गन्‍ती 15:4 - नेवाः बाइबल

⁴ बलि छाइम्‍हय्‌सिनं छगू हीनया प्‍यब्‍वय् छब्‍व जैतूनया चिकं ल्‍वाकछ्यानातःगु छगू एपाया झिब्‍वय् छब्‍व भिंगु छुचुंया अन्‍नबलि परमप्रभुयात छायेमाः।

गन्‍ती 15:4 ပူးပေါင်းရင်းမြစ်များ

एज्रा 7:17

थ्‍व धिबां द्वहंत, भ्‍याःचात, चिधिकःपिं भ्‍याःचात अले उपिंनापं अन्‍नबलि व त्‍वँसा-बलिया सामान न्‍या, अले उमित यरूशलेमय् दुगु छिमि परमेश्‍वरया देगःया वेदीइ बलि छा।

प्रस्‍थान 29:40

छम्‍ह चिधिकःम्‍ह भ्‍याःचानापं भिंगु छगू हीनया प्‍यब्‍वय् छब्‍व जैतूनया चिकनय् न्‍हायातःगु एपाया झिब्‍वय् छब्‍व भिंगु छुचुं अले त्‍वँसाबलिया निंतिं छगू हीनया प्‍यब्‍वय् छब्‍व दाखमद्य छा।

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

इजकिएल 46:14

वनापं सुथ पतिकं अन्‍नबलि एपाया खुब्‍वय् छब्‍व व छुचुंनापं ल्‍वाकछ्यायेत हीनया स्‍वब्‍वय् छब्‍व चिकं बीमाः। परमप्रभुयात थ्‍व अन्‍नबलि छायेगु न्‍ह्याबलेंयागु विधि खः।

लेवी 1:13

वं बलि बीहःम्‍ह पशुयागु आतापुति भ्‍वरि व तुतियात लखं सिलेमाः। अले पुजाहारीं फुक्‍क यंकाः वेदीइ छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 14:10

“च्‍यान्‍हु दुखुन्‍हु वं खू मदुपिं दच्‍छि दुपिं निम्‍ह चिधिकःपिं भ्‍याःचात व छम्‍ह मिसाम्‍ह चिधिकःम्‍ह फैचा, अन्‍नबलिया निंतिं जैतूनया चिकनय् बुलातःगु भिंगु छुचुं छगू एपाया झिब्‍वय् स्‍वब्‍व व छगू लिटरया स्‍वब्‍वय् छब्‍व चिकं हयेमाः।

लेवी 2:1

“‘सुनानं परमप्रभुया निंतिं अन्‍नबलि छाःसा भिंगु छुचुं हयेमाः। उकी जैतूनया चिकं प्‍वंकाः धुपाँय्‌ तयेमाः।

लेवी 2:15

उकी चिकं व धुपाँय्‌ तयेमाः। व अन्‍नबलि जुइ।

लेवी 23:13

थुकिया नापं परमप्रभुया निंतिं अन्‍नबलिकथं छिमिसं चिकनय् न्‍हायातःगु छगू एपाया झिब्‍वय् निब्‍व भिंगु छुचुं नस्‍वाःया लागिं परमप्रभुया निंतिं विशेष देछाकथं छाये हयेमाः। थ्‍व नापं छगू लिटर दाखमद्य नं छायेमाः।

लेवी 3:7

थःगु बलि चिधिकःम्‍ह भ्‍याःचा छायेगु खःसा वं वयात परमप्रभुया न्‍ह्यःने छायेमाः।

लेवी 6:14

“‘अन्‍नबलि छायेगु विधि थथे खः – हारूनया काय्‌पिन्‍सं थुकियात परमप्रभुया न्‍ह्यःने वेदीइ हयेमाः।

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

गन्‍ती 28:12

छम्‍ह छम्‍ह द्वहंचानापं माःगु अन्‍नबलि थ्‍व जुइमाः – चिकं ल्‍वाकछ्यानातःगु छगू एपाया झिब्‍वय् स्‍वब्‍व भिंगु छुचुं। भ्‍याःचानापं माःगु अन्‍नबलि थ्‍व जुइमाः, चिकं ल्‍वाकछ्यानातःगु छगू एपाया झिब्‍वय् निब्‍व भिंगु छुचुं

गन्‍ती 28:4

छम्‍ह भ्‍याःचा सुथय् अले मेम्‍ह सन्‍ध्‍याकाः इलय् छायेमाः।

गन्‍ती 29:6

थुपिं न्‍हियान्‍हिथंया व अमाइ खुन्‍हुया होमबलि व उकियागु अन्‍नबलि व त्‍वँसाबलि बाहेक जुइमाः। थ्‍व परमप्रभुया निंतिं यःगु नस्‍वाःगु विशेष देछा खः।

गन्‍ती 7:13

वयागु देछा थथे दु – पवित्र पालया शेकेलकथं सच्‍छि व स्‍विगू शेकेल वहःयागु छपा भु, न्‍हयेगू शेकेल वहःयागु छगः छ्वाकेगु बाता– थुपिं निगुलिं अन्‍नबलिया निंतिं चिकं ल्‍वाकछ्यानातःगु भिंगु छुचुनं जाःगु खः,

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

हिब्रू 13:16

मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।

न्‍यायकर्ता 9:9

“तर जैतूनया सिमां लिसः बिल, ‘द्यःतय्‌त व मनूतय्‌त हनाबना बीगु थःगु मू वंगु चिकंयात त्‍वःताः छु जि सिमातय् जुजु जुयेगु ला?’