गन्‍ती 14:9 - नेवाः बाइबल

⁹ उकिं छिपिं परमप्रभुया विरोधय् विद्रोह याये मते! अन च्‍वंपिं मनूतलिसे ग्‍याये मते, छाय्‌धाःसा इपिं झीगु शिकार खः। परमप्रभु झीपिं नाप दु, इमिके आः हाःनाः मदये धुंकल। इपिं खनाः ग्‍याये मते।”

गन्‍ती 14:9 ပူးပေါင်းရင်းမြစ်များ

उत्‍पत्ति 48:21

अले वं योसेफयात धाल, “छं खँ हे खन, जि आः यक्‍व म्‍वाइ मखुत। परमेश्‍वर छिपिंनापं दी। अले वय्‌कलं छिमित छिमि तापाःबाज्‍यापिनिगु देशय् हे लित यंकी।

२ इतिहास 13:12

परमेश्‍वर हे जिमि नायः खः। वय्‌कः जिपिंनापं दी। वय्‌कःया पुजाहारीत तुरही पुयाः छिमिगु विरोधय् लडाइँ घोषणा यायेत तयार दु। अय् इस्राएलीत, परमप्रभु थः पुर्खातय् परमेश्‍वरलिसें ल्‍वाये मते। छाय्‌धाःसा छिपिं ताःलाइ मखु।”

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

२ इतिहास 20:17

थ्‍व लडाइँ छिमिसं ल्‍वायेमाली मखु। थथःगु थासय् धिसिं लाःक्‍क दनाच्‍वँ। परमप्रभुं छिमित बचय् यानादीगु छिमिसं खनी, हे यहूदा व यरूशलेम। ग्‍याये मते, नुगः क्‍वतुंके मते। कन्‍हय् इपिंलिसें ल्‍वायेत हुँ। परमप्रभु छिपिंनापं दइ।’”

२ इतिहास 32:8

वयाके मनूया शक्ति दु तर झीके परमप्रभु झी परमेश्‍वर दी। वय्‌कलं झीत ग्‍वाहालि यानादी, अले झीगु लडाइँ ल्‍वानादी।” मनूतय्‌सं हिजकिया जुजुया खँ पत्‍याः यात।

नहेम्‍याह 4:14

अले जिं अनयागु फुक्‍क अवस्‍था स्‍वये धुंकाः भारदारत, हाकिमत व सकलें मनूतय्‌त थथे धया, “इपिं खनाः ग्‍याये मते। तःधंम्‍ह व मानय् यायेमाःम्‍ह प्रभुयात लुमंकि। अले थः दाजुकिजापिं, काय्‌म्‍ह्याय्‌पिं, कलाः व छेँया निंतिं लडाइँ या।”

भजनसंग्रहया सफू 106:24

इपिं व न्‍ह्याइपुगु देशय् दुहां वनेत ग्‍यात। इमित वास्‍ता याये धकाः वय्‌कलं बियादीगु बचंयात इमिसं विश्‍वास मयात।

भजनसंग्रहया सफू 121:5

परमप्रभु छन्‍त बिचाः यानादीम्‍ह खः, परमप्रभु छंगु जव ल्‍हाःपाखे छन्‍त रक्षा यानादीम्‍ह खः।

भजनसंग्रहया सफू 14:4

थुपिं मभिंगु यानाजुइपिन्‍सं गुबलें हे सय्‌की मखु ला? इमिसं जिमि मनूतय्‌त मरि नये थें नयाच्‍वन। अले परमप्रभुया नां हे काइ मखु।

भजनसंग्रहया सफू 46:11

दक्‍व शक्ति दुम्‍ह परमप्रभु झीनापं दी, याकूबया परमेश्‍वर झीगु शरण कायेगु थाय् खः। सेला

भजनसंग्रहया सफू 46:7

दक्‍व शक्ति दुम्‍ह परमप्रभु झीलिसे दी, याकूबया परमेश्‍वर झी शरण कायेगु थाय् खः।

भजनसंग्रहया सफू 46:8

वा, परमप्रभुया ज्‍या स्‍व, वय्‌कलं संसारय् गुकथं नाश हयादिल।

भजनसंग्रहया सफू 74:14

छिं लिव्‍यातन् नांयाम्‍ह समुद्रया राक्षसया छ्यं तछ्यानाः वयागु ला मरुभूमिया पशुतय्‌त नकेबियादिल।

भजनसंग्रहया सफू 91:1

दक्‍वसिबय् तःधंम्‍ह परमप्रभुयागु शरणय् च्‍वनीम्‍ह मनू दक्‍व शक्ति दुम्‍ह परमेश्‍वरयागु सुरक्षाय् च्‍वनी।

