गन्‍ती 17:10 - नेवाः बाइबल

¹⁰ परमप्रभुं मोशायात धयादिल, “विरोध याःपिनिगु निंतिं चिं थहरय् जुइत हारूनया कथियात बाचा चिनातःगु सनूया न्‍ह्यःने हानं यंका ति। अले जिगु विरोधय् याःगु इमिगु कचकचयात छं दिकाब्‍यु, मखुसा इपिं सिनावनी।”

गन्‍ती 17:10 ပူးပေါင်းရင်းမြစ်များ

भजनसंग्रहया सफू 57:4

जि मनू नइपिं सिंह थज्‍याःपिं शत्रुतय्‌गु दथुइ च्‍वंच्‍वनागु दु। थुमिगु वा भाला व वाण थें च्‍वं। थुमिगु मे ज्‍वःगु तरवार थें च्‍वं।

प्रस्‍थान 16:32

मोशां धाल, “परमप्रभुं आज्ञा बियादीगु दु, ‘छिमित मिश्रं पित हयाबलय् मरुभूमिइ गज्‍याःगु नसा नकागु खः, लिपा वइपिं पुस्‍तातय्‌सं नं खनेमा धकाः इमिगु निंतिं छगू ओमेर कयाः तयाति।’”

प्रस्‍थान 16:34

अले परमप्रभुं मोशायात आज्ञा बियादीगुकथं हारूनं बाचाया सनूया न्‍ह्यःने दयाच्‍वनेमा धकाः मन्‍न तल।

यशैया 1:2

हे आकाश, न्‍यँ! हे पृथ्‍वी, बांलाक ध्‍यान बियाः न्‍यँ! छाय्‌धाःसा परमप्रभुं थथे धयादीगु दु, “जिं थःकाय् म्‍ह्याय्‌पिन्‍त सुसाःकुसाः यानाः ब्‍वलंका, अय्‌नं इपिं जिराहा जुयाः जिगु विरोधय् विद्रोह यात।

होशे 10:9

परमप्रभुं धयादी, “अय् इस्राएल, गिबाय् पाप याःबलय् निसें छं आः तक नं जिगु विरोधय् पाप यायेगु मत्‍वःतूनी। दुष्‍ट ज्‍या याइपिनिगु विरोधय् लडाइँनं छु गिबाय् इमित नाप मलाइ ला?

गन्‍ती 14:5

मोशा व हारून इस्राएलया फुक्‍क खलःया न्‍ह्यःने क्‍वपुसां पुल।

गन्‍ती 16:21

“थ्‍व खलःपाखें थःपिन्‍त अलग ति, जिं थुमित पलखं हे सिधय्‌काछ्वये।”

गन्‍ती 16:38

पाप यानाः थःगु हे प्राणयात स्‍यंकूपिनिगु गुँगू थनेगु मकःतय्‌त मुगलं दादां वेदीइ हिनेगु पाता दय्‌कि। छाय्‌धाःसा उपिं परमप्रभुया न्‍ह्यःने देछाःगु जुयाः पबित्रगु खः। उपिं पाता धाःसा इस्राएलीतय्‌गु निंतिं चिं जुइमा।”

गन्‍ती 16:40

गथे परमप्रभुं मोशापाखें वयात धयादीगु खः। हारूनया सन्‍तान बाहेक मेम्‍ह सुं मनू गुँगू च्‍याकेत न्‍ह्यःने मवयेमा धकाः होशियार यायेत इस्राएलीतय्‌त थ्‍व फुक्‍क जूगु खः। मखुसा व नं कोरह व वया पुचः थें जुइ।

गन्‍ती 17:11

परमप्रभुं उजं बियादीगु थें मोशां फुक्‍क यात।

गन्‍ती 17:4

जिं छनापं नापलायेगु महा-पवित्र थासय् बाचाया सनूया न्‍ह्यःने उपिं तयाब्‍यु।

गन्‍ती 17:9

अनंलि मोशां उपिं कथि परमप्रभुया न्‍ह्यःनं कयाः इस्राएलीतय्‌थाय् हल। अले इमिसं स्‍वयाः थथःगु कथि काल।

गन्‍ती 20:9

अले परमप्रभुं उजं बियादीगु थें मोशां वय्‌कःया न्‍ह्यःनं कथि काल।

गन्‍ती 4:18

“लेवीतय् दथुं कहातीतय् वंश नाश जुइके बी मते।

१ कोरिन्‍थी 10:10

इमिसं थें झीसं नं प्रभु नाप कचकच याये मज्‍यू। इमिसं अथे कचकच याःगुलिं इमित नाश याइम्‍ह दूत छ्वयाहयाः स्‍यानादिल।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

व्‍यवस्‍था 9:24

जिं छिमित म्‍हस्‍यूबलय्‌निसें हे न्‍ह्याबलें छिमिसं परमप्रभुया विरोध याःगु दु।

व्‍यवस्‍था 9:7

मरुभूमिइ छिमिसं गथे यानाः परमप्रभु छिमि परमेश्‍वरयात तं चाय्‌कागु खः, व खँ लुमंकि, अले गुबलें ल्‍वःमंके मते। छिपिं मिश्र त्‍वःता वःगु दिंनिसें थन थ्‍यंकः वःगु दिं तक छिमिसं परमप्रभुयागु विरोध याना हे च्‍वंगु दु।

हिब्रू 9:4

थन लुँयागु गुँगू थनेगु वेदी व लुं भुनातःगु बाचा चिनादीगु सनू दु। व सनू दुने लुँयागु थलय् मन्‍न तयातःगु दु, अले चुलि ह्वयाच्‍वंगु हारूनयागु तुतां छपु, व व्‍यवस्‍था च्‍वयातःगु ल्‍वहं पौ निपाः तयातःगु दु।

१ शमूएल 2:12

एलीया काय्‌पिं लुच्‍चात खः, इमिसं परमप्रभुयात वास्‍ता मयाः।

१ शमूएल 30:22

तर दाऊदनापं वंपिं गुलिखय् लुच्‍चापिं व खलबल याइपिं मनूतय्‌सं वयात थथे धकाः मभिंकल, “थुपिं मनूत झीनापं वःगु मदु। झीसं लिफ्‍याना हयागु मालताल जिमिसं इमित छुं नं बी मखु। इमिसं थथःम्‍ह कलाः व काय्‌म्‍ह्याय् जक यंकीमा।”