गन्‍ती 19:13 - नेवाः बाइबल

¹³ सुनां सीम्‍ह थियाः थःत शुद्ध याइ मखु वं परमप्रभुया पवित्र पालयात अशुद्ध याइ। व मनूयात इस्राएलीतपाखें नाश याना छ्वयेमाः। शुद्ध यायेगु लखं वयात मछ्वाकूगुलिं व अशुद्धम्‍ह हे खः। वयागु अशुद्धता वयाके दया हे च्‍वनी।

गन्‍ती 19:13 ပူးပေါင်းရင်းမြစ်များ

प्रस्‍थान 30:33

सुं मनुखं थज्‍याःगु नस्‍वाःगु चिकं दय्‌कल धाःसा वा पुजाहारी मखुपिनिगु म्‍हय् तया ब्‍यूसां वयात थः मनूतय् दथुं पितिना छ्वयेमाः।’”

हितोपदेश 14:32

दुष्‍टत इमिगु मभिंगु ज्‍यां यानाः नाश जुयावनी, धर्मीतय्‌त सीबलय् नं रक्षा याना तइ।

इजकिएल 44:26

शुद्ध जुइ धुंकाः न्‍हय्‌न्‍हु तक वं पियाच्‍वनेमाः।

लेवी 15:31

“‘थुकथं छिमिसं इस्राएलीतय्‌त अशुद्ध याइगु खँपाखें अलग तयेमाः। मखुसा इमिसं थःपिन्‍थाय् च्‍वंगु जिगु पवित्र पालयात अशुद्ध याइ। अले इपिं थःपिनिगु अशुद्ध खँया हुनिं सी माली।’”

लेवी 20:3

वं थः मचा मोलोखयात छाइबलय् जिगु पवित्र पालयात अशुद्ध याइ अले जिगु पवित्र नांयात क्‍वह्यंकी, अथे जुयाः जि थः हे वयागु विरोधय् वनाः वयात थः मनूतपाखें पितिनाछ्वये।

लेवी 22:3

“इमित धा, ‘छिमि पुस्‍तौं पुस्‍ताय् सुं अशुद्धम्‍ह मनू इस्राएलीतय्‌सं अर्पण याःगु पवित्र वस्‍तुया न्‍ह्यःने वन धाःसा वयात जिं जिगु न्‍ह्यःनं नाश यानाबी। जि परमप्रभु खः।

लेवी 22:4

“‘हारूनया काय्‌पिं मध्‍ये सुं छेंगूया पुनेयःगु ल्‍वय् दुम्‍ह वा धातुया ल्‍वय् दुम्‍ह अशुद्ध जुइबलय् तक छायेहःगु पवित्र वस्‍तुं छुं नं मनयेमाः। सीम्‍ह थ्‍यूम्‍ह, धातुया अथें कुतुं वइम्‍हयात थ्‍यूम्‍ह अले

लेवी 5:17

“सुनानं मसीकं परमप्रभुं याये मते धाःगु खँ यानाः पापयात धाःसा व दोषी थहरय् जुइ। अले उकिया सजाँय वं फयेमाली।

लेवी 5:3

“‘सुनानं मसीकं मनूया म्‍हया छुं अशुद्धगु ब्‍व थियाः लिपा वाःचाल धाःसा व दोषी थहरय् जुइ।

लेवी 5:6

अले वं सजाँयकथं परमप्रभुयाथाय् बथांपाखें मिसाम्‍ह चिधिकःम्‍ह फै वा च्‍वलय् पापबलि छाये हयेमाः। पुजाहारीं वयागु पापया निंतिं प्रायश्‍चित यायेमाः।

लेवी 7:20

तर अशुद्ध जुयाः परमप्रभुया मेलबलिया ला सुनानं नल धाःसा वयात वया मनूतय् दथुं पितिना छ्वयेमाः।

लेवी 7:21

सुनानं मनूया अशुद्ध, पशुया अशुद्ध वा मेगु छुं घचाइपुगु वस्‍तु थियाः परमप्रभुया मेलबलिया ला नल धाःसा वयात वया मनूतय् दथुं पितिना छ्वयेमाः।’”

गन्‍ती 15:30

“‘इस्राएली वा मेगु जातियाम्‍ह मनू न्‍ह्याम्‍हय्‌सिनं जूसां सीकं चायेकं पापयात धाःसा वं परमप्रभुयात हेला याःगु खः। वयात वया मनूतपाखें पितिना छ्वयेमाः।

