गन्‍ती 16:48 - नेवाः बाइबल

⁴⁸ व सिनावनेधुंकूपिं व म्‍वानाच्‍वंपिं मनूतय्‌गु दथुइ दन, अले महामारी दित।

गन्‍ती 16:48 ပူးပေါင်းရင်းမြစ်များ

२ शमूएल 24:25

अन वं परमप्रभुया निंतिं छगू वेदी दय्‌काः होमबलि व मेलबलि छाल। परमप्रभुं देशया निंतिं वं याःगु प्रार्थना न्‍यनादिल अले इस्राएलय् जूगु महामारी दित।

भजनसंग्रहया सफू 106:30

अय्‌नं पीनहासं दनाः अपराधीयात सजाँय बिल। उकिं महामारी दित।

गन्‍ती 16:18

अले कन्‍हय् खुन्‍हु, इपिं छम्‍ह छम्‍हय्‌सिनं थथःगु गुँगू थनेगु मकः कयाः उकी मि च्‍याकाः गुँगू तल। अले इपिं मोशा व हारून नापं नापलायेगु पालया ध्‍वाखाय् दनाच्‍वन।

गन्‍ती 16:35

अले परमप्रभुया थासं मि पिहां वयाः गुँगू देछाःपिं निसः व नेय्‌म्‍ह मनूतय्‌त भस्‍म यानाबिल।

गन्‍ती 16:47

अले मोशां धाःथें हारून गुँगू थनेगु मकः ज्‍वनाः मुनाच्‍वंपिं मनूतय् दथुइ ब्‍वाँय् वन। महामारी वये धुंकूगुलिं वं गुँगू छायाः मनूतय्‌गु निंतिं प्रायश्‍चित यात।

गन्‍ती 16:49

कोरह नापं जानाः सीपिं त्‍वःता उबलय् महामारीं सीपिं झिंप्‍यद्वः व न्‍हय्‌सःम्‍ह (१४,७००) मनूत दु।

यूहन्‍ना 5:14

लिपा येशूं वयात देगलय् नाप लानाः धयादिल – “स्‍व, छंगु ल्‍वय् लाये धुंकल। आवंनिसें पाप याये मते, अले छन्‍त छुं नं जुइ मखु।”

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।