गन्‍ती 18:11 - नेवाः बाइबल

¹¹ “थुपिं नं छंगु जुइ, इस्राएलीतय्‌सं जितः छायेहःगु फुक्‍क संकाबीगु बलितपाखें अलग यानातःगु बलि। जिं थुकियात छ व छिमि काय् म्‍ह्याय्‌पिन्‍त न्‍ह्याबलेंया भागकथं बियागु दु। विधिकथं शुद्ध जूपिं छं छेँजःपिं फुक्‍कसिनं थ्‍व नये फइ।

गन्‍ती 18:11 ပူးပေါင်းရင်းမြစ်များ

लेवी 10:14

संकाबीगु बलिया व ह्याकुला विशेष भेटी खम्‍पा धाःसा छ, छिमि काय्‌पिं व म्‍ह्याय्‌पिन्‍सं विधिकथं शुद्ध याःगु थासय् च्‍वनाः नयेमाः। छाय्‌धाःसा थ्‍व इस्राएलीतय्‌गु मेलबलिया पाखेंयागु छिमिगु ब्‍व खः।

लेवी 7:14

गुकिं छगू छगू यानाः परमप्रभुया निंतिं विशेष भेटीया लागिं व छायेमाः। सोडा तःगु मरि मेलबलिया हि छ्वाकिम्‍ह पुजाहारीया जुइमाः।

गन्‍ती 18:1

परमप्रभुं हारूनयात धयादिल, “पवित्र लागाय् जुइगु अपराधया जिम्‍मा छंगु, छिमि काय्‌पिनिगु व छिमि परिवारयागु जुइ। पुजाहारीया ज्‍या लिसे स्‍वापु दुगु ज्‍याखँयागु जिम्‍मा जक छंगु व छिमि काय्‌पिनिगु जुइ।

गन्‍ती 18:10

थ्‍व तसकं पवित्रगु ब्‍वकथं छं व न। फुक्‍क मिजंतय्‌सं व नयेमाः। थुकियात छं पवित्र ताय्‌केमाः।

गन्‍ती 18:19

इस्राएलीतय्‌सं परमप्रभुयात देछाइगु पवित्र बलिपाखें अलग तयातःगु फुक्‍क ब्‍व जिं छ व छिमि काय् म्‍ह्याय्‌पिन्‍त दया हे च्‍वनीगु भागकथं बियागु दु। परमप्रभुया न्‍ह्यःने छ व छिमि सन्‍तानया लागिं थ्‍व लिपाथ्‍यंक दयाच्‍वनीगु चियागु बाचा खः।”

गन्‍ती 18:8

हाकनं परमप्रभुं हारूनयात धयादिल, “इस्राएलीतय्‌सं जितः छायेहःगु फुक्‍क पवित्र देछा जिं छंगु जिम्‍माय् बियागु दु। छ पुजाहारी जुयाः ज्‍या याःगुलिं उपिं देछा छ व छिमि काय्‌पिन्‍त न्‍ह्याबलेंया भागकथं अलग यानागु दु।

व्‍यवस्‍था 18:3

सा द्वहं वा फैच्‍वलय् बां बीबलय् मनूतय्‌सं पुजाहारीतय्‌त ब्‍वहः, निपां न्‍यताः अले आतापुति बीमाः। पुजाहारीतय्‌गु ब्‍व थ्‍व हे खः।