गन्‍ती 19:17 - नेवाः बाइबल

¹⁷ “व अशुद्धम्‍ह मनूयात शुद्ध यायेत शुद्ध जुइगु बलिकथं छ्वयेकूम्‍ह साया नउ कयाः थलय् तयाः उकी नीलः तयेमाः।

गन्‍ती 19:17 ပူးပေါင်းရင်းမြစ်များ

उत्‍पत्ति 26:19

इसहाकया दासतय्‌सं गंगु खुसिइ गाः म्‍हूबलय् अन बुंगाःचा लुयावल।

श्रेष्‍ठगीत 4:15

छ बगैँचाया बुँगाःचा थें खः, लेबनानं न्‍ह्याना वयाच्‍वंगु ताजा लःया तुं थें खः।

इजकिएल 36:25

जिं छिमिके शुद्ध लः छ्वाके, अले छिपिं शुद्ध जुइ। छिमिगु फुक्‍क अशुद्धतापाखें अले छिमिगु फुक्‍क मूर्तितपाखें जिं छिमित शुद्ध यानाबी।

जकरिया 13:1

“उखुन्‍हु दाऊदया घराना व यरूशलेमया मनूतय्‌गु पाप व दोष चीकाछ्वयेत लःयागु छगू मुहान न्‍ह्याइ।

गन्‍ती 19:18

अले छम्‍ह शुद्धम्‍ह मनुखं हिसपमा कयाः व लखय् थुनाः पाल, पालय् दुगु थलबल व अन दुपिं मनूतय्‌त छ्वाकेमाः। सीम्‍हया क्‍वँय्, स्‍याःम्‍ह मनूया सीम्‍ह, थःगु कालगतिं सीम्‍ह मनूयात वा सीगाःयात थ्‍यूम्‍ह मनूयात नं अथे हे छ्वाकेमाः।

गन्‍ती 19:9

“सुं छम्‍ह शुद्धम्‍ह मनुखं व साचायागु नउ मुंकेमाः, अले उकियात छाउनीं पिने छगू शुद्ध जूगु थासय् तयेमाः। थ्‍व नउ इस्राएली खलकं शुद्ध याइगु लखय् छ्यलेत तया तयेमाः। थ्‍व लः पाप चीकाछ्वयेगु ज्‍याझ्‍वलय् छ्यली।

गन्‍ती 31:23

अले मिं भस्‍म मयाइगु फुक्‍क ज्‍वलंयात मिइ तयाः शुद्ध यायेमाः। उकियात शुद्ध यायेगु लखं नं शुद्ध यायेमाः। मिइ भस्‍म जुयाः वनीगु ज्‍वलं व लखं शुद्ध यायेमाः।

यूहन्‍ना 7:38

अले धर्मशास्‍त्रय् च्‍वया तः थें – सुनां जितः विश्‍वास याइ, वयागु नुगलं अनन्‍त जीवन दुगु खुसिबाः वयाच्‍वनी।”

हिब्रू 9:13

दुगुचा व द्वहंयागु हि, अले होमबलिइ छाःम्‍ह छसु हे मब्‍यानिम्‍ह सायागु नौ ह्वलाः ला शुद्ध मजूम्‍ह मनूयात शुद्ध याइ धाःसा

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”