गन्‍ती 18:30 - नेवाः बाइबल

³⁰ “छं लेवीतय्‌त धाः, ‘छिमिसं दकलय् भिंगु ब्‍व छाल धाःसा व छिमिगु निंतिं खलाया अन्‍न व दाख तिस्‍सिगु सालं दाखमद्य थें ल्‍याः खाइ।

गन्‍ती 18:30 ပူးပေါင်းရင်းမြစ်များ

उत्‍पत्ति 43:11

अले इमि बौ इस्राएलं धाल, “अथे हे यायेमाः धयागु खःसा अथे हे या। व मनूयात थनया पायेगु वासः, भिंगु भिंगु कस्‍ति, मसला, मूर्र, पेस्‍ता व स्‍यांगुलि नं भचा भचा कोसेलि यंकि।

उत्‍पत्ति 50:10

यर्दन लिक्‍क च्‍वंगु आतादया छ्व पाइगु ख्‍यलय् थ्‍यंसेंलि इमिसं तसकं दुःख यानाः ख्‍वल। योसेफ अन थः बौया न्‍हय्‌न्‍हुया दुःखं च्‍वन।

प्रस्‍थान 29:27

“लिपतय् हारूनया अभिषेकयाम्‍ह भ्‍याःचाया ह्याकुला व खम्‍पा कयाः परमप्रभुया न्‍ह्यःने संकाबीगु बलिकथं संकि, थ्‍व छिमिगु हे ब्‍व जुइ।

मलाकी 1:8

दक्‍व शक्ति दुम्‍ह परमप्रभुं थथे धयादी – “छिमिसं कांपिं पशुत बां बीत हइ, छु व मज्‍यूगु ज्‍या, मखु ला? अले छिमिसं तुति खुत्‍यां काःपिं व ल्‍वगिपिं पशुत बां बीत हइ, छु व याये ज्‍यूगु ज्‍या खः ला? अज्‍याःम्‍ह पशु छिमि राज्‍यपालयात बिया स्‍व। छु व छिपिं खनाः लय्‌ताइ ला? छु वं व नाला काइ ला?”

गन्‍ती 18:29

छिमित ब्‍यूगु दकलय् भिंगु व पवित्र ब्‍व धाःसा देछाकथं परमप्रभुयात छायेमाः।’

गन्‍ती 18:31

छिपिं व छिमि छेँजःपिन्‍सं न्‍ह्यागु हे थासय् थुकिया ल्‍यं दुगु नयेफु, छाय्‌धाःसा नापलायेगु पालय् छिमिसं याइगु ज्‍याया निंतिं थ्‍व छिमिगु ज्‍याला खः।

मत्ती 6:33

न्‍हापां परमेश्‍वरयागु राज्‍य मा, वय्‌कलं धयादी थें च्‍वँ। अले वय्‌कलं छिमित माःगु फुक्‍क बियादी।

व्‍यवस्‍था 6:5

परमप्रभु झी परमेश्‍वरयात दुनुगलंनिसें माया या, थःगु प्राण बिया तकं माया या, अले थःगु बलं फत्तले माया या।