गन्‍ती 19:19 - नेवाः बाइबल

¹⁹ शुद्धम्‍ह मनुखं अशुद्ध जूम्‍ह मनूयात स्‍वन्‍हु खुन्‍हु व न्‍हय्‌न्‍हु खुन्‍हु व लखं छ्वाकेमाः। न्‍हय्‌न्‍हु खुन्‍हु वं अशुद्धम्‍ह मनूयात शुद्ध यायेमाः। अले शुद्ध जूम्‍हय्‌सिनं थःगु वसः हियाः म्‍वःल्‍हुइमाः, अले सन्‍ध्‍याकाः इलय् व शुद्ध जुइ।

गन्‍ती 19:19 ပူးပေါင်းရင်းမြစ်များ

उत्‍पत्ति 2:2

परमेश्‍वरं थःगु फुक्‍क ज्‍या खुन्‍हुं सिधय्‌काः न्‍हय्‌न्‍हु दुखुन्‍हु आराम कयादिल।

प्रस्‍थान 19:10

परमप्रभुं वयात धयादिल, “मनूतय्‌थाय् वनाः थौं व कन्‍हय् इमित पवित्र या। इमिसं वसः नं हीमाः।

इजकिएल 36:25

जिं छिमिके शुद्ध लः छ्वाके, अले छिपिं शुद्ध जुइ। छिमिगु फुक्‍क अशुद्धतापाखें अले छिमिगु फुक्‍क मूर्तितपाखें जिं छिमित शुद्ध यानाबी।

लेवी 14:7

वं न्‍हय्‌कः तक ल्‍वगिम्‍ह मनूयात उकिं हाः हाः यानाः शुद्ध थहरय् यायेमाः अले ल्‍यंम्‍ह झंगःयात चकंगु ख्‍यलय् त्‍वःताबीमाः।

लेवी 14:9

न्‍हय्‌न्‍हु दुखुन्‍हु वं हाकनं थःगु छेनय् च्‍वंगु सँ, दाह्रि, मिखाफुसि व म्‍हय् दक्‍व सँ खानाः, थःगु वसः हियाः म्‍वःल्‍हुइमाः। अले व धात्‍थें शुद्ध जुइ।

गन्‍ती 19:12

वं थःत उगु लखं स्‍वन्‍हु खुन्‍हु व न्‍हय्‌न्‍हु खुन्‍हु शुद्ध यायेमाः, अले व शुद्ध जुइ। वं स्‍वन्‍हु खुन्‍हु व न्‍हय्‌न्‍हु खुन्‍हु थःत शुद्ध मयात धाःसा व शुद्ध जुइ मखु।

गन्‍ती 19:13

सुनां सीम्‍ह थियाः थःत शुद्ध याइ मखु वं परमप्रभुया पवित्र पालयात अशुद्ध याइ। व मनूयात इस्राएलीतपाखें नाश याना छ्वयेमाः। शुद्ध यायेगु लखं वयात मछ्वाकूगुलिं व अशुद्धम्‍ह हे खः। वयागु अशुद्धता वयाके दया हे च्‍वनी।

गन्‍ती 19:18

अले छम्‍ह शुद्धम्‍ह मनुखं हिसपमा कयाः व लखय् थुनाः पाल, पालय् दुगु थलबल व अन दुपिं मनूतय्‌त छ्वाकेमाः। सीम्‍हया क्‍वँय्, स्‍याःम्‍ह मनूया सीम्‍ह, थःगु कालगतिं सीम्‍ह मनूयात वा सीगाःयात थ्‍यूम्‍ह मनूयात नं अथे हे छ्वाकेमाः।

गन्‍ती 31:19

“छिपिं मध्‍ये ग्‍वःम्‍हय्‌सिनं सुं मनूयात स्‍याःगु दु वा ग्‍वःम्‍हय्‌सिनं सीम्‍ह थ्‍यूगु दु इपिं फुक्‍क न्‍हय्‌न्‍हु तक छाउनीं पिने च्‍वनेमाः। स्‍वन्‍हु खुन्‍हु व न्‍हय्‌न्‍हु खुन्‍हु छिमिसं थःपिन्‍त व थः कैदीतय्‌त शुद्ध या।

गन्‍ती 31:24

न्‍हय्‌न्‍हु खुन्‍हु छिमिसं थःगु वसः हीमाः। अले छिपिं शुद्ध जुइ। अनं लिपा छिपिं छाउनीइ वःसां ज्‍यू।”

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

यहूदा 1:23

मिइ क्‍वब्‍वाय् त्‍यंपिन्‍त साला का। पाप याइपिन्‍त नं दया या। अथेसां बांलाक होश या, थथे यायेबलय् छिमित हे पापयागु च्‍याः मथायेमा।