गन्‍ती 19:16 - नेवाः बाइबल

¹⁶ “हानं सुं मनुखं पिने तरवारं स्‍याःम्‍ह मनू वा थःगु कालगतिं सीम्‍ह मनूयात थिल धाःसा वा सीम्‍हयागु क्‍वँय् वा सीगाः थिल धाःसा व न्‍हय्‌न्‍हु तक अशुद्ध जुइ।

गन्‍ती 19:16 ပူးပေါင်းရင်းမြစ်များ

यशैया 52:11

हुँ, थनं हुँ, कैदं पिहां हुँ, छुं नं अशुद्धगु थलबल थी मते! हे परमप्रभुया थल ज्‍वनीपिं, अनं पिहां वा, अले थःत शुद्ध या!

इजकिएल 44:26

शुद्ध जुइ धुंकाः न्‍हय्‌न्‍हु तक वं पियाच्‍वनेमाः।

लेवी 21:1

परमप्रभुं मोशायात धयादिल, “हारूनया पुजाहारी काय्‌पिन्‍त थथे धा, ‘पुजाहारीं सुं थःथिति सित धाःसा वयात थीमज्‍यू। थुकिं वयात अशुद्ध याइ।

गन्‍ती 19:11

“सीम्‍ह थ्‍यूम्‍ह मनू न्‍हय्‌न्‍हु तक अशुद्ध जुइ।

गन्‍ती 19:15

अले पुसां त्‍वपुयामतःगु थल फुक्‍क अशुद्ध जुइ।

गन्‍ती 31:19

“छिपिं मध्‍ये ग्‍वःम्‍हय्‌सिनं सुं मनूयात स्‍याःगु दु वा ग्‍वःम्‍हय्‌सिनं सीम्‍ह थ्‍यूगु दु इपिं फुक्‍क न्‍हय्‌न्‍हु तक छाउनीं पिने च्‍वनेमाः। स्‍वन्‍हु खुन्‍हु व न्‍हय्‌न्‍हु खुन्‍हु छिमिसं थःपिन्‍त व थः कैदीतय्‌त शुद्ध या।

गन्‍ती 5:2

“इस्राएलीतय्‌त छेंगूयागु पुनेयःगु ल्‍वय् दुपिं, धातुया ल्‍वय् दुपिं व सीम्‍ह थियाः अशुद्ध जूपिं दक्‍वसित छाउनीं पितिनाछ्व धकाः उजं ब्‍यु।

गन्‍ती 6:6

“‘ग्‍वःन्‍हु तक व परमप्रभुया निंतिं अलग च्‍वनी, वन्‍हु तक व गुगुं सीम्‍हया न्‍ह्यःने मवनेमाः।

गन्‍ती 9:6

तर मनूया सीम्‍ह थियाः अशुद्ध जूपिं गुलिं मनूतय्‌सं व दिंखुन्‍हु छुत्‍काराया नखः हने मखन। अथे जुयाः इपिं व हे दिं मोशा व हारूनयाथाय् वल।

मत्ती 23:27

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिपिं पिने ला सख्‍वाः पानातःगु चिहान थें बांलाः। दुने धाःसा छिपिं ध्‍वगीगु कँलाय् व नवःगुलिं जक जाः।

लूका 11:44

फरिसीत, छिमित धिक्‍कार दु, छाय्‌धाःसा छिपिं खने मदुगु सी थुनिगु गाः थें च्‍वं। थुकी न्‍हुया वनाः मनूतय्‌सं थ्‍व सी थुनिगु गाः धकाः सी मखु।”