गन्‍ती 16:19 - नेवाः बाइबल

¹⁹ कोरहं फुक्‍क खलःयात इमिगु विरोधय् नापलायेगु पालया ध्‍वाखाय् मुंकल। उबलय् परमप्रभुया महिमा फुक्‍क खलःयाथाय् खनेदत।

गन्‍ती 16:19 ပူးပေါင်းရင်းမြစ်များ

प्रस्‍थान 16:10

हारूनं इस्राएलया फुक्‍क खलःयात थथे धयाच्‍वंबलय् इमिसं मरुभूमिपाखे स्‍वल। अन सुपाँचय् परमप्रभुया महिमा खने दयाच्‍वन।

प्रस्‍थान 16:7

अले सुथय् छिमिसं परमप्रभुया महिमा खनी, छाय्‌धाःसा परमप्रभुयागु विरोधय् छिमिसं याःगु कचकच वय्‌कलं न्‍यनादीगु दु। जिपिं सु खः धकाः छिमिसं जिमित कचकच यायेत?”

लेवी 9:23

अनंलि मोशा व हारून पवित्र पाल दुने दुहां वन, अले पिहां वयाः मनूतय्‌त आशिष बिल। अले परमप्रभुया महिमा फुक्‍क मनूतय्‌गु न्‍ह्यःने खनेदत।

लेवी 9:6

मोशां धाल, “परमप्रभुं उजं बियादीगु छिमिसं यायेमाःगु ज्‍या थ्‍व हे खः गुकिं यानाः परमप्रभुया महिमा छिमिथाय् खनेदइ।”

गन्‍ती 12:5

अले परमप्रभु सुपाँय्‌या थामय् कुहां झाल, अले नापलायेगु पालया ध्‍वाखाय् दनाः हारून व मिरियमयात सःतादिल। इपिं निम्‍हं न्‍ह्यःने वन।

गन्‍ती 14:10

अय्‌नं थ्‍व न्‍यनाः फुक्‍क खलः इमित ल्‍वहँतं कय्‌कि धकाः हाला हल। अबलय् हे परमप्रभुया महिमा पवित्र पालय् फुक्‍क इस्राएलीतय्‌थाय् खनेदत।

गन्‍ती 16:18

अले कन्‍हय् खुन्‍हु, इपिं छम्‍ह छम्‍हय्‌सिनं थथःगु गुँगू थनेगु मकः कयाः उकी मि च्‍याकाः गुँगू तल। अले इपिं मोशा व हारून नापं नापलायेगु पालया ध्‍वाखाय् दनाच्‍वन।

गन्‍ती 16:20

परमप्रभुं मोशा व हारूनयात धयादिल,

गन्‍ती 16:42

खलकं मोशा व हारूनया विरोधय् मुनाः नापलायेगु पालपाखे स्‍वःबलय् आकाझाकां उकियात सुपाचं त्‍वपुल, अले परमप्रभुयागु महिमा खनेदत।

गन्‍ती 20:2

खलःया निंतिं अन लः मदु। अले मोशा व हारूनया विरोधय् मनूत मुन।

गन्‍ती 20:6

मोशा व हारून मूंपिं मनूतय्‌गु न्‍ह्यःनं नापलायेगु पालया ध्‍वाखाय् वनाः बँय् थ्‍यंक क्‍वछुनाः भ्‍वपुल। अन परमप्रभुया महिमा इमिथाय् खनेदत।