गन्‍ती 19:14

“सुं मनू पालय् सित धाःसा उकियागु नियम थ्‍व हे खः, पालय् वइपिं व पाल दुने दुपिं मनूत न्‍हय्‌न्‍हु तक अशुद्ध जुइ।

गन्‍ती 19:18

अले छम्‍ह शुद्धम्‍ह मनुखं हिसपमा कयाः व लखय् थुनाः पाल, पालय् दुगु थलबल व अन दुपिं मनूतय्‌त छ्वाकेमाः। सीम्‍हया क्‍वँय्, स्‍याःम्‍ह मनूया सीम्‍ह, थःगु कालगतिं सीम्‍ह मनूयात वा सीगाःयात थ्‍यूम्‍ह मनूयात नं अथे हे छ्वाकेमाः।

गन्‍ती 19:19

शुद्धम्‍ह मनुखं अशुद्ध जूम्‍ह मनूयात स्‍वन्‍हु खुन्‍हु व न्‍हय्‌न्‍हु खुन्‍हु व लखं छ्वाकेमाः। न्‍हय्‌न्‍हु खुन्‍हु वं अशुद्धम्‍ह मनूयात शुद्ध यायेमाः। अले शुद्ध जूम्‍हय्‌सिनं थःगु वसः हियाः म्‍वःल्‍हुइमाः, अले सन्‍ध्‍याकाः इलय् व शुद्ध जुइ।

गन्‍ती 19:20

अशुद्ध जूम्‍ह मनुखं थःत शुद्ध मयात धाःसा वयात खलःया दथुं नाश याना छ्वयेमाः, छाय्‌धाःसा वं परमप्रभुया पवित्र पालयात अशुद्ध यात। वयागु म्‍हय् शुद्ध यायेगु लखं मछ्वाकूगुलिं व अशुद्धम्‍ह हे जुइ।

गन्‍ती 19:9

“सुं छम्‍ह शुद्धम्‍ह मनुखं व साचायागु नउ मुंकेमाः, अले उकियात छाउनीं पिने छगू शुद्ध जूगु थासय् तयेमाः। थ्‍व नउ इस्राएली खलकं शुद्ध याइगु लखय् छ्यलेत तया तयेमाः। थ्‍व लः पाप चीकाछ्वयेगु ज्‍याझ्‍वलय् छ्यली।

गन्‍ती 8:7

इमित शुद्ध यायेत छं थथे या – इमित च्‍वख याइगु लखं छ्वाकि, अले इमिसं थःपिनिगु म्‍हय् च्‍वंगु सँ खानाः थथःगु वसः हियाः थःपिन्‍त विधिकथं शुद्ध यायेमाः।

गन्‍ती 9:13

अय्‌नं शुद्धम्‍ह व यात्राय् मवंम्‍ह मनुखं छुत्‍काराया नखः महंसा वयात थः मनूत मध्‍ये नाश याना छ्वयेमाः। छाय्‌धाःसा वं क्‍वःछीगु इलय् देछा मछाः। व मनुखं थःगु पापयागु सजाँय भोगे यायेमाः।

यूहन्‍ना 8:24

छिकपिं पापय् लानाः सी माली धकाः जिं छिकपिन्‍त धायेधुन। जि व हे खः धकाः छिकपिन्‍सं विश्‍वास मयाःसा छिकपिं पापय् लानाः सी।”

हिब्रू 10:29

परमेश्‍वरया काय्‌यात पालि तःले च्‍वंगु धू ताय्‌कीपिन्‍त, थःत पवित्र याःगु बाचायागु हियात अशुद्ध ताय्‌कीपिन्‍त व दया यानादीम्‍ह पवित्र आत्‍मायात हेस्‍याइपिन्‍त गुलि जक अप्‍वः सजाँय बी। छिमिसं हे बिचाः या।

हिब्रू 9:10

थथे नयेत्‍वनेगु व थीथी कथं म्‍वःल्‍हुइगु ला पिने क्‍यनेत जक खः। थज्‍याःगु थितिकुति न्‍हूगु बाचा चिना मदीतलेयात जक खः।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

प्रकाश 22:11

मभिंगु ज्‍या याइम्‍हय्‌सित मभिंगु ज्‍या हे याका ति। घच्‍चायापुगु ज्‍या यानाजुइम्‍ह अझ घच्‍चायापुगु ज्‍या याना जुयाच्‍वनेमा। बांलाःगु भिंगु यानाजुइपिन्‍त अझ नं बांलाःगु भिंगु याका हे ति। पवित्रपिन्‍त अझ पवित्र जुइका ति।”

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।