गन्‍ती 17:7 - नेवाः बाइबल

⁷ मोशां उपिं कथि कयाः महा-पवित्र थासय् बाचाया सनूया न्‍ह्यःने तयाबिल।

गन्‍ती 17:7 ပူးပေါင်းရင်းမြစ်များ

प्रस्‍थान 38:21

बजलेलं वँचुगु, प्‍याजीगु व ह्याउँगु रंगयागु सुति कापतय् बुत्ता भरय् यायेसःम्‍ह व थायेसःम्‍ह ओहोलीआबयात नापं कयाः ज्‍या सिधय्‌कल। इपिं निम्‍ह जानाः परमप्रभुं मोशापाखें बियादीगु उजं पूवंकल। मोशां हारून पुजाहारीया काय् ईतामारयात नापलायेगु पालय् छ्यःगु लुँ, वहः व कँय्‌या ल्‍याःचा तयेगु जिम्‍मा बिल।

गन्‍ती 1:50

उकिया पलेसा छं लेवीतय्‌त पवित्र पाल व उकी दुने च्‍वंगु फुक्‍क ज्‍वलंया जिम्‍मा ब्‍यु। छिमिसं थाय् हिलाजुइबलय् इमिसं पवित्र पाल व फुक्‍क ज्‍वलं क्‍वबीमाः। इमिसं व बांलाक स्‍वयेमाः, अले नापलायेगु पालया जवंखवं पाल ग्‍वयाः च्‍वनेमाः।

गन्‍ती 1:53

लेवीतय्‌सं हे नापलायेगु पालया रक्षा यायेमाः। अले जिगु तं इस्राएलया खलःयात मलायेमा धकाः लेवीतय्‌सं हे नापलायेगु पालया जवंखवं थःपिनिगु पाल ग्‍वयाः च्‍वनेमाः।”

गन्‍ती 14:10

अय्‌नं थ्‍व न्‍यनाः फुक्‍क खलः इमित ल्‍वहँतं कय्‌कि धकाः हाला हल। अबलय् हे परमप्रभुया महिमा पवित्र पालय् फुक्‍क इस्राएलीतय्‌थाय् खनेदत।

गन्‍ती 17:4

जिं छनापं नापलायेगु महा-पवित्र थासय् बाचाया सनूया न्‍ह्यःने उपिं तयाब्‍यु।

गन्‍ती 17:6

अले मोशां इस्राएलीतय्‌त थ्‍व खँ न्‍यंकल। इमि नायःतय्‌सं थथःपिनि कुलकथं छम्‍ह छम्‍ह नायःया निंतिं छपु छपु यानाः झिंनिपु कथि वयात बिल। हारूनया कथि नं इमिगु कथिया दथुइ दु।

गन्‍ती 18:2

छ व छिमि काय्‌पिन्‍सं नापलायेगु पालय् सेवा याः वनीबलय् छिमि लेवी कुलयापिं थःथितिपिन्‍त नं थःनापं ब्‍वनाहयेगु या। इमिसं छिमिगु ज्‍याय् ग्‍वाहालि बी।

गन्‍ती 9:15

गुखुन्‍हु साक्षीया पाल धकाः धाइगु पवित्र पाल धकस्‍वाकल उखुन्‍हु उकियात सुपाँचं वयाः त्‍वपुल। सन्‍ध्‍याकाः इलंनिसें सुथय् तक पवित्र पालया च्‍वय्‌यागु थ्‍व सुपाँय् मि थें खनेदत।

प्रेरित 7:44

“मरुभूमिइ झी तापाःबाज्‍यापिनिगु नापलाय्‌गु पाल दु। मोशानापं खँ ल्‍हाना दीम्‍हय्‌सिनं धयादीकथं व नमूना क्‍यनादीगुकथं वं थ्‍व पाल दय्‌का थकूगु खः।