गन्‍ती 18:19 - नेवाः बाइबल

¹⁹ इस्राएलीतय्‌सं परमप्रभुयात देछाइगु पवित्र बलिपाखें अलग तयातःगु फुक्‍क ब्‍व जिं छ व छिमि काय् म्‍ह्याय्‌पिन्‍त दया हे च्‍वनीगु भागकथं बियागु दु। परमप्रभुया न्‍ह्यःने छ व छिमि सन्‍तानया लागिं थ्‍व लिपाथ्‍यंक दयाच्‍वनीगु चियागु बाचा खः।”

गन्‍ती 18:19 ပူးပေါင်းရင်းမြစ်များ

२ राजा 12:16

दोषबलि व शुद्ध जुइगु बलिं वःगु धिबा परमप्रभुया देगलय् हइ मखु, व पुजाहारीतय्‌गु हे जुइगु।

२ इतिहास 13:5

परमप्रभु, इस्राएलयाम्‍ह परमेश्‍वरं दाऊदनापं चि दुगु छगू बाचा चिनाः वयात व वया सन्‍तानतय्‌त इस्राएलया राज्‍य न्‍ह्याबलेंया लागि बियादीगु दु धकाः छिमिसं मस्‍यू ला?

२ इतिहास 31:4

पुजाहारीत व लेवीतय्‌सं परमप्रभुया व्‍यवस्‍थाया ज्‍या मन बियाः याये फयेमा धकाः जुजुं यरूशलेमय् च्‍वंपिं मनूतय्‌त पुजाहारीत व लेवीतय्‌त ल्‍यं दुगु भाग ब्‍यु धकाः आज्ञा बिल।

प्रस्‍थान 29:27

“लिपतय् हारूनया अभिषेकयाम्‍ह भ्‍याःचाया ह्याकुला व खम्‍पा कयाः परमप्रभुया न्‍ह्यःने संकाबीगु बलिकथं संकि, थ्‍व छिमिगु हे ब्‍व जुइ।

इजकिएल 43:24

छिमिसं इमित परमप्रभुया न्‍ह्यःने छा। पुजाहारीतय्‌सं इमिगु म्‍हय् चि ह्वलाः परमप्रभुया न्‍ह्यःने होमबलिकथं उपिं छायेमाः।

लेवी 2:13

छिमिसं छाःगु फुक्‍क अन्‍नबलिइ चि तयेमाः। परमप्रभुं छिपिंनाप सदांया लागिं चिनादीगु बाचाया चिं चि हे खः। थथे जूगुलिं न्‍ह्यागु हे बलिइ चि तये हे माः।

लेवी 21:22

पुजाहारीया सन्‍तान जूगुलिं वं थः परमेश्‍वरयात छायेहःगु विशेष देछा नये फइ।

लेवी 7:14

गुकिं छगू छगू यानाः परमप्रभुया निंतिं विशेष भेटीया लागिं व छायेमाः। सोडा तःगु मरि मेलबलिया हि छ्वाकिम्‍ह पुजाहारीया जुइमाः।

गन्‍ती 18:11

“थुपिं नं छंगु जुइ, इस्राएलीतय्‌सं जितः छायेहःगु फुक्‍क संकाबीगु बलितपाखें अलग यानातःगु बलि। जिं थुकियात छ व छिमि काय् म्‍ह्याय्‌पिन्‍त न्‍ह्याबलेंया भागकथं बियागु दु। विधिकथं शुद्ध जूपिं छं छेँजःपिं फुक्‍कसिनं थ्‍व नये फइ।

गन्‍ती 18:8

हाकनं परमप्रभुं हारूनयात धयादिल, “इस्राएलीतय्‌सं जितः छायेहःगु फुक्‍क पवित्र देछा जिं छंगु जिम्‍माय् बियागु दु। छ पुजाहारी जुयाः ज्‍या याःगुलिं उपिं देछा छ व छिमि काय्‌पिन्‍त न्‍ह्याबलेंया भागकथं अलग यानागु दु।

गन्‍ती 31:29

इमिगु बच्‍छि ब्‍व पाखेंयागु थ्‍व कर कयाः परमप्रभुया भागकथं पुजाहारी एलाजारयात ब्‍यु।

गन्‍ती 31:41

परमप्रभुं मोशायात उजं बियादी थें परमप्रभुया देछाया कर मोशां एलाजार पुजाहारीयात बिल।

व्‍यवस्‍था 12:26

अय्‌नं छिमिसं देछा व भाकलयागु देछा कयाः परमप्रभुं ल्‍ययादीगु थासय् हुँ।

व्‍यवस्‍था 12:6

अन हे छिमिसं थःगु होमबलि, बलित, झिब्‍वय् छब्‍व, अले पवित्रगु देछा, भाकलया देछा व थः यःछि बलि अले सा द्वहं, फैच्‍वलय्‌या न्‍हापां बूम्‍ह मचा यंकेगु या।