गन्‍ती 18:5 - नेवाः बाइबल

⁵ “छं हे पवित्र पाल व वेदीया रेखदेख यायेगु जिम्‍मा कायेमाः। गुकिं यानाः जिगु तं हाकनं इस्राएलीतय्‌त मलायेमा।

गन्‍ती 18:5 ပူးပေါင်းရင်းမြစ်များ

१ इतिहास 23:24

धलखय् परिवार परिवारकथं नां च्‍वयातःपिं लेवीया सन्‍तान थुपिं खः। इपिं थथःगु परिवारया नायःत खः। धलखय् च्‍वयातःपिं निइदँ व स्‍वयां च्‍वय्‌यापिं खः। इपिं परमप्रभुया देगलय् सेवा याइपिं खः।

१ इतिहास 23:32

थुकथं लेवीतय्‌सं नापलाय्‌गु पालया निंतिं, पवित्र थाय्‌या निंतिं व इमि थःथिति हारूनया सन्‍तानतय् अधीनय् च्‍वनाः परमप्रभुया देगःया सेवाया निंतिं थःपिन्‍सं यायेमाःगु ज्‍या याइगु।

१ इतिहास 24:5

एलाजार व ईतामार निम्‍हय्‌सिया सन्‍तानया दथुइ तःम्‍ह हे देगःया हाकिमत व परमेश्‍वरया हाकिमत दुगुलिं सुयागुं नं पँ मलीसें चिट्ठा तयाः इमित ब्‍यागलं तयाबिल।

१ इतिहास 9:19

कोरेया काय् शल्‍लूम, कोरे कोरह वंशयाम्‍ह एब्‍यासापया सन्‍तान खः। कोरह वंशयापिनिगु ज्‍या नापलायेगु पालया मू ध्‍वाखाय् पिवाच्‍वनेगु खः। इमि पुर्खापिन्‍सं नं अथे हे परमप्रभु च्‍वनादीगु पवित्र पालया ध्‍वाखाय् पिवाच्‍वनेगु ज्‍या याःगु खः।

१ इतिहास 9:23

नापालायेगु पालया ध्‍वाखाय् पिवाः च्‍वनेगु ज्‍या इमिगु व इमि सन्‍तानयागु खः।

१ इतिहास 9:33

म्‍ये हालीपिं व बाजं थाइपिं लेवीत गुपिं लेवीतय् परिवारया नायःत खः। इमिगु लागि अलग यानातःगु क्‍वथाय् च्‍वनीगु। इमिसं छुं नं ज्‍या याये म्‍वाः, छाय्‌धाःसा इमित चान्‍हय् नं न्‍हिनय् नं ज्‍या यायेत सःतिगु।

प्रस्‍थान 27:21

पवित्र पालय् बाचा चिनातःगु सनूया न्‍ह्यःने च्‍वंगु पर्दाया पिने हारून व वया काय्‌पिन्‍सं सन्‍ध्‍याकाः ई निसें सुथय् तक परमप्रभुया न्‍ह्यःने पाल्‍चा मदिक्‍क च्‍याकेमाः। थ्‍व उजं इस्राएली व वया सन्‍तानयात न्‍ह्याबलेंया निंतिं जुइमाः।”

यर्मिया 23:15

उकिं उपिं अगमवक्तातय्‌गु बारे दक्‍व शक्ति दुम्‍ह परमप्रभुं थथे धयादी, “जिं थःम्‍हं हे इमित खायुगु नसा नके अले त्‍वनेत बिख दुगु लः बी। छाय्‌धाःसा यरूशलेमयापिं अगमवक्तातय्‌सं यानाः देश न्‍यंकयापिं मनूत दुष्‍ट जूगु दु।”

इजकिएल 44:15

“‘तर सादोकया परिवारयापिं लेवीतय् सन्‍तान पुजाहारीतय्‌सं धाःसा इस्राएलीत जिपाखें फस्‍वया वंसां तबि जिगु पवित्र थासय् यायेमाःगु ज्‍या इमान्‍दार जुयाः याना हे च्‍वन। थुपिं धाःसा जिगु सेवा यायेत जिगु न्‍ह्यःने वयेगु यायेमा, अले जिगु न्‍ह्यःने दाः व हि छायेत वयेगु यायेमा, परमप्रभु परमेश्‍वरं धयादी।

