गन्‍ती 16:18 - नेवाः बाइबल

¹⁸ अले कन्‍हय् खुन्‍हु, इपिं छम्‍ह छम्‍हय्‌सिनं थथःगु गुँगू थनेगु मकः कयाः उकी मि च्‍याकाः गुँगू तल। अले इपिं मोशा व हारून नापं नापलायेगु पालया ध्‍वाखाय् दनाच्‍वन।

गन्‍ती 16:18 ပူးပေါင်းရင်းမြစ်များ

२ इतिहास 26:16

तर उज्‍जियाह बल्‍लायेधुंकाः वयागु घमण्‍डं वयात नाश यात। वं गुँगू थनेगु वेदीइ गुँगू थनेत परमप्रभुया देगलय् दुहां वनाः परमप्रभु थः परमेश्‍वरया विरोधय् अपराध यात।

लेवी 16:12

वं परमप्रभुया न्‍ह्यःने च्‍वंगु वेदीं जायेक मि च्‍याकातःगु मकः व निपा ल्‍हातिं जायेक नस्‍वाः वःगु विशेष धुपाँय्‌चुं कयाः महा-पवित्र थासय् दुने यंकेमाः।

लेवी 16:13

वं परमप्रभुया न्‍ह्यःने मिइ धुपाँय्‌चुं तयेमाः। थुकिया कुं साक्षीया सनूया च्‍वय्‌च्‍वंगु प्रायश्‍चितया कृपा-आसनयात त्‍वपुइमाः, मखुसा व सी।

गन्‍ती 16:17

छिपिं फुक्‍कसिनं थथःगु गुँगू थनेगु मकः कयाः उकी गुँगू ति, अले फुक्‍कसिनं थथःगु गुँगू थनेगु मकः ज्‍वनाः वा। निसः व नेय्‌गू गुँगू थनेगु मकः परमप्रभुया न्‍ह्यःने हजि। हारून व छं नं थथःगु गुँगू थनेगु मकः हजि।”

गन्‍ती 16:19

कोरहं फुक्‍क खलःयात इमिगु विरोधय् नापलायेगु पालया ध्‍वाखाय् मुंकल। उबलय् परमप्रभुया महिमा फुक्‍क खलःयाथाय् खनेदत।

गन्‍ती 16:37

“हारून पुजाहारीया काय् एलाजारयात मिच्‍याःगु थासं गुँगू थनेगु मकःत लिका अले हेंग्‍वाःयात भचा तापाक्‍क यंकाः थुखे उखे ह्वलाब्‍यु धकाः धा। छाय्‌धाःसा उपिं गुँगू थनेगु मकःत पवित्रगु खः।

गन्‍ती 16:48

व सिनावनेधुंकूपिं व म्‍वानाच्‍वंपिं मनूतय्‌गु दथुइ दन, अले महामारी दित।