गन्‍ती 18:4 - नेवाः बाइबल

⁴ इमिसं छिमिगु क्‍वय् च्‍वनाः ज्‍या यायेमाः, अले नापलायेगु पालया ज्‍या यायेमाः। छिपिं दुथाय् मेपिं सुं नं मवयेमाः।

गन्‍ती 18:4 ပူးပေါင်းရင်းမြစ်များ

इजकिएल 44:14

अय्‌नं देगलय् यायेमाःगु ल्‍ह्वने ज्‍यायागु जिम्‍मा व अन अप्‍वः यानाः यायेमाःगु ज्‍यायागु जिम्‍मा जिं इमित हे बी।

गन्‍ती 1:51

थाय् हिलेबलय् लेवीतय्‌सं हे पवित्र पाल क्‍वकायेगु यायेमाः अले लेवीतय्‌सं हे व धस्‍वाकेगु यायेमाः। पवित्र पालयात न्‍ह्यःने वने मत्‍यःम्‍ह सुं वन धाःसा वयात स्‍यायेमाः।

गन्‍ती 1:53

लेवीतय्‌सं हे नापलायेगु पालया रक्षा यायेमाः। अले जिगु तं इस्राएलया खलःयात मलायेमा धकाः लेवीतय्‌सं हे नापलायेगु पालया जवंखवं थःपिनिगु पाल ग्‍वयाः च्‍वनेमाः।”

गन्‍ती 18:3

इमिसं छं धाःथें ज्‍या यायेमाः, अले नापलायेगु पालया ज्‍यायागु जिम्‍मा कायेमाः। तर इपिं पवित्र पालया सामान व वेदीया सतिक तक नं मवनेमाः, मखुसा इपिं नापं छिपिं नं सी।

गन्‍ती 18:5

“छं हे पवित्र पाल व वेदीया रेखदेख यायेगु जिम्‍मा कायेमाः। गुकिं यानाः जिगु तं हाकनं इस्राएलीतय्‌त मलायेमा।

गन्‍ती 3:10

छं हारून व वया काय्‌पिन्‍त पुजाहारी जुयाः सेवा यायेत ति। वने मत्‍यःपिं सुनानं नापलायेगु पालया सतिक वनेत स्‍वल धाःसा वयात स्‍यायेमाः।”

गन्‍ती 31:30

इस्राएलीतय्‌गु बच्‍छि ब्‍वपाखें मनूत, सा द्वहं, गधा, फै-च्‍वलय् व फुक्‍क पशुया नेय्‌म्‍हय् छम्‍ह कयाः परमप्रभुया नापलायेगु पाल स्‍वइपिं लेवीतय्‌त ब्‍यु।”

गन्‍ती 8:26

इमिसं नापलायेगु पालया ज्‍याय् थः दाजुकिजापिन्‍त ग्‍वाहालि बी फु, अय्‌नं छुं कथंयागु ज्‍या थःपिन्‍सं मयायेमा। अथे जुयाः लेवीतय्‌सं यायेमाःगु ज्‍याया बारे छं इमित थथे हे या।”

१ शमूएल 6:19

तर परमप्रभुं बेथ-शेमेशया छुं मनूत मध्‍ये न्‍हयेम्‍हय्‌सित स्‍यानादिल, छाय्‌धाःसा इमिसं परमप्रभुया सनू चाय्‌काः स्‍वःगु खः। परमप्रभुं थथे तःधंगु विपत्ति हयादीगुलिं इमिसं विलाप यात।