प्रस्‍थान 14:13

मोशां इमित धाल, “ग्‍याये मते। नुगः बल्‍लाकि। धिसिलाक्‍क च्‍वँ। अले परमप्रभुं छिमित थौं बियादीत्‍यंगु मुक्तियात स्‍व। थौं खंपिं मिश्रीतय्‌त छिमिसं गुबलें खनी मखुत।

प्रस्‍थान 33:16

जिपिंनापं मवंतले जि व जिमि मनूतय्‌सं छिगु दया जिमिके दु धकाः गथे यानाः सीकेगु? मेगु छु खं जि व छिकपिनि मनूत पृथ्‍वी च्‍वंपिं मनूत स्‍वयाः अलग जुइ?”

यशैया 1:2

हे आकाश, न्‍यँ! हे पृथ्‍वी, बांलाक ध्‍यान बियाः न्‍यँ! छाय्‌धाःसा परमप्रभुं थथे धयादीगु दु, “जिं थःकाय् म्‍ह्याय्‌पिन्‍त सुसाःकुसाः यानाः ब्‍वलंका, अय्‌नं इपिं जिराहा जुयाः जिगु विरोधय् विद्रोह यात।

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 41:14

हे कीचा याकूब, ग्‍याये मते! हे चिधंगु इस्राएल, जिं हे छन्‍त ग्‍वाहालि याये।” परमप्रभु, छन्‍त उद्धार यानादीम्‍ह इस्राएलया दक्‍वसिबय् तःधंम्‍ह पवित्र परमेश्‍वरं थथे धयादी।

यशैया 63:10

अय्‌नं इपिं विद्रोही जुल, अले वय्‌कःया पवित्र आत्‍मायात दुःख बी। अथे जुयाः वय्‌कः इमि शत्रु जुयादिल, अले वय्‌कः थः हे इमिगु विरोधय् ल्‍वानादिल।

यर्मिया 1:19

इपिं छलिसें ल्‍वाः वइ, तर इमिसं छन्‍त त्‍याके फइ मखु, छाय्‌धाःसा छन्‍त रक्षा यायेत जि छलिसें दइ,” जि परमप्रभु न्‍ववानागु दु।

यर्मिया 42:11

छिपिं आः ग्‍यानाच्‍वंगु बेबिलोनया जुजुलिसें ग्‍याये मते, परमप्रभुं धयादी, छाय्‌धाःसा छिमित वयागु ल्‍हातं बचय् यायेत व त्‍वःतकेत जि छिपिंलिसें दु।

यर्मिया 48:45

“बिस्‍युं जुयाच्‍वंपिं मनूत ग्‍वाहालि मदयाः हेश्‍बोनया किचलय् दनी। छाय्‌धाःसा हेश्‍बोनं छगू मि व सीहोनया दथुं ह्वानाह्वाना च्‍यानाच्‍वंगु मि पिहां वःगु दु। उकिं मोआबया कपाःतय्‌त व ल्‍वापु याइपिं घमण्‍डीतय्‌गु छ्यंक्‍वँय्‌यात भस्‍म यानाबी।

दानिएल 9:5

जिमिसं पाप यानागु दु अले द्वंकागु दु। जिपिं मभिंपिं जुयागु दु अले विद्रोही जुयागु दु। जिपिं छिगु आज्ञा व नियमपाखें फहिला वनागु दु।

दानिएल 9:9

छिगु खँ मन्‍यंसे जिपिं विरोधी जुयागु दु। अथे जूसां परमप्रभु जिमि परमेश्‍वर, छि दयादुम्‍ह व क्षमा यानादीम्‍ह खः।

गन्‍ती 13:30

कालेबं मोशाया न्‍ह्यःने मनूतय्‌गु म्‍हुतुप्‍वाः तिकाः थथे धाल, “झीसं थत्‍थें थाहां वनाः व देशय् अधिकार यायेमाः। धात्‍थें झीसं इमित त्‍याकेफइ।”

गन्‍ती 17:6

अले मोशां इस्राएलीतय्‌त थ्‍व खँ न्‍यंकल। इमि नायःतय्‌सं थथःपिनि कुलकथं छम्‍ह छम्‍ह नायःया निंतिं छपु छपु यानाः झिंनिपु कथि वयात बिल। हारूनया कथि नं इमिगु कथिया दथुइ दु।

गन्‍ती 20:2

खलःया निंतिं अन लः मदु। अले मोशा व हारूनया विरोधय् मनूत मुन।

गन्‍ती 24:8

परमेश्‍वरं इमित मिश्र देशं पित ब्‍वनाहल। इमिगु बल जंगली द्वहं थें च्‍वं। इमिसं थः शत्रुतय्‌त नुनाछ्वइ, अले इमिगु क्‍वँय् चुंचुं यानाबी, अले वाणं इमित सुयाबी।

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

रोमी 8:31

आः थ्‍व खँयात झीसं छु धायेगु? परमेश्‍वर झीनाप दीसा झीनाप ल्‍वाइपिं सु?

