गन्‍ती 16:21 - नेवाः बाइबल

²¹ “थ्‍व खलःपाखें थःपिन्‍त अलग ति, जिं थुमित पलखं हे सिधय्‌काछ्वये।”

गन्‍ती 16:21 ပူးပေါင်းရင်းမြစ်များ

उत्‍पत्ति 19:13

छाय्‌धाःसा जिमिसं थ्‍व शहरयात नाश यायेत्‍यनागु दु। थनच्‍वंपिं मनूतय्‌गु बारे परमप्रभुं यक्‍व हे मभिंगु खँ न्‍यने धुंकल। उकिं वय्‌कलं जिमित थ्‍व शहरयात नाश यायेत छ्वयाहयादीगु खः।”

उत्‍पत्ति 19:14

अले लोतं पिने वनाः थः म्‍ह्याय्‌पिंलिसे ब्‍याहा याइपिं मनूतय्‌त धाल, “याकनं थ्‍व थाय् त्‍वःताः पिहां हुँ। परमप्रभुं थ्‍व शहरयात नाश यानादीत्‍यंगु दु।” वया जिलाजं जुइपिन्‍सं धाःसा वं ख्‍याः याःगु जुइ धकाः च्‍वन।

भजनसंग्रहया सफू 73:19

इपिं मिखा पीमलावं नाश जुयावनी। इपिं ग्‍यानापुक्‍क हे नाश जुयावनी।

प्रस्‍थान 32:10

आः जितः पने मते, छाय्‌धाःसा जिगु तं मि थें च्‍यानाच्‍वंगु दु। जिं इमित भस्‍म यानाछ्वये। अले छपाखें हे जिं तःधंगु जाति दय्‌के।”

प्रस्‍थान 32:12

छिं इमित पर्वतय् स्‍यानाः थ्‍व पृथ्‍वीं इमिगु नां हे हुयाछ्वयेगु मभिंगु बिचालं पित यंकादीगु खः धकाः मिश्रीतय्‌त छाय् धाय्‌के बियेगु? छिगु व मि थें च्‍याःगु तंयात शान्‍त यानादिसँ। अले थःगु मन हिकाः थः मनूतय्‌त नाश जुइगुपाखें बचय् यानादिसँ।

प्रस्‍थान 33:5

छाय्‌धाःसा परमप्रभुं मोशायात धयादीगु दु, “इस्राएलीतय्‌त धा, ‘छिपिं जिराहा मनूत खः। जि पलख जक छिमिगु दथुइ वःसा जिं छिमित भस्‍म यानाबी। आः छिमिसं थथःगु तिसा त्‍वः, अले छिमित छु यायेमाः जिं बिचाः याये।’”

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यर्मिया 5:16

इमिगु वाण तयेगु थल चाःगु चिहान थें च्‍वँ, उपिं सकलें बहादुर सिपाइँत खः।

गन्‍ती 14:12

जिं इमित महामारीं स्‍यानाबी। अले जिं छंगुपाखें इपिं स्‍वयाः तःधंगु व बल्‍लाःगु जाति दय्‌के।”

गन्‍ती 14:15

छिं छम्‍ह हे म्‍वाका मतसे थुपिं फुक्‍क खलःयात स्‍यानादिल धाःसा छिगु खँ न्‍यनातःपिं जातितय्‌सं थथे धकाः खँ ल्‍हाइ,

गन्‍ती 16:20

परमप्रभुं मोशा व हारूनयात धयादिल,

गन्‍ती 16:45

“छिपिं थ्‍व खलःपाखें चिला हुँ, अले जिं थुमित पलखं हे भस्‍म याये।” अले मोशा व हारून बँय् भ्‍वपुल।

गन्‍ती 17:10

परमप्रभुं मोशायात धयादिल, “विरोध याःपिनिगु निंतिं चिं थहरय् जुइत हारूनया कथियात बाचा चिनातःगु सनूया न्‍ह्यःने हानं यंका ति। अले जिगु विरोधय् याःगु इमिगु कचकचयात छं दिकाब्‍यु, मखुसा इपिं सिनावनी।”

प्रेरित 2:40

मेमेगु नं यक्‍व दसि बियाः वं इमित होश यानाच्‍वनेत धाल – “थौंकन्‍हय्‌यापिं मनूतपाखें बचय् जुयाच्‍वँ।”

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

प्रकाश 18:4

अले जिं स्‍वर्गं थथे धयाहःगु मेगु सः ताल – “जि यःपिं मनूत, वयाथासं पिहां वा। मवल धाःसा छिमिसं नं व नाप व्‍यभिचार याइ। वलिसे पाप याये मते, मखुसा छिमिसं वलिसे तुं सजाँय फयेमाली।