गन्‍ती 18:3 - नेवाः बाइबल

³ इमिसं छं धाःथें ज्‍या यायेमाः, अले नापलायेगु पालया ज्‍यायागु जिम्‍मा कायेमाः। तर इपिं पवित्र पालया सामान व वेदीया सतिक तक नं मवनेमाः, मखुसा इपिं नापं छिपिं नं सी।

गन्‍ती 18:3 ပူးပေါင်းရင်းမြစ်များ

इजकिएल 44:13

इपिं पुजाहारीत जिगु सेवा यायेत न्‍ह्यःने वये दइ मखु। इपिं जिगु छुं नं पवित्रगु खँ अथवा तच्‍वकं पवित्र भेटीया न्‍ह्यःने वये दइ मखु। थःम्‍हं याःगु घच्‍चाइपुगु ज्‍यायागु लज्‍या इमिसं भोगे याये हे माः।

गन्‍ती 1:51

थाय् हिलेबलय् लेवीतय्‌सं हे पवित्र पाल क्‍वकायेगु यायेमाः अले लेवीतय्‌सं हे व धस्‍वाकेगु यायेमाः। पवित्र पालयात न्‍ह्यःने वने मत्‍यःम्‍ह सुं वन धाःसा वयात स्‍यायेमाः।

गन्‍ती 1:53

लेवीतय्‌सं हे नापलायेगु पालया रक्षा यायेमाः। अले जिगु तं इस्राएलया खलःयात मलायेमा धकाः लेवीतय्‌सं हे नापलायेगु पालया जवंखवं थःपिनिगु पाल ग्‍वयाः च्‍वनेमाः।”

गन्‍ती 16:40

गथे परमप्रभुं मोशापाखें वयात धयादीगु खः। हारूनया सन्‍तान बाहेक मेम्‍ह सुं मनू गुँगू च्‍याकेत न्‍ह्यःने मवयेमा धकाः होशियार यायेत इस्राएलीतय्‌त थ्‍व फुक्‍क जूगु खः। मखुसा व नं कोरह व वया पुचः थें जुइ।

गन्‍ती 18:4

इमिसं छिमिगु क्‍वय् च्‍वनाः ज्‍या यायेमाः, अले नापलायेगु पालया ज्‍या यायेमाः। छिपिं दुथाय् मेपिं सुं नं मवयेमाः।

गन्‍ती 18:7

अय्‌नं छ व छिमि काय्‌पिन्‍सं जक वेदी व पवित्र पालया दुने वनाः पुजाहारीया ज्‍या याये फइ। जिं छिमित पुजाहारीया ज्‍या कोसेलिकथं बियागु दु। मेपिं सुं मनू अन वल धाःसा वयात स्‍यानाछ्वयेमाः।”

गन्‍ती 3:25

गेर्शोनीतय्‌त पवित्र पाल, उकिया इलां, पवित्र पालया लुखाया पर्दा,

गन्‍ती 3:31

इमित बाचाया सनू, तेबिल, त्‍वाःदेवा, गुँगू थनेगु वेदी व होमबलिया वेदी, महा-पवित्र न्‍ह्यःने दुगु पर्दा, अले पवित्र पालय् सेवा यायेत माःगु फुक्‍क ज्‍वलं, अले थ्‍व नापं स्‍वापु दुगु फुक्‍क सामान रेखदेख यायेगु जिम्‍मा बियातःगु खः।

गन्‍ती 3:36

मरारीतय्‌त पवित्र पालया सिँपौ, खगः, थां, लिधंसा व उकिया फुक्‍क हलंज्‍वलं,

गन्‍ती 31:30

इस्राएलीतय्‌गु बच्‍छि ब्‍वपाखें मनूत, सा द्वहं, गधा, फै-च्‍वलय् व फुक्‍क पशुया नेय्‌म्‍हय् छम्‍ह कयाः परमप्रभुया नापलायेगु पाल स्‍वइपिं लेवीतय्‌त ब्‍यु।”

गन्‍ती 4:15

“हारून व वया काय्‌पिन्‍सं पवित्र पालयागु फुक्‍क पवित्र ज्‍वलंत त्‍वपुइ धुंकाः छाउनी न्‍ह्याइबलय् जक कहातीत फुक्‍क ज्‍वलं क्‍वबीत पालया दुने दुहां वये दइ। कहातीतय्‌सं तसकं पवित्रगु ज्‍वलं थीमज्‍यू, मखुसा इपिं सी। पवित्र पालया फुक्‍क ज्‍वलं कहातीतय्‌सं क्‍वबीमाः।