गन्‍ती 15:24 - नेवाः बाइबल

²⁴ अले खलकं मसीकं मचायेकं व मभिंगु ज्‍या याःगु जूसा, फुक्‍क खलकं परमप्रभुयात यःगु नस्‍वाःकथं होमबलिया निंतिं छम्‍ह द्वहंचा, उकिया अन्‍नबलि व त्‍वँसाबलि नापं विधिकथं छायेमाः। अले नापं पापबलिया निंतिं छम्‍ह दुगु नं छायेमाः।

गन्‍ती 15:24 ပူးပေါင်းရင်းမြစ်များ

एज्रा 6:17

थ्‍व नखःबलय् इमिसं सछिम्‍ह (१००) द्वहं, निसःम्‍ह (२००) भ्‍याःचा, प्‍यसःम्‍ह (४००) चिधिकःपिं भ्‍याःचा व होमबलि छाल। अले इस्राएलया झिंनिगू कुलया निंतिं झिंनिम्‍ह दुगुचा शुद्ध जुइगु बलिकथं छाल।

एज्रा 8:35

अनंलि ज्‍वनायंकाः लित छ्वयाहःपिन्‍सं इस्राएलया परमेश्‍वरया निंतिं होमबलि छाल। फुक्‍क इस्राएलया निंतिं झिंनिम्‍ह (१२) द्वहं, गुइखुम्‍ह (९६) भ्‍याःचा व न्‍हयेन्‍हय्‌म्‍ह (७७) चिधिकःपिं भ्‍याःचा अले पापबलिकथं झिंनिम्‍ह दुगुचा छाल। थ्‍व फुक्‍क परमप्रभुया निंतिं होमबलि खः।

लेवी 23:19

अनंलि छिमिसं पापबलिया निंतिं छम्‍ह दुगु व मेलबलिया निंतिं दच्‍छि दुपिं निम्‍ह चिधिकःपिं भ्‍याःचात छायेमाः।

लेवी 4:2

“इस्राएलीतय्‌त थथे धा, ‘परमप्रभुं याये मते धयादीगु ज्‍याखँ मसीकं सुनानं पाप यात धाःसा वं थथे यायेमाः,

लेवी 4:22

“‘सुं नायलं मसीकं परमप्रभु वया परमेश्‍वरं याये मते धयादीगु ज्‍याखँय् पापयात धाःसा वं थथे यायेमाः।

लेवी 4:23

वं याःगु पाप वयाके पिज्‍वःसा वं छम्‍ह खू मदुम्‍ह दुगु थःगु बलिया निंतिं हयेमाः।

लेवी 5:15

“सुनानं मसीकं परमप्रभुया पवित्र सम्‍पत्तिया छुं नं खँय् पापयात धाःसा वं सजाँयकथं परमप्रभुयाथाय् बथांपाखें खू मदुम्‍ह भ्‍याःचा छायेमाः। भ्‍याःचाया मू पवित्र पालया शेकेल कथं क्‍वःछी। थ्‍व दोषबलि खः।

लेवी 5:18

वं दोषबलिकथं पुजाहारीयाथाय् बथांपाखें खू मदुम्‍ह भ्‍याःचा हयेमाः। भ्‍याःचाया मू शेकेलयाकथं क्‍वःछी। पुजाहारीं वं मसीकं याःगु वयागु दोषया निंतिं प्रायश्‍चित याइ। अले वयात क्षमा दइ।

गन्‍ती 15:23

लिपा छिमि सन्‍तानतय्‌सं नं मसीकं परमप्रभुं मोशापाखें बियादीगु उजं मानय् मयात धाःसा,

गन्‍ती 15:26

थुकथं इस्राएलीया फुक्‍क खलः व इपिं नापं च्‍वनाच्‍वंपिं मेगु जातियापिं मनूतय्‌त नं क्षमा दइ। छाय्‌धाःसा थ्‍व मभिंगु ज्‍या मनूतय्‌सं मसीकं मचायेकं याःगु खः।

गन्‍ती 28:15

होमबलि व त्‍वँसाबलि बाहेक शुद्ध जुइगु बलिया निंतिं दुगुचा छम्‍ह नं छायेमाः।