व्‍यवस्‍था 1:21

स्‍व! परमप्रभु छिमि परमेश्‍वरं थ्‍व देश छिमित बियादीगु दु। अथे जुयाः वनाः थः पुर्खाया परमप्रभु परमेश्‍वरं धयादी थें उकियात अधिकार या। छिपिं ग्‍याये मते, नुगः क्‍वतुंके मते।”

व्‍यवस्‍था 1:26

अय्‌नं छिपिं अन वनेत मानय् मजू। छिमिसं परमप्रभु छिमि परमेश्‍वरयागु आज्ञाया विरोध यात।

व्‍यवस्‍था 1:29

अले जिं छिमित धया, “नुगः भाराभारा मिंके मते, इपिं खनाः ग्‍याये मते।

व्‍यवस्‍था 31:6

बल्‍ला व साहसी जु। इपिंलिसें ग्‍याये मते वा थरथर खाये मते। छाय्‌धाःसा परमप्रभु छिमि परमेश्‍वर हे छिपिंलिसें झाइ। वय्‌कलं छिमित गुबलें त्‍वःतादी मखु, अले त्‍यागय् यानादी मखु।”

व्‍यवस्‍था 31:8

परमप्रभु थः हे छंगु न्‍ह्यःने झाइ, अले छनापं दइ। वय्‌कलं छन्‍त गुबलें त्‍वःतादी मखु अले त्‍यागय् याइ मखु। ग्‍याये मते, नुगः क्‍वतुंके मते।”

व्‍यवस्‍था 32:42

जिगु वाणतय्‌त हि त्‍वंके बी, अले जिगु तरवारं ला नइ। जिं फुक्‍क शत्रुतय्‌त स्‍यानाबी, कैदीतय्‌त तकं नं अले शत्रुतय् नायःतय्‌गु छ्यं ध्‍यनाबी।”

व्‍यवस्‍था 7:18

अय्‌नं इपिं खनाः ग्‍याये मते। परमप्रभु छिमि परमेश्‍वरं फारो व मिश्र न्‍यंकं छु यानादिल व लुमंकि!

व्‍यवस्‍था 7:21

छिपिं इपिं खनाः ग्‍याये मते, छाय्‌धाःसा छिमिगु दथुइ च्‍वनाच्‍वंम्‍ह परमप्रभु छिमि परमेश्‍वर तःधंम्‍ह व ग्‍यानपुसे च्‍वंम्‍ह परमेश्‍वर खः।

व्‍यवस्‍था 9:7

मरुभूमिइ छिमिसं गथे यानाः परमप्रभु छिमि परमेश्‍वरयात तं चाय्‌कागु खः, व खँ लुमंकि, अले गुबलें ल्‍वःमंके मते। छिपिं मिश्र त्‍वःता वःगु दिंनिसें थन थ्‍यंकः वःगु दिं तक छिमिसं परमप्रभुयागु विरोध याना हे च्‍वंगु दु।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

यहोशू 1:5

छ म्‍वानाच्‍वंतले छंगु विरोधय् सुं दनाच्‍वने फइ मखु। गथे जि मोशानापं च्‍वना, अथे हे जि छनापं च्‍वने। जिं छन्‍त गुबलें त्‍वःते मखु, गुबलें त्‍यागय् याये मखु।

यहोशू 14:12

उकिं परमप्रभुं उखुन्‍हु धयादीगुकथं आः व पहाडी देश जितः बियादिसँ। उबलय् अन अनाकी धाःपिं ततःधिकःपिं मनूत च्‍वनीगु खः अले इमिके ततःजाःगु पखाः दुगु शहरत दु धकाः छिं न्‍यनादीगु खः। तर परमप्रभुयागु ग्‍वाहालिं वय्‌कलं धयादीगु थें जिं इमित लिनाछ्वये।”

न्‍यायकर्ता 1:22

योसेफया कुलं बेथेल हमला यायेत वःबलय् परमप्रभुं इमित ग्‍वाहालि बियादिल।