गन्‍ती 18:8 - नेवाः बाइबल

⁸ हाकनं परमप्रभुं हारूनयात धयादिल, “इस्राएलीतय्‌सं जितः छायेहःगु फुक्‍क पवित्र देछा जिं छंगु जिम्‍माय् बियागु दु। छ पुजाहारी जुयाः ज्‍या याःगुलिं उपिं देछा छ व छिमि काय्‌पिन्‍त न्‍ह्याबलेंया भागकथं अलग यानागु दु।

गन्‍ती 18:8 ပူးပေါင်းရင်းမြစ်များ

२ राजा 12:16

दोषबलि व शुद्ध जुइगु बलिं वःगु धिबा परमप्रभुया देगलय् हइ मखु, व पुजाहारीतय्‌गु हे जुइगु।

२ इतिहास 31:4

पुजाहारीत व लेवीतय्‌सं परमप्रभुया व्‍यवस्‍थाया ज्‍या मन बियाः याये फयेमा धकाः जुजुं यरूशलेमय् च्‍वंपिं मनूतय्‌त पुजाहारीत व लेवीतय्‌त ल्‍यं दुगु भाग ब्‍यु धकाः आज्ञा बिल।

२ इतिहास 31:5

अथे आज्ञा जुइवं इस्राएलयापिं मनूतय्‌सं थःगु अन्‍न, न्‍हूगु दाखमद्य, जैतूनया चिकं, कस्‍ति व बुँइया फुक्‍क कथंया न्‍हापां सःगु बिल। इमिसं थःके दुगु फुक्‍क खँया झिब्‍वय् छब्‍व नं हल।

प्रस्‍थान 28:43

हारून व वया काय्‌पिन्‍सं पवित्र पालय् दुहां वनेबलय् व वेदीया न्‍ह्यःने सेवा यायेत वनेबलय् थ्‍व वसः फिनावनेमाः। थुकथं इपिं दोषी ठहरे मजुइमा अले मसीमा।” “थ्‍व हारून व वया सन्‍तानयात नं न्‍ह्याबलेंया निंतिं नियम जुल।”

प्रस्‍थान 29:21

अले वेदीइ च्‍वंगु हि व अभिषेकया भतिचा चिकं कयाः हारून व वया वसतय् अले वया काय्‌पिं व इमिगु वसतय् नं छ्वाकाब्‍यु। थथे हारून, वया काय्‌पिं व इमिगु वसः शुद्ध जुइ।

प्रस्‍थान 29:28

अले इस्राएलयापिं मनूतय्‌सं थ्‍व ब्‍वःयात हारून व वया काय्‌पिन्‍त बी। इस्राएलयापिं मनूतय्‌सं परमप्रभुयात मेलबलि छाइबलय् थ्‍व ब्‍व न्‍ह्याबलें पुजाहारीतय्‌गु जुइ। थ्‍व ब्‍व पुजाहारीतय्‌त बीबलय् परमप्रभुयात ब्‍यूगु थें हे जुइ।

प्रस्‍थान 29:29

हारून सी धुंकाः वयागु पुजाहारीया वसः वया लिपा पुजाहारी जुइम्‍ह वया सन्‍तानयात बीमाः। अले अभिषेकया ज्‍याझ्‍वलय् न्‍हय्‌न्‍हु तक वं व वसः फिनाः पवित्र पालय् ज्‍या यानाः नापलायेगु पालय् च्‍वनेमाः।

प्रस्‍थान 40:13

अले हारूनयात पवित्र वसः फीकाः वयात अभिषेक या। अले पुजाहारी जुयाः सेवा यायेत वयात पलिस्‍था या।

प्रस्‍थान 40:15

अले छं इमि बौयात गथे यानाः अभिषेक यानागु खः अथे हे यानाः इमित नं अभिषेक या। इमिगु अभिषेक धाःसा छगू सदांया पुजाहारीया ज्‍याकथं लिपा थ्‍यंकया पुस्‍ता तक जुइ।”

यशैया 10:27

उखुन्‍हु इमिगु कु छिमिगु ब्‍वहलय् व इमिगु ककुसिँ छिमिगु गःपतं चीकाछ्वइ वय्‌कलं दासत्‍वया जुवा त्‍वःथुलादी अले थुकियात छिमिगु ब्‍वहलं चीकादी।

लेवी 21:10

“‘दकलय् तःधंम्‍ह पुजाहारी, छेनय् अभिषेकया चिकं लुइ धुंकूम्‍ह व पुजाहारीया वसः पुंकेत अलग तये धुंकूम्‍हय्‌सिनं दुखं च्‍वनीबलय् सँ मचिसे मच्‍वनेमाः अले थःगु वसः नं मखुइमाः।

लेवी 23:20

पुजाहारीं परमप्रभुया न्‍ह्यःने, न्‍हापांगु फलया मरिनापं संकाः बीगु बलिकथं निम्‍ह चिधिकःपिं भ्‍याःचायात संकाः छायेमाः। थ्‍व पुजाहारीया निंतिं परमप्रभुयात छाःगु पवित्र बलि जुइ।

लेवी 6:16

“‘ल्‍यं दुगु धाःसा हारून व वया काय्‌पिन्‍सं नइ। इमिसं थुकियात सोडा मतसे व नापलायेगु पालया चुकय् च्‍वनाः नयेमाः।

लेवी 6:18

अले सदांया निंतिं हारूनया मिजंपिं सन्‍तानतय्‌सं थ्‍व नयेमाः। परमप्रभुयात छायेहःगु अन्‍नबलितपाखें थ्‍व इमिगु पुस्‍तौं पुस्‍ताया लागिं इमिगु ब्‍व खः। मेपिं सुनानं विशेष देछा थिल धाःसा उकियागु पवित्रताया शक्तिं वयात हानि याइ।’”