इजकिएल 44:16

इपिं जक जिगु देगलय् दुहां वइ, अले जिगु न्‍ह्यःने सेवा यायेत जिगु टेबिलया न्‍ह्यःने वयाः इमिसं जिगु सेवा याइ।

लेवी 10:6

अले मोशां हारून व वया काय्‌पिं एलाजार व ईतामारयात धाल, “छिमिसं थःपिनिगु सँ भुलुसुलु दंका तये मते, अले लं खुइ मते। मखुसा छिपिं सी, अले फुक्‍क मनूतलिसे परमप्रभु तंम्‍वयादी। छिमि थःथितिपिं इस्राएलया फुक्‍क मनूत धाःसा परमप्रभुया मिं सीपिनिगु निंतिं ख्‍वयेमाली।

लेवी 24:3

पवित्र पालय् साक्षीया सनूया न्‍ह्यःने दुगु पर्दाया पिने, परमप्रभुया न्‍ह्यःने सन्‍ध्‍याकाः इलंनिसें सुथय् तक मदिक्‍क हारूनं मत च्‍याका तयेमाः। थ्‍व छिमि पुस्‍तौं पुस्‍ताया लागिं न्‍ह्याबलेंया नियम खः।

जकरिया 10:3

“जिगु तं फैजवाःतय्‌के लाइ। जिं नायःतय्‌त सजाँय बी। दक्‍व शक्ति दुम्‍ह परमप्रभुं थःगु बथां, यहूदाया घरानायात स्‍वयादी। अले वय्‌कलं इमित लडाइँलय् छम्‍ह घमण्‍डी सल थें यानादी।

गन्‍ती 1:50

उकिया पलेसा छं लेवीतय्‌त पवित्र पाल व उकी दुने च्‍वंगु फुक्‍क ज्‍वलंया जिम्‍मा ब्‍यु। छिमिसं थाय् हिलाजुइबलय् इमिसं पवित्र पाल व फुक्‍क ज्‍वलं क्‍वबीमाः। इमिसं व बांलाक स्‍वयेमाः, अले नापलायेगु पालया जवंखवं पाल ग्‍वयाः च्‍वनेमाः।

गन्‍ती 1:53

लेवीतय्‌सं हे नापलायेगु पालया रक्षा यायेमाः। अले जिगु तं इस्राएलया खलःयात मलायेमा धकाः लेवीतय्‌सं हे नापलायेगु पालया जवंखवं थःपिनिगु पाल ग्‍वयाः च्‍वनेमाः।”

गन्‍ती 16:46

मोशां हारूनयात धाल, “छिगु गुँगू थनेगु मकः कयादिसँ, अले उकी वेदीं मि तयाः गुँगू तयादिसँ, अले याकनं हे व खलःयाथाय् यंकाः इमित प्रायश्‍चित याकि, छाय्‌धाःसा परमप्रभुया तं च्‍याये धुंकूगु दु, महामारी शुरु जूगु दु।”

गन्‍ती 18:4

इमिसं छिमिगु क्‍वय् च्‍वनाः ज्‍या यायेमाः, अले नापलायेगु पालया ज्‍या यायेमाः। छिपिं दुथाय् मेपिं सुं नं मवयेमाः।

गन्‍ती 4:18

“लेवीतय् दथुं कहातीतय् वंश नाश जुइके बी मते।

गन्‍ती 8:19

फुक्‍क इस्राएलीतय्‌गु निंतिं जिं हारून व वया काय्‌पिनिगु निंतिं लेवीतय्‌त ल्‍ययागु दु। इमिसं नापलायेगु पालय् इस्राएलीतय्पाखें ज्‍या याइ, अले प्रायश्‍चित यायेत बलि बी। गुकिं यानाः पवित्र लागाया न्‍ह्यःने इपिं वनीबलय् इमित छुं नं विपत्ति मजुइमा।”

गन्‍ती 8:2

“हारूनयात धा, ‘छं न्‍हय्‌प्‍वाः मत तइबलय् त्‍वाःदेवाया न्‍ह्यःनेपाखे जः खइकथं ति।’”

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

१ तिमोथी 5:21

परमेश्‍वर, ख्रीष्‍ट येशू व ल्‍ययातःपिं स्‍वर्गदूततय्‌गु न्‍ह्यःने जिं छन्‍त थ्‍व खँ धयाच्‍वना। थथे ज्‍या यायेबलय् सुयागुं पँली मते, अले सुयागुं ख्‍वाः स्‍वये मते।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।