गन्‍ती 18:24 - नेवाः बाइबल

²⁴ थुकिया पलेसा जिं लेवीतय्‌त इमिगु सर्बयकथं इस्राएलीतय्‌सं परमप्रभुयात छाःगु झिब्‍वय् छब्‍व बी। अथे जुयाः ‘इस्राएलीतय् दथुइ इमित सर्बय दइ मखु’ धकाः जिं इमिगु बारे धयागु दु।”

गन्‍ती 18:24 ပူးပေါင်းရင်းမြစ်များ

नहेम्‍याह 10:38

झिब्‍वय् छब्‍व मुंगु इलय् हारून वंशयापिं पुजाहारी छम्‍ह लेवीतनापं दइ। थुकथं मुंगु झिब्‍वय् छब्‍वयागु नं झिब्‍वय् छब्‍व लिकयाः उपिं लेवीतय्‌सं जिमि परमेश्‍वरया देगःया धुकुतिइ हयेगु याइ।

नहेम्‍याह 13:12

अबलय् सकल यहूदीतय्‌सं हानं अन्‍न, दाखमद्य व चिकंया झिब्‍वय् छब्‍व धुकुतिइ हल।

लेवी 27:30

“‘थुकथं बुँयागु अन्‍न व सिमाया फलयागु झिब्‍वय् छब्‍व परमप्रभुयागु हे खः अले व परमप्रभुया निंतिं पवित्र खः।

गन्‍ती 18:25

अले परमप्रभुं मोशायात धयादिल,

गन्‍ती 18:26

“लेवीतय्‌त धा, ‘जिं छिमिगु सर्बयया निंतिं इस्राएलीतय्‌सं बी हःगु झिब्‍वय् छब्‍व कयाः वपाखें नं छिमिसं परमप्रभुयात झिब्‍वय् छब्‍व देछाकथं छायेमाः।

गन्‍ती 26:62

लच्‍छि व लच्‍छिं च्‍वय्‌यापिं लेवी मिजंतय्‌गु ल्‍याः २३,००० म्‍ह दु। इमित मेपिं इस्राएलीतलिसें ल्‍याः मखा, छाय्‌धाःसा इमित इस्राएलीतय्‌गु दथुइ छुं सर्बय ब्‍यूगु मदु।

व्‍यवस्‍था 10:9

अथे जूगुलिं परमप्रभुं लेवीया सन्‍तानतय्‌त मेगु इस्राएली कुलतय्‌त थें ब्‍व व सर्बय बियामदी। परमप्रभु छिमि परमेश्‍वरं इमित धयादीगु थें परमप्रभु हे इमिगु सर्बय खः।)

व्‍यवस्‍था 26:12

स्‍वंगूगु दँय्, झिब्‍वय् छब्‍व बीगु दँय् छिमिसं थःगु फुक्‍क बालीया झिब्‍वय् छब्‍व छायेमाः। विशेष देछा छायेगु थ्‍व दँय् छिमिसं लेवीया सन्‍तानत, परदेशीत, मांबौ मदुपिं व भाःत सी धुंकूपिन्‍त झिब्‍वय् छब्‍व बीमाः। अले छिमिगु शहरय् इमिके नयेत गाक्‍क दइ।

यहोशू 13:14

तर वं लेवी कुलयात सर्बय् मब्‍यू, छाय्‌धाःसा वय्‌कःया बचंकथं परमप्रभु इस्राएलया परमेश्‍वरयात छाःगु विशेष देछा हे इमिगु सर्बय् खः।