गन्‍ती 16:40 - नेवाः बाइबल

⁴⁰ गथे परमप्रभुं मोशापाखें वयात धयादीगु खः। हारूनया सन्‍तान बाहेक मेम्‍ह सुं मनू गुँगू च्‍याकेत न्‍ह्यःने मवयेमा धकाः होशियार यायेत इस्राएलीतय्‌त थ्‍व फुक्‍क जूगु खः। मखुसा व नं कोरह व वया पुचः थें जुइ।

गन्‍ती 16:40 ပူးပေါင်းရင်းမြစ်များ

एज्रा 2:62

थुपिं मनूतय्‌सं पुर्खातय्‌गु धलखय् थःगु नां माल अय्‌नं लुइके मफुत। उकिं इपिं अशुद्ध ठहरय् जुयाः इमित पुजाहारीया ज्‍यां लिकाल।

भजनसंग्रहया सफू 115:10

अय् हारूनया घराना, छिमिसं परमप्रभुयाके भरोसा ति, वय्‌कलं छिमित ग्‍वाहालि बियादी अले रक्षा यानादी।

इजकिएल 40:46

अले उत्तरपाखे स्‍वःगु क्‍वथा धाःसा वेदीइ व देगलय् सेवा याइपिं पुजाहारीतय्‌गु निंतिं खः। थुपिं सादोकया काय्‌पिं खः, लेवीतय् सन्‍तान मध्‍ये उपिं जक परमप्रभुया न्‍ह्यःने सेवा यायेत वय्‌कःया लिक्‍क वयेफु।”

इजकिएल 43:19

छिमिसं जिगु न्‍ह्यःने सेवा यायेत वइपिं सादोकया परिवारया लेवीतय् सन्‍तान पुजाहारीतय्‌त शुद्ध जुइगु बलिया निंतिं छम्‍ह द्वहंचा बीमाः, परमप्रभु परमेश्‍वरं धयादी।

लेवी 22:10

“‘पुजाहारी परिवारया मखुम्‍ह मनुखं पवित्र वस्‍तु मनयेमा। व पुजाहारीया पाहां जूसां वा ज्‍यालाय् ज्‍या याइम्‍ह मनू जूसां वं पवित्र वस्‍तु मनयेमा।

गन्‍ती 1:51

थाय् हिलेबलय् लेवीतय्‌सं हे पवित्र पाल क्‍वकायेगु यायेमाः अले लेवीतय्‌सं हे व धस्‍वाकेगु यायेमाः। पवित्र पालयात न्‍ह्यःने वने मत्‍यःम्‍ह सुं वन धाःसा वयात स्‍यायेमाः।

गन्‍ती 16:39

एलाजार पुजाहारीं उपिं भस्‍म जूपिं मनूतय्‌सं देछाःगु कँय्‌यागु गुँगू थनेगु मकः काल, अले उपिं वेदीइ तयेत मुगलं दायाः पाता दय्‌कल,

गन्‍ती 3:10

छं हारून व वया काय्‌पिन्‍त पुजाहारी जुयाः सेवा यायेत ति। वने मत्‍यःपिं सुनानं नापलायेगु पालया सतिक वनेत स्‍वल धाःसा वयात स्‍यायेमाः।”

गन्‍ती 3:38

मोशा, हारून व वया काय्‌पिन्‍सं पुर्बपाखे नापलायेगु पालया लिक्‍क थःगु पाल ग्‍वयेमाः। इमित इस्राएलीतय्‌गु निंतिं नापलायेगु पालया बिचाः यायेगु जिम्‍मा ब्‍यूगु खः। वने मत्‍यःपिं सुं उकिया सतिक वंसा वयात स्‍यायेमाः।

हिब्रू 5:4

सुं मनू थथःम्‍हं दकलय् तःधंम्‍ह पुजाहारी जुइ मखु। हारूनयात परमेश्‍वरं दकलय् तःधंम्‍ह पुजाहारी यानादी थें तुं मेपिन्‍त नं वय्‌कलं हे दकलय् तःधंम्‍ह पुजाहारी ल्‍ययादी।

यहोशू 4:7

इमित थथे धा, ‘परमप्रभुया बाचा चिनादीगु सनू खुसि छ्यूबलय् उकिया न्‍ह्यःने यर्दनय् लः दीगु खः। थुपिं ल्‍वहंतय्‌सं इस्राएली मनूतय्‌त थन छु जूगु खः धयागु खँ न्‍ह्याबलेंया लागिं लुमंकाबी।’”

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।