गन्‍ती 16:35 - नेवाः बाइबल

³⁵ अले परमप्रभुया थासं मि पिहां वयाः गुँगू देछाःपिं निसः व नेय्‌म्‍ह मनूतय्‌त भस्‍म यानाबिल।

गन्‍ती 16:35 ပူးပေါင်းရင်းမြစ်များ

भजनसंग्रहया सफू 106:18

इमिगु पुचलय् ह्वानाह्वाना मि च्‍यात, मिजलां दुष्‍टतय्‌त छ्वय्‌काबिल।

भजनसंग्रहया सफू 50:3

झी परमेश्‍वर झाइतिनि, अले वय्‌कः सुम्‍क च्‍वनादी मखु, वय्‌कःया न्‍ह्यःने भस्‍म याइगु मि दु, अले वय्‌कःया छचाःखेरं ग्‍यानापुगु ग्‍वःफय् दु।

इजकिएल 8:11

अन मूर्तितय्‌गु न्‍ह्यःने इस्राएलयापिं न्‍हयेम्‍ह धर्मगुरुत दनाच्‍वंगु दु। शापानया काय् याजन्‍याह नं इमिगु दथुइ दनाच्‍वंगु दु। थुपिं सकलें धर्म गुरुतय्‌गु ल्‍हातय् छगः छगः गुँगू मकः दु। गुँगूया मकलं गुँगूया नस्‍वाःगु कुँत्‍याः च्‍वय् थाहां वयाच्‍वंगु दु।

लेवी 10:2

उकिं परमप्रभुयापाखें मि पिहां वयाः इमित परमप्रभुया न्‍ह्यःने स्‍यानाबिल।

गन्‍ती 14:37

मोशां चिवा कायेत छ्वःबलय् वया मभिंगु सुचं ब्‍यूपिं मनूत परमप्रभुया न्‍ह्यःने महामारीं कयाः सित।

गन्‍ती 16:17

छिपिं फुक्‍कसिनं थथःगु गुँगू थनेगु मकः कयाः उकी गुँगू ति, अले फुक्‍कसिनं थथःगु गुँगू थनेगु मकः ज्‍वनाः वा। निसः व नेय्‌गू गुँगू थनेगु मकः परमप्रभुया न्‍ह्यःने हजि। हारून व छं नं थथःगु गुँगू थनेगु मकः हजि।”

गन्‍ती 16:2

खलःया नांजाःपिं निसः व नेय्‌म्‍ह (२५०) इस्राएली नायःत नापं जानाः मोशाया विरोधय् दन।

गन्‍ती 16:34

अन दुपिं मनूतय्‌सं इपिं चिल्‍लाय् दनाहाःगु सः न्‍यनाः “पृथ्‍वीं झीत नं घुर्का छ्वइ” धकाः धाधां बिस्‍युं वन।

गन्‍ती 16:36

परमप्रभुं मोशायात धयादिल,

गन्‍ती 16:49

कोरह नापं जानाः सीपिं त्‍वःता उबलय् महामारीं सीपिं झिंप्‍यद्वः व न्‍हय्‌सःम्‍ह (१४,७००) मनूत दु।

गन्‍ती 26:10

पृथ्‍वीं थःगु म्‍हुतु चाय्‌काः इमित कोरह नापं हे नुनाछ्वःगु खः। कोरहया पुचःयापिं २५० म्‍ह मनूतय्‌त नं मिं नाश यात। अथे जुयाः इपिं छगू छुमां जुल।

गन्‍ती 3:4

नादाब व अबीहू धाःसा सीनैया मरुभूमिइ परमप्रभुयात छाये मत्‍यःगु मि छाःबलय् अन हे सित। इमि काय्‌मस्‍त नं मदुगुलिं एलाजार व ईतामारं जक थः बौ हारून म्‍वानाच्‍वंतले पुजाहारी जुयाः सेवा यात।

प्रकाश 11:5

सुनानं इमित सास्‍ती यायेत वल धाःसा इमिगु म्‍हुतुं मि पिहां वयाः इमि शत्रुतय्‌त नाश यानाबी। सुं मनू इमित स्‍यंकेत वल धाःसा वयात नं अथे हे यानाः स्‍यानाबी।