गन्‍ती 16:34 - नेवाः बाइबल

³⁴ अन दुपिं मनूतय्‌सं इपिं चिल्‍लाय् दनाहाःगु सः न्‍यनाः “पृथ्‍वीं झीत नं घुर्का छ्वइ” धकाः धाधां बिस्‍युं वन।

गन्‍ती 16:34 ပူးပေါင်းရင်းမြစ်များ

यशैया 33:3

छि तसकं हाःगु सः तायाः मनूत बिस्‍युं वनी। छि दनादीबलय् जाति जातित छ्यालब्‍याल जुइ।

जकरिया 14:5

छिपिं जिगु पहाडया गाः जुयाः बिस्‍युं वनी छाय्‌धाःसा व गाः आसेल तक थ्‍यनी। यहूदायाम्‍ह जुजु उज्‍जियाहया पालय् भुखाय् ब्‍वःबलय् मनूत बिस्‍युं वं थें छिपिं बिस्‍युं वनी। अबलय् परमप्रभु जिमि परमेश्‍वर थः पवित्रम्‍हनापं झाइ।

गन्‍ती 16:33

इपिं थःगु फुक्‍क सामान नापं म्‍वाःम्‍वाकं हे पातालय् क्‍वहां वन। पृथ्‍वीं इमित त्‍वपुल। इपिं खलःया दथुं नाश जुल।

गन्‍ती 16:35

अले परमप्रभुया थासं मि पिहां वयाः गुँगू देछाःपिं निसः व नेय्‌म्‍ह मनूतय्‌त भस्‍म यानाबिल।