गन्‍ती 15:29 - नेवाः बाइबल

²⁹ इस्राएली जूसां इपिं नाप च्‍वनाच्‍वंम्‍ह मेगु जातियाम्‍ह मनू जूसां फुक्‍कसितं मसीकं मचाय्‌कं याःगु मभिंगु ज्‍याया निंतिं छगू हे नियम जुइ।

गन्‍ती 15:29 ပူးပေါင်းရင်းမြစ်များ

१ राजा 8:41

“छिकपिनि प्रजा इस्राएली मखुम्‍ह सुं परदेशी छिगु नां न्‍यनाः तापाःगु देशं वइबलय्,

प्रस्‍थान 12:49

नियम धाःसा अन हे च्‍वंपिं व पिनें वयाच्‍वंपिं निखलःयात नं छगू हे जुइ।”

लेवी 16:29

“थ्‍व छिमिगु निंतिं न्‍ह्याबलेंया नियम खः। दँय्‌दसं न्‍हय्‌गूगु लाया झिन्‍हु खुन्‍हु छिमिसं छुं नये मते। अले छुं ज्‍या मयासें च्‍वनेमाः। थथे छिपिंनापं दुपिं पिनेयापिं मनूतय्‌सं नं यायेमाः।

लेवी 17:15

“‘सुं इस्राएली वा परदेशी मनुखं सुं थःगु कालं स्‍यूम्‍ह वा जंगली पशुं स्‍याःम्‍ह पशुया ला नल धाःसा वं थःगु वसः हीमाः, लखं म्‍ह छम्‍हं म्‍वःल्‍हुइमाः अले सन्‍ध्‍याकाः ईतक व अशुद्ध जुइ। अनं लिपा व शुद्ध जुइ।

लेवी 4:2

“इस्राएलीतय्‌त थथे धा, ‘परमप्रभुं याये मते धयादीगु ज्‍याखँ मसीकं सुनानं पाप यात धाःसा वं थथे यायेमाः,

गन्‍ती 15:15

छिमिगु व छिपिंनापं च्‍वनाच्‍वंपिं मेगु जातियापिं मनूतय्‌गु लागिं खलःया सदां सदांया नियम छगू हे जुइमाः। परमप्रभुया न्‍ह्यःने छिपिं व मेगु जातियापिं मनूत उथें खः।

गन्‍ती 15:28

व मसीकं मचाय्‌कं व पाप ज्‍या याःम्‍ह मनूया प्रायश्‍चितया निंतिं पुजाहारीं परमप्रभुया न्‍ह्यःने प्रायश्‍चित यायेमाः, अले वयात क्षमा दइ।

गन्‍ती 15:30

“‘इस्राएली वा मेगु जातियाम्‍ह मनू न्‍ह्याम्‍हय्‌सिनं जूसां सीकं चायेकं पापयात धाःसा वं परमप्रभुयात हेला याःगु खः। वयात वया मनूतपाखें पितिना छ्वयेमाः।

गन्‍ती 9:14

“‘छिमिगु दथुइ च्‍वनिपिं परदेशीं परमप्रभुया छुत्‍काराया नखः हने मास्‍ति वय्‌कूसा उकियागु नियम व विधिकथं हनेमाः। नियम धाःसा अन हे बूपिं व पिनं वयाच्‍वंपिनिगु निंतिं छगू हे जुइ।’”

लूका 12:48

मसीकं मचाय्‌कं स्‍यंकूम्‍ह च्‍यःयात भचा जक सजाँय बी। यक्‍व बिया तःम्‍हय्‌सिके यक्‍व हे काइ, यक्‍व कयातःम्‍हय्‌सिनं यक्‍व हे बी माली।”

यहोशू 8:33

इस्राएलीतय्‌त सुवाः बीमा धकाः परमप्रभुया दास मोशां न्‍हापा हे उजं ब्‍यू थें परदेशी, स्‍वदेशी, सकल इस्राएली, इमि नायःत, हाकिमत व न्‍याय याइपिंनापं परमप्रभुयागु बाचा चिनादीगु सनू क्‍वबिपिं लेवी पुजाहारीतय्‌गु न्‍ह्यःने सनूया निखेपाखे बच्‍छि एबाल डाँडाया लिक्‍क व मेपिं बच्‍छि गीरीज्‍जीम डाँडाया लिक्‍क दन।