गन्‍ती 18:10 - नेवाः बाइबल

¹⁰ थ्‍व तसकं पवित्रगु ब्‍वकथं छं व न। फुक्‍क मिजंतय्‌सं व नयेमाः। थुकियात छं पवित्र ताय्‌केमाः।

गन्‍ती 18:10 ပူးပေါင်းရင်းမြစ်များ

इजकिएल 42:13

अले वं जितः धाल, “देगःया चुकपाखे स्‍वःगु उत्तर व दच्‍छिनयागु क्‍वथात धाःसा पुजाहारीया क्‍वथात खः, अन मनूतय्‌सं छाःगु दकलय् पवित्र भेटीत परमप्रभुया न्‍ह्यःने वनीपिं पुजाहारीतय्‌सं नयेगु याइ। अन इमिसं दकलय् पवित्र भेटीत, अन्‍नबलि, शुद्ध जुइगु बलि व दोषबलि तइ, छाय्‌धाःसा व थाय् पवित्र खः।

लेवी 10:13

छिमिसं थ्‍व नापलायेगु पालया चुकय् च्‍वनाः न। छाय्‌धाःसा परमप्रभुया निंतिं छाःगु विशेष देछातपाखें थ्‍व छंगु व छिमि काय्‌पिनिगु ब्‍व खः। जितः थथे हे उजं ब्‍यूगु खः।

लेवी 10:17

“छिमिसं छाय् पापबलि नापलायेगु पालया चुकय् मनयागु? व तसकं पवित्रगु खः। परमप्रभुं थ्‍व खलःया दोष हुयाछ्वयेगु निंतिं अले मनूतय्‌त शुद्ध यायेगु निंतिं परमप्रभुया न्‍ह्यःने प्रायश्‍चित यायेत छिमित बियादीगु खः।

लेवी 14:13

अले वं पापबलि व होमबलि स्‍याइगु पवित्र इलाकाय् चिधिकःम्‍ह भ्‍याःचायात स्‍यायेमाः। छाय्‌धाःसा पापबलि पुजाहारीया जू थें दोषबलि नं वयागु हे जुइ। अले व तसकं पवित्र खः।

लेवी 21:22

पुजाहारीया सन्‍तान जूगुलिं वं थः परमेश्‍वरयात छायेहःगु विशेष देछा नये फइ।

लेवी 6:16

“‘ल्‍यं दुगु धाःसा हारून व वया काय्‌पिन्‍सं नइ। इमिसं थुकियात सोडा मतसे व नापलायेगु पालया चुकय् च्‍वनाः नयेमाः।

लेवी 6:18

अले सदांया निंतिं हारूनया मिजंपिं सन्‍तानतय्‌सं थ्‍व नयेमाः। परमप्रभुयात छायेहःगु अन्‍नबलितपाखें थ्‍व इमिगु पुस्‍तौं पुस्‍ताया लागिं इमिगु ब्‍व खः। मेपिं सुनानं विशेष देछा थिल धाःसा उकियागु पवित्रताया शक्तिं वयात हानि याइ।’”

लेवी 6:26

बलि छाइम्‍ह पुजाहारीं हे थुकिया ला नइ। नापलायेगु पालया चुकय् च्‍वनाः हे थ्‍व नयेमाः।

लेवी 6:29

पुजाहारी जुइपिं न्‍ह्याम्‍ह काय्‌मस्‍तय्‌सं नं थ्‍व नयेफु। थ्‍व तसकं पवित्र खः।

लेवी 7:6

पुजाहारी जुइपिं न्‍ह्याम्‍ह काय्‌मस्‍तय्‌सं नं थ्‍व नयेफु। थ्‍व नापलायेगु पालया चुकय् च्‍वनाः नयेमाः। थ्‍व तसकं पवित्रगु खः।

गन्‍ती 18:11

“थुपिं नं छंगु जुइ, इस्राएलीतय्‌सं जितः छायेहःगु फुक्‍क संकाबीगु बलितपाखें अलग यानातःगु बलि। जिं थुकियात छ व छिमि काय् म्‍ह्याय्‌पिन्‍त न्‍ह्याबलेंया भागकथं बियागु दु। विधिकथं शुद्ध जूपिं छं छेँजःपिं फुक्‍कसिनं थ्‍व नये फइ।

गन्‍ती 18:9

मिपाखें अलग यानातःगु तसकं पवित्रगु देछात छंगु हे जुइ। मनूतय्‌सं जितः छाय्‌हःगु तसकं पवित्रगु देछात अर्थात फुक्‍क अन्‍नबलि, पापबलि, व दोषबलिया व हे ब्‍व छ व छिमि काय्‌पिनिगु निंतिं जुइ।