गन्‍ती 16:14 - नेवाः बाइबल

¹⁴ छिं जिमित दुरु व कस्‍ति बाः वयाच्‍वंगु देशय् हयादीगु मदु। अले जिमिगु अधिकारय् बुँ व दाखया क्‍यब नं बियादीगु मदु। छु! छितः थुपिं मनूतय्‌त दासतय्‌त थें व्‍यवहार याये मास्‍ति वः ला? जिपिं वये हे मखु।”

गन्‍ती 16:14 ပူးပေါင်းရင်းမြစ်များ

प्रस्‍थान 22:5

“सुनानं थः पशुयात त्‍वःताछ्वःबलय् उम्‍ह पशु मेपिनिगु बुँइ वा दाखक्‍यबय् न वन धाःसा व मनुखं थःगु बुँ वा दाखक्‍यबया दक्‍व भिंगु बालिं उकिया पलेसा पुलेमाः।

प्रस्‍थान 23:10

“खुदँ तक थःगु बुँइ पुसा ह्वलाः उकियागु बाली मुँ।

प्रस्‍थान 23:11

अले न्‍हय्‌दँय् दिपाः कयाः छुं नं पी मते। अन अथें बुयावःगु छिमिथाय् च्‍वंपिं चीमिपिं मनूतय्‌सं नइ। इमिसं नयाः ल्‍यं दुगु गुँपशुतय्‌सं नइ। छिमिसं थःपिनिगु दाखया क्‍यब व जैतूनया ख्‍यःयात नं अथे हे या।

प्रस्‍थान 3:17

अले जिं छिमित मिश्रीतय्‌सं याःगु दुःखं लिगनाः दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् यंकेत क्‍वःछिनागु दु।’

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

लेवी 20:24

तर जिं छिमित धयागु दु, “छिमिसं इमिगु देश त्‍याकाः काइ, छाय्‌धाःसा थ्‍व देश जिं छिमित सर्बयकथं बी। जिं थःम्‍हं हे दुरु व कस्‍ति बाः वयाच्‍वंगु थ्‍व देशयात छिमित बी।” जि छिमित मेगु जातितपाखें अलग तइम्‍ह परमप्रभु छिमि परमेश्‍वर खः।

गन्‍ती 13:27

इमिसं मोशायात कन, “छिं जिमित छ्वयादीगु देशय् जिपिं वना। धात्‍थें हे अन दुरु व कस्‍ति बाः वयाच्‍वंगु जुयाच्‍वन, अले अनयागु फलफुल थ्‍व हे खः।

गन्‍ती 14:8

परमप्रभु झीपिंलिसे लय्‌ताःसा वय्‌कलं झीत व देशय् यंकादी, अले व दुरु व कस्‍ति बाः वयाच्‍वंगु देश झीत बियादी।

गन्‍ती 20:5

छाय् जिमित मिश्रं थ्‍व ग्‍यानपुसे च्‍वंगु थासय् हयादियागु? थ्‍व थासय् अन्‍न, यःमरिसि, दाख व धालेसि छुं नं मदु। थन त्‍वनेगु लः नं मदु।”

न्‍यायकर्ता 16:21

पलिश्‍तीतय्‌सं वयात ज्‍वनाः वयागु मिखा लिकयाबिल। इमिसं वयात गाजाय् यंकल। अन इमिसं वयात कँय्‌यागु सिखलं चिनाः झ्‍यालखानाय् घःक्‍यलेगु ज्‍या याकल।

१ शमूएल 11:2

तर नाहाशं इमित लिसः बिल, “छगू हे जक खँय् जिं छिपिंनापं सन्‍धि याये। जिं छिपिं मध्‍ये फुक्‍क मनूतय्‌गु जवय् च्‍वंगु मिखा लिकयाबी अले थुकिं यानाः फुक्‍क इस्राएलीतय्‌गु बेइज्‍जत जुइ।”