लेवी 6:20

“हारून अभिषेक जू खुन्‍हु वं व वया काय्‌पिन्‍सं परमप्रभुयात छायेमाःगु बलि थुकथं दु – सुथय् बच्‍छि व बहनिइ बच्‍छि यानाः न्‍हिं छगू व बागू किलोग्राम भिंगु छुचुं अन्‍नबलिकथं न्‍ह्याबलें छायेमाः।

लेवी 6:26

बलि छाइम्‍ह पुजाहारीं हे थुकिया ला नइ। नापलायेगु पालया चुकय् च्‍वनाः हे थ्‍व नयेमाः।

लेवी 7:14

गुकिं छगू छगू यानाः परमप्रभुया निंतिं विशेष भेटीया लागिं व छायेमाः। सोडा तःगु मरि मेलबलिया हि छ्वाकिम्‍ह पुजाहारीया जुइमाः।

लेवी 7:28

परमप्रभुं मोशायात धयादिल,

लेवी 7:6

पुजाहारी जुइपिं न्‍ह्याम्‍ह काय्‌मस्‍तय्‌सं नं थ्‍व नयेफु। थ्‍व नापलायेगु पालया चुकय् च्‍वनाः नयेमाः। थ्‍व तसकं पवित्रगु खः।

लेवी 8:30

अले मोशां अभिषेकया भतिचा चिकं व वेदीं हि भतिचा कयाः हारून व वया वसतय् अले वया काय्‌पिं व इमिगु वसतय् नापं छ्वाकल। थथे वं हारून व वया काय्‌पिनिगु वसः नापं शुद्ध यानाबिल।

गन्‍ती 18:9

मिपाखें अलग यानातःगु तसकं पवित्रगु देछात छंगु हे जुइ। मनूतय्‌सं जितः छाय्‌हःगु तसकं पवित्रगु देछात अर्थात फुक्‍क अन्‍नबलि, पापबलि, व दोषबलिया व हे ब्‍व छ व छिमि काय्‌पिनिगु निंतिं जुइ।

गन्‍ती 5:9

इस्राएलीतय्‌सं पुजाहारीयाथाय् परमप्रभुयात देछाये हःगु फुक्‍क पवित्र वस्‍तु पुजाहारीयागु जुइ।

१ कोरिन्‍थी 9:13

देगलय् सेवा याइपिन्‍सं देगलय् हे नयेदइ, अले बलि बी थाय् सेवा याइपिन्‍सं नं बलिं थःगु ब्‍ब काये दइ धकाः छिमिसं सि हे स्‍यू।

व्‍यवस्‍था 12:11

अन हे परमप्रभु छिमि परमेश्‍वरं थःगु नां तयेत ल्‍ययादीगु थासय् छिमित जिं आज्ञा बियागु छिमिगु होमबलि, मेमेगु बलित, झिब्‍वय् छब्‍व, थः यःछि बलि अले छिमिसं परमेश्‍वरयात बी धकाः भाकल याःगु भिंगु भिंगु देछा हजि।

व्‍यवस्‍था 12:6

अन हे छिमिसं थःगु होमबलि, बलित, झिब्‍वय् छब्‍व, अले पवित्रगु देछा, भाकलया देछा व थः यःछि बलि अले सा द्वहं, फैच्‍वलय्‌या न्‍हापां बूम्‍ह मचा यंकेगु या।

व्‍यवस्‍था 18:1

लेवी पुजाहारीतय्‌त, धात्‍थें हे फुक्‍क लेवी कुलयात, मेपिं इस्राएलीतय्‌त थें बुँ दइ मखु। इपिं परमप्रभुयात छाःगु विशेष देछा नयाः म्‍वाइ। व हे इमिगु ब्‍व खः।

व्‍यवस्‍था 26:13

अनंलि परमप्रभु थः परमेश्‍वरयात थथे धा, “जिं थःगु छेँनं पवित्र ब्‍व लिकयाः छिगु आज्ञाकथं लेवीया सन्‍तान, परदेशी, मांबौ मदुपिं व भाःत सी धुंकूपिं मिसातय्‌त बियागु दु। छिगु आज्ञा जिं त्‍वःतागु मदु। अले ल्‍वःमंकागु मदु।

हिब्रू 1:9

छितः भिंगु ज्‍याखँ जक यः, अले मभिं ज्‍याखँ छितः मयः। अय्‌जूगुलिं हे खः, परमेश्‍वरं, छिम्‍ह हे परमेश्‍वरं, छितः ल्‍ययाः मेपिं फुक्‍कसित स्‍वयाः तःधंकाः लय्‌ताय्‌कादीगु।”

१ यूहन्‍ना 2:20

ख्रीष्‍टं छिमित पवित्र आत्‍मा बियादीगु दु, उकिं छिपिं थुपिं थें मखु। अय्‌जूगुलिं सत्‍य छु खः धयागु छिमिसं स्‍यू।

१ यूहन्‍ना 2:27

अय्‌नं ख्रीष्‍टं छिमिगु नुगलय् पवित्र आत्‍मायात तयादीगु दु, उकिं सुनानं छिमित स्‍यने माःगु मदु। पवित्र आत्‍मां छिमित फुक्‍कं स्‍यनादी। वय्‌कः सत्‍य खः, गुबलें मखुगु खँ ल्‍हानादी मखु। पवित्र आत्‍मां गथे स्‍यनादिल, अथे हे यानाः छिपिं ख्रीष्‍टनाप च्‍वनाच्‍वँ।