गन्‍ती 17:8 - नेवाः बाइबल

⁸ कन्‍हय् खुन्‍हु मोशा महा-पवित्र थासय् दुहां वन। अले लेवीया कुलया निंतिं तयातःगु हारूनया कथिं चुलि पिहां वःगु खन। उलि जक मखु, मुखू पिहां वयाः स्‍वां ह्वयाच्‍वंगु अले मर्स्‍याबरां नं सःगु जुल।

गन्‍ती 17:8 ပူးပေါင်းရင်းမြစ်များ

उत्‍पत्ति 40:10

व दाखमाय् स्‍वकचा दु। उकी बुँ ह्वयेवं स्‍वां नं ह्वयावल, अले ज्‍वाँय्‌ज्‍वाँय् दाख सयाः पाकय् नं जुल।

भजनसंग्रहया सफू 110:2

परमप्रभुं छिगु बल्‍लाःगु राज्‍य यरूशलेमं तःधं यानादी। छि छिकपिनि शत्रुतय् जुजु जुयादी।

श्रेष्‍ठगीत 2:3

गुँया सिमात मध्‍ये स्‍याउया सिमा थें मिजंतय् दथुइ जिमि यःम्‍ह प्रिय तसकं बांलाः। जि वया किचलय् तसकं लय्‌तायाच्‍वने, अले उकिया फलया सवाः तसकं सा।

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

इजकिएल 17:24

गुँयागु फुक्‍क सिमातय्‌सं तःमागु सिमायात चीमागु याइम्‍ह, चीमागु सिमायात तःमागु याइम्‍ह, वाउँगु सिमायात गंकाबीम्‍ह अले गंगु सिमायात वाउँकाबीम्‍ह जि परमप्रभु हे खः धकाः गुँयागु फुक्‍क सिमातय्‌सं सी। “‘जि परमप्रभुं हे धयागु खः, व जिं या हे याये।’”

इजकिएल 19:12

तर तंम्‍वय् उकियात लिनाकाल। उकियात बँय् वांछ्वयाबिल। पुर्बयागु क्‍वाःगु फसं उकियात गंकाबिल, उकिया फुक्‍क फल कुतुंवन। उकियागु बल्‍लाःगु कचात फुक्‍क गन, मिं उपिं भस्‍म जुल।

इजकिएल 19:14

उकिया मू कचात मध्‍ये छपु कचां मि पिहां वल, अले उकिं उकिया फलत व कचात भस्‍म यानाबिल। आः उकी शासकया राजदण्‍ड यायेत ज्‍यूगु छपु नं कचा मन्‍त।’ “थ्‍व छपु बिलापया म्‍ये खः अले मनूतय्‌सं इपिं गुलि दुःखी जूगु खः धकाः क्‍यनेत थ्‍व म्‍ये हालाच्‍वनी।”

गन्‍ती 16:5

अले वं कोरह व वयागु फुक्‍क पुचःयात थथे धाल, “कन्‍हय् सुथय् वय्‌कःयाम्‍ह सु खः, पवित्रम्‍ह सु खः, अले वय्‌कःया न्‍ह्यःने वनेत्‍यःम्‍ह सु खः धकाः परमप्रभुं हे क्‍यनादी। थम्‍हं ल्‍ययादीम्‍हय्‌सित वय्‌कलं थःगु न्‍ह्यःने वय्‌केबी।

गन्‍ती 17:5

जिं ल्‍ययातःम्‍हय्‌सिगु कथिं चुलि पिहां वइ। थथे इस्राएलीतय्‌सं छंगु विरोधय् याना हे च्‍वनीगु कचकच मदय्‌काछ्वये।”

गन्‍ती 17:9

अनंलि मोशां उपिं कथि परमप्रभुया न्‍ह्यःनं कयाः इस्राएलीतय्‌थाय् हल। अले इमिसं स्‍वयाः थथःगु कथि काल।

हिब्रू 9:4

थन लुँयागु गुँगू थनेगु वेदी व लुं भुनातःगु बाचा चिनादीगु सनू दु। व सनू दुने लुँयागु थलय् मन्‍न तयातःगु दु, अले चुलि ह्वयाच्‍वंगु हारूनयागु तुतां छपु, व व्‍यवस्‍था च्‍वयातःगु ल्‍वहं पौ निपाः तयातःगु दु।