‍ह मिजंम्‍ह छायेमाः।

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 14:6

अले वं मेम्‍ह झंगः, थाकुराःमाया कचा, ह्याउँगु का व हिसपमा कयाः ताजा लःया च्‍वय् स्‍याःम्‍ह झंगःया हिइ थुनेमाः।

गन्‍ती 19:1

परमप्रभुं मोशा व हारूनयात धयादिल,

गन्‍ती 19:6

अले पुजाहारीं देवदारुया सिँकचा, हिसपमा व ह्याउँगु का कयाः च्‍यानाच्‍वंम्‍ह साचाया च्‍वय् वांछ्वया बीमाः।

गन्‍ती 31:21

अले एलाजार पुजाहारीं लडाइँलय् वंपिं मिजंतय्‌त धाल, “परमप्रभुं मोशायात थ्‍व विधि बियादीगु दु।

लूका 1:35

अले स्‍वर्गदूतं वयात लिसः बिल – “पवित्र आत्‍मा हे छंके झायादी। दकलय् तःधंम्‍ह परमेश्‍वरयागु शक्तिं बूम्‍ह मचा पवित्रम्‍ह जुइ, अले परमेश्‍वरया काय् धकाः नां जाइ।

व्‍यवस्‍था 21:3

अनंलि उगु सीम्‍हया दकलय् सतिक लाःगु शहरया थकालितय्‌सं गुबलें ज्‍याय् मछ्यःम्‍ह व ककुइ जुवा मलानिम्‍ह छम्‍ह साचा हयाः

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

हिब्रू 9:10

थथे नयेत्‍वनेगु व थीथी कथं म्‍वःल्‍हुइगु ला पिने क्‍यनेत जक खः। थज्‍याःगु थितिकुति न्‍हूगु बाचा चिना मदीतलेयात जक खः।

१ पत्रुस 1:19

बरु छुं हे खू मदुम्‍ह चीधिकःम्‍ह भ्‍याःचा जुयादीम्‍ह ख्रीष्‍टयागु तसकं मू वंगु हिं न्‍यानादीगु खः।

१ पत्रुस 2:22

“वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

१ शमूएल 6:7

“आः गुबलें ज्‍वतय् मयाःम्‍ह दुरु ब्‍यूम्‍ह निम्‍ह सा अले छगू न्‍हूगु रथ तयार या। अले व सातय्‌त रथय् चिनाब्‍यु इमि साचात धाःसा गलय् हे लित यंकि।