गन्‍ती 15:15 - नेवाः बाइबल

¹⁵ छिमिगु व छिपिंनापं च्‍वनाच्‍वंपिं मेगु जातियापिं मनूतय्‌गु लागिं खलःया सदां सदांया नियम छगू हे जुइमाः। परमप्रभुया न्‍ह्यःने छिपिं व मेगु जातियापिं मनूत उथें खः।

गन्‍ती 15:15 ပူးပေါင်းရင်းမြစ်များ

एस्‍तर 9:27

यहूदीतय्‌सं थः सन्‍तान व इपिं मिलय् जूपिन्‍त थुपिं निन्‍हु नखःचखः दँय्‌दसं क्‍वःछिनातःगु बिधिकथं पक्‍का यानातःगु दिंनय् हे मानय् यायेगु धकाः बचं बिल।

प्रस्‍थान 12:14

“थ्‍व दिं छिमिगु निंतिं लुमन्‍तिया दिं जुइ। थ्‍वखुन्‍हु छिमिसं परमप्रभुया नखः हनेमाः। थ्‍व छिमित पुस्‍तां पुस्‍ता तकया निंतिं नियम जुल।

प्रस्‍थान 12:24

“छिमिसं थ्‍वयात थः व थः सन्‍तानया निंतिं न्‍ह्याबलेंया नियमकथं मानय् या।

प्रस्‍थान 12:43

परमप्रभुं मोशा व हारूनयात धयादिल, “छुत्‍काराया नखःया विधि थुकथं दु, सुं विदेशीं थ्‍व नखःया भ्‍वय् नये मज्‍यू।

प्रस्‍थान 12:49

नियम धाःसा अन हे च्‍वंपिं व पिनें वयाच्‍वंपिं निखलःयात नं छगू हे जुइ।”

प्रस्‍थान 28:43

हारून व वया काय्‌पिन्‍सं पवित्र पालय् दुहां वनेबलय् व वेदीया न्‍ह्यःने सेवा यायेत वनेबलय् थ्‍व वसः फिनावनेमाः। थुकथं इपिं दोषी ठहरे मजुइमा अले मसीमा।” “थ्‍व हारून व वया सन्‍तानयात नं न्‍ह्याबलेंया निंतिं नियम जुल।”

लेवी 24:22

स्‍वदेशीया निंतिं व विदेशीया निंतिं नियम छगू हे जुइमाः। जि परमप्रभु छिमि परमेश्‍वर खः।’”

गन्‍ती 10:8

“हारूनया पुजाहारी काय्‌पिन्‍सं हे तुरही पुइमाः। थ्‍व छिपिं व छिमि लिपायापिं पुस्‍तातय्‌त सदां सदांया लागि नियम जुल।

गन्‍ती 15:14

छिपिंनापं च्‍वनाच्‍वंपिं परदेशी वा लिपा च्‍वंवइपिं पिनेयापिं सुनानं परमप्रभुयात लय्‌ताय्‌कीगु नस्‍वाःगु विशेष देछा छायेगु मनंतुन धाःसा इमिसं नं थुकथं हे यायेमाः।

गन्‍ती 15:29

इस्राएली जूसां इपिं नाप च्‍वनाच्‍वंम्‍ह मेगु जातियाम्‍ह मनू जूसां फुक्‍कसितं मसीकं मचाय्‌कं याःगु मभिंगु ज्‍याया निंतिं छगू हे नियम जुइ।

गन्‍ती 18:8

हाकनं परमप्रभुं हारूनयात धयादिल, “इस्राएलीतय्‌सं जितः छायेहःगु फुक्‍क पवित्र देछा जिं छंगु जिम्‍माय् बियागु दु। छ पुजाहारी जुयाः ज्‍या याःगुलिं उपिं देछा छ व छिमि काय्‌पिन्‍त न्‍ह्याबलेंया भागकथं अलग यानागु दु।

गन्‍ती 9:14

“‘छिमिगु दथुइ च्‍वनिपिं परदेशीं परमप्रभुया छुत्‍काराया नखः हने मास्‍ति वय्‌कूसा उकियागु नियम व विधिकथं हनेमाः। नियम धाःसा अन हे बूपिं व पिनं वयाच्‍वंपिनिगु निंतिं छगू हे जुइ।’”

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

कलस्‍सी 3:11

यहूदीमखुपिं जुइमा, यहूदी जुइमा, म्‍हय् चिं तःपिं जुइमा, मतःपिं जुइमा, सःस्‍यूपिं जुइमा, छुं मस्‍यूपिं जुइमा, अले दास जुइमा, दासमखुपिं जुइमा, फुक्‍कं उथें खः। सकसिकें ख्रीष्‍ट दी। ख्रीष्‍ट हे फुक्‍कं खः।

यहोशू 8:33

इस्राएलीतय्‌त सुवाः बीमा धकाः परमप्रभुया दास मोशां न्‍हापा हे उजं ब्‍यू थें परदेशी, स्‍वदेशी, सकल इस्राएली, इमि नायःत, हाकिमत व न्‍याय याइपिंनापं परमप्रभुयागु बाचा चिनादीगु सनू क्‍वबिपिं लेवी पुजाहारीतय्‌गु न्‍ह्यःने सनूया निखेपाखे बच्‍छि एबाल डाँडाया लिक्‍क व मेपिं बच्‍छि गीरीज्‍जीम डाँडाया लिक्‍क दन।

१ शमूएल 30:25

उखुन्‍हुनिसें थौं तक नं दाऊदं ब्‍यूगु थ्‍व हे नियम इस्राएलीतय्‌सं मानय् यानाः वयाच्‍वंगु दु।