गन्‍ती 18:20 - नेवाः बाइबल

²⁰ हानं परमप्रभुं हारूनयात धयादिल, “इस्राएलीतय् देशया जग्‍गा-जमिनय् छंगु सर्बय दइ मखु। इपिं नाप नापं छंगु छुं नं ब्‍व दइ मखु। इस्राएलीतय्‌गु दथुइ छंगु ब्‍व व सर्बय जि हे खः।

गन्‍ती 18:20 ပူးပေါင်းရင်းမြစ်များ

उत्‍पत्ति 15:1

थथे जूगुयां छुं ई लिपा परमप्रभुं अब्रामयात दर्शन बियाः थथे धयादिल, “ग्‍याये मते अब्राम। जिं छन्‍त बचय् याये। जिं छन्‍त तःधंगु सिरपाः बी।”

भजनसंग्रहया सफू 142:5

हे परमप्रभु, जिं छितः ख्‍वःसलं इनाप याये जिं धाये, “छि जिगु शरण कायेगु थाय् व म्‍वाःपिनिगु देशय् जिगु ब्‍व खः।”

भजनसंग्रहया सफू 16:5

परमप्रभु, छि हे जिगु सर्बय खः, जितः माःगु फुक्‍कं छिं बियादीगु दु। छिं जिगु भाग्‍य सुरक्षित तयादीगु दु।

भजनसंग्रहया सफू 73:26

जिगु म्‍ह व मन बमलाना वने फु तर जिगु शक्ति सदांया लागि परमेश्‍वर खः। अले वय्‌कः न्‍ह्याबलें जिम्‍ह खः।

विलाप 3:24

जिगु मनं धाल, “परमप्रभु हे जिगु सर्बय खः, अथे जुयाः जिं वय्‌कःयाके आशा यानाच्‍वना।”

इजकिएल 44:28

“‘पुजाहारीतय्‌त पुर्खातय्‌गु जमिन दइ मखु। इमिगु भागयागु जमिन जि हे खः। छिमिसं इस्राएलय् इमित छुं थःगु जमिन बी मज्‍यू, छाय्‌धाःसा जि हे इमिगु थःगु जमिनया भाग जुये।

गन्‍ती 18:7

अय्‌नं छ व छिमि काय्‌पिन्‍सं जक वेदी व पवित्र पालया दुने वनाः पुजाहारीया ज्‍या याये फइ। जिं छिमित पुजाहारीया ज्‍या कोसेलिकथं बियागु दु। मेपिं सुं मनू अन वल धाःसा वयात स्‍यानाछ्वयेमाः।”

गन्‍ती 26:62

लच्‍छि व लच्‍छिं च्‍वय्‌यापिं लेवी मिजंतय्‌गु ल्‍याः २३,००० म्‍ह दु। इमित मेपिं इस्राएलीतलिसें ल्‍याः मखा, छाय्‌धाःसा इमित इस्राएलीतय्‌गु दथुइ छुं सर्बय ब्‍यूगु मदु।

व्‍यवस्‍था 10:9

अथे जूगुलिं परमप्रभुं लेवीया सन्‍तानतय्‌त मेगु इस्राएली कुलतय्‌त थें ब्‍व व सर्बय बियामदी। परमप्रभु छिमि परमेश्‍वरं इमित धयादीगु थें परमप्रभु हे इमिगु सर्बय खः।)

व्‍यवस्‍था 12:12

अन हे छिमि काय् म्‍ह्याय्‌पिन्‍सं, च्‍यःभ्‍वातिंत व छिमि शहरय् च्‍वनाच्‍वंपिं थःगु ब्‍व व सर्बय मदुपिं लेवीया सन्‍तानतय्‌सं परमप्रभु छिमि परमेश्‍वरयागु न्‍ह्यःने लसता हँ।

व्‍यवस्‍था 14:27

छिमिगु शहरय् च्‍वनिपिं लेवीया सन्‍तानतय्‌त बांलाक बिचाः या, छाय्‌धाःसा इमिके थःगु ब्‍वः व सर्बय मदु।

व्‍यवस्‍था 14:29

अले छुं ब्‍व व सर्बय मदुपिं लेवीया सन्‍तानत, परदेशीत, मांबौ मदुपिं वा भाःत सी धुंकूपिं वयाः प्‍वाजाय्‌क नयेमा, अले परमप्रभु छिमि परमेश्‍वरं छिमिगु फुक्‍क ज्‍याय् छिमित सुवाः बियादीमा।

यहोशू 13:14

तर वं लेवी कुलयात सर्बय् मब्‍यू, छाय्‌धाःसा वय्‌कःया बचंकथं परमप्रभु इस्राएलया परमेश्‍वरयात छाःगु विशेष देछा हे इमिगु सर्बय् खः।

यहोशू 13:33

लेवी कुलयात धाःसा मोशां छुं नं सर्बय् मब्‍यू। वं इमित धाल, “परमप्रभु इस्राएलयाम्‍ह परमेश्‍वर हे वय्‌कःया बचंकथं इमिगु सर्बय् खः।”

यहोशू 14:3

मोशां निगू व बच्‍छि कुलयात न्‍हापा हे यर्दनया पुर्बय् लाःगु देश सर्बयकथं इनाबी धुंकूगु खः। लेवीया सन्‍तानतय्‌त धाःसा वं देशयागु छुं सर्बय् ब्‍यूगु मदु।

यहोशू 18:7

लेवी कुलतय्‌त धाःसा छिमिगु दथुइ छुं सर्बय् दइ मखु, छाय्‌धाःसा परमप्रभुं बियादीगु पुजाहारीया ज्‍या हे इमिगु सर्बय् खः। गाद, रूबेन व मनश्‍शेया बच्‍छि कुलयात यर्दनया पुर्बय् परमप्रभुया दास मोशां ब्‍यूगु इलाका दये धुंकूगु दु।